ممکن ہے، افغانستان سیاسی تصفیے کی جانب بڑھ رہا ہو: پینٹاگان

Source: S.O. News Service | By Shahid Mukhtesar | Published on 31st December 2018, 12:30 PM | عالمی خبریں |

واشنگٹن 31دسمبر (ایس او نیوز؍ آئی این ایس انڈیا ) کئی محاذوں پر چیلنجوں کے باوجود، امکان اس بات کا ہے کہ حالیہ تاریخ کا یہ ایسا لمحہ ہو جب افغانستان سازگار سیاسی تصفیے کی جانب بڑھ رہا ہے۔ یہ بات پینٹاگان کی جانب سے اس ہفتے جاری کی گئی ایک رپورٹ میں کہی گئی ہے، جس میں حالیہ فوجی کشیدگی اور سفارتی اقدامات کے اثرات کی جانب دھیان مبذول کرایا گیا ہے۔سالانہ تجزئے پر مبنی اس رپورٹ میں، جو امریکی کانگریس کو پیش کی جاتی ہے، پینٹاگان نے اس ہفتے افغانستان کی لڑائی کے بارے میں امریکی قانون سازوں کو ایک حالیہ تفصیلی رپورٹ دی ہے۔ رپورٹ میں افغانستان میں حاصل کردہ پیش رفت اور 2018 اور 2019 کے مالی سال کے دوران درپیش چیلنجوں کی تفصیل پیش کی گئی ہے۔اس رپورٹ میں افغانستان کو درپیش چیلنجوں میں سیاسی عدم استحکام، قومی سلامتی فورس کی صلاحیتیں اور دیگر علاقائی طاقتوں کی مداخلت سے متعلق جائزہ پیش کیا گیا ہے۔رپورٹ میں کہا گیا ہے کہ افغانستان کی موجودہ عسکری صورت حال تعطل کا شکار ہے۔ سال 2018میں اضافی مشیروں اور معاونین کے شامل ہونے سے صورت حال میں استحکام آیا، طالبان کی پیش قدمی کی رفتار میں کمی آئی جنھوں نے 2011 اور 2016 کے دوران امریکی فوج میں کمی لانے کا فائدہ اٹھایا۔رپورٹ کے مطابق، ''سفارتی، مذہبی، فوجی اور سماجی دباؤ بڑھانے کی بنا پر وضع کردہ حکمت علمی، ساتھ ہی بین الاقوامی کارروائی میں اضافے کی وجہ سے طالبان کی سینئر قیادت مباحثے پر مجبور ہوئی کہ وہ افغان حکومت کے ساتھ مذاکرات کا اجرا کرے۔اگست 2017میں امریکی صدر ڈونالڈ ٹرمپ نیافغانستان سے متعلق اْن کی انتظامیہ کی حکمت عملی کا اعلان کیا اور انہی خطوط پر کارفرما رہنے کا عندیہ دیا تاکہ یہ ملک دہشت گردوں کے لیے محفوظ ٹھکانہ نہ رہے، جس کے نتیجے میں وہ امریکی قومی سلامتی کے لیے خطرے کا باعث نہ بنیں۔اْس وقت صدر ٹرمپ نے کہا تھا کہ وہ ملک کی تعمیر نو کا کام بند کریں گے اور برعکس اس کے، دھیان امریکی قومی سلامتی کے مفادات کی جانب مبذول کریں گے۔ اْنھوں نے کہا تھا کہ ''میں امریکی عوام کی مایوسی کے بارے میں بتاتا ہوں۔ میں اس بیرونی پالیسی کے بارے میں بھی اْن کی مایوسی پر روشنی ڈالنا چاہتا ہوں جس میں بہت زیادہ وقت، توانائی، پیسے اور سب سے زیادہ یہ کہ اہم ترین زندگیاں قربان ہوئیں، یہ کوشش کرتے ہوئے کہ ملک کی تعمیر نو ہمارے معیار کے مطابق ہو۔ٹرمپ نے کہا تھا کہ یہ نئی حکمت عملی نظام الاوقات کو چھوڑ کر صورت حال کی بنا پر تبدیل کی جائے گی۔

ایک نظر اس پر بھی

2014 کے لوک سبھا انتخابات میں تمام ای وی ایم ہیک کئے گئے تھے: امریکن سائبر ایکسپرٹ کا دعویٰ؛ کیا ای وی ایم نے بی جے پی کو اقتدار دلایا ؟

 امریکہ میں مقیم ایک سائبر ماہر سید شجاع نے دعویٰ کیا ہے کہ   ہندستان میں    سال 2014میں ہوئےعام انتخابات میں استعمال کی گئی  الیکٹرونک ووٹنگ مشین (ای وی ایم) کو  ہیک کیا گیا تھا۔ 543 سیٹوں والے اس الیکشن میں بی جے پی کو282 سیٹوں پر شاندار کامیابی حاصل ہوئی تھی اور سن 1984 کے بعد پہلی ...

بنگلہ دیش انتخابات میں شیخ حسینہ کامیاب، اپوزیشن نے نتائج ماننے سے کیا انکار

خبر رساں اداروں کے مطابق بنگلہ دیشی وزیر اعظم شیخ حسینہ واجد کی حکمران جماعت عوامی لیگ نے اتوار 30 دسمبر کو ہونے والے عام انتخابات میں اپوزیشن کے مقابلے میں بڑی برتری حاصل کر لی ہے اور حتمی نتائج میں عوامی لیگ کو کل 350 نشستوں میں سے 281 نشستوں پر کامیابی حاصل ہوئی ہے۔

ایرانی حکومت ٹوئٹراستعمال کر رہی ہے مگر عوام کے لیے ممنوع ہے : امریکی سفیر

جرمنی میں امریکی سفیر رچرڈ گرینل کا کہنا ہے کہ ایرانی حکومت خود ٹویٹر کا استعمال کر رہی ہے مگر عوام کے لیے اس کا استعمال روکا ہوا ہے۔ انہوں نے یہ بات ایرانی پارلیمنٹ کے اسپیکر علی لاریجانی سے منسوب ٹویٹر اکاؤنٹ کھولے جانے پر تبصرہ کرتے ہوئے کہی۔اگرچہ ایرانی میڈیا نے مذکورہ ...