موبائل نمبر کو آدھار کارڈ سے لنک کرنے کے خلاف سپریم کورٹ میں ایک اور درخواست
نئی دہلی،23؍ اکتوبر(ایس او نیوز؍آئی این ایس انڈیا )موبائل نمبرکوآدھار کارڈ سے بنیادی طورپرمنسلک کرنے کے خلاف سپریم کورٹ میں ایک اور پٹیشن داخل کی گئی ہے۔ اس میں پرانے موبائل نمبر کے ویریفکیشن اور نیا موبائل نمبر لینے کے لیے آدھار کارڈ کو لازمی کرنے کو چیلنج کیا گیا ہے۔وکیل راگھو نے سپریم کورٹ میں عرضی داخل کر مواصلاتی وزارت کے 16 اگست 2016 اور 23 مارچ 2017 کے بارے میں اہم اطلاع کو چیلنج کیا ہے۔جس وزارت نے پرانے موبائل نمبر کے ویریفکیشن اور نیا موبائل نمبر لینے کے لئے آدھار کارڈ کو لازمی کر دیاہے۔راگھو تنکھا نے اپنی درخواست میں کہا ہے کہ مرکزی حکومت عوامی پالیسی فاؤنڈیشن میں سپریم کورٹ کے حکم کی جان بوجھ کر غلط تشریح کی جس کے مطابق سپریم کورٹ نے مرکزی حکومت کو حکم دیا تھاکہ پرانے موبائل نمبر کے ویریفکیشن اور نئے موبائل نمبر لینے کے لیے آدھار کارڈ کو لازمی کیا جائے جبکہ سپریم کورٹ نے اپنے حکم میں ایسا کچھ نہیں کہا تھا۔
