اگر اب بھی رام مندرنہیں بنا تو بھروسہ اٹھ جائے گا: بابا رام دیو

Source: S.O. News Service | By Shahid Mukhtesar | Published on 3rd December 2018, 11:51 AM | ملکی خبریں |

احمدآباد۔3دسمبر(ایس او نیوز/یواین آئی) یوگ گرو بابا رام دیو نے آج کہا کہ اگر اس وقت اجودھیا میں رام مندر نہیں بنا تو لوگوں کا بی جے پی سے بھروسہ اٹھ جائے گا۔

انہوں نے کہا کہ اب جب مرکزاور ریاست دونوں جگہ بی جے پی کی حکومت ہے تو اگر اب بھی اجودھیا میں رام مندر نہیں بنایا گیا تو لوگوں کا بی جے پی سے بھروسہ اٹھ جائے گا جو برسراقتدار پارٹی کے لئے اچھا نہیں ہوگا۔گزشتہ لوک سبھا انتخابات میں بی جے پی کی کھلے عام حمایت کرنے والے اور وزیراعظم نریندرمودی کے جگ ظاہر حامی مانے جانے والے بابا رام دیو نے آج یہاں نامہ نگاروں سے یہ بات کہی۔

انہوں نے کہا کہ اجودھیا میں رام مندر بنانے کے دو ہی راستے ہیں۔ایک تو یہ ہے کہ لوگ قانون اور عدالت کی پرواہ کئے بغیر خود ہی اسے بنانا شروع کردیں۔ایسا ہونے پر اس پر سوال اٹھائے جائیں گے ۔دوسرا یہ ہے کہ حکومت جمہوریت کی سب سے بڑے ادارے پارلیمنٹ کے ذریعہ قانون بناکر ایسا کرے ۔

بابا رام دیو نے کہا کہ آئینی عمل میں اتنی تاخیر ہوچکی ہے کہ لوگوں کو عدالت کے ذریعہ اس معاملے کے جلد سلجھنے کی امید ہی نہیں ہے ۔اب مودی حکومت مندر بنانے کے لئے آرڈیننس لاسکتی ہے ۔ملک کے عوام اجودھیا میں رام مندر دیکھنا چاہتی ہے ۔انہوں نے دعویٰ کیا کہ رام اقلیتوں اور اکثریتوں کے درمیان تنازعہ کا موضوع نہیں ہیں کیونکہ وہ دونوں ہی کے ہیں۔قابل ذکر ہے کہ بابا رام دیو یہاں گجرات میں پتنجلی کے کپڑوں کے پہلے اسٹور کے افتتاح کے لئے آئے تھے ۔

ایک نظر اس پر بھی

پاکستان جب تک دہشت گردی کے خلاف مؤثرکاروائی نہیں کرتا، ایئر اسٹرائک جیسے قدم اٹھاتے رہیں گے: وزارت دفاع

وزارت دفاع نے دو ٹوک کہا ہے کہ جب تک پاکستان دہشت گرد گروپوں کے خلاف قابل اعتماد کارروائی نہیں کرتا، تب تک ہندوستان اپنی قومی سلامتی کو یقینی بنانے کے لئے سخت اقدامات اٹھاتا رہے گا۔