بھٹکل: گنیش چترتھی کو لے کر پیس میٹنگ کا انعقاد:تہوار کے نام پر دوسروں کو تکلیف نہ دیں:ایڈیشنل ایس پی
بھٹکل:19/اگست (ایس اؤنیوز)روا ں مہینے کی 25تاریخ سے ملک بھر میں منائے جانے والے برادران وطن کے تہوار گنیش چتروتی کے موقع پر امن وا مان کی فضا بنائے رکھنے کے لئےپولیس محکمہ اور انتظامیہ کی جانب سے آج بھٹکل سرکٹ ہاؤس میں پیس میٹنگ کا انعقاد کیا گیا۔
پیس میٹنگ میں ایڈیشنل ایس پی گوپال نے کہا کہ تہوار کے موقع پر امن وامان کی فضا بنائے رکھنے کی ضرورت پر زور دیا اور اس سلسلے میں عوام کا تعاون لازمی ہونے کی بات کہی، بتایا کہ تہوار کے نام پر دوسروں کو تکلیف دینے یا پریشان کرنے کے کام نہ کریں۔
ایڈیشنل ایس پی نے بتایا کہ گنیش چترتھی کے لئے نصب کئے جانے والے پنڈال کی حفاظت کون کریں گے ان کے نام متعلقہ اتسوا سمیتی کے ذمہ داران پولس افسران کو بتائیں۔ آگ زنی جیسے حادثات کو روکنے کے لئے پیشگی اقدامات کریں۔ شراب کے نشے میں مست لوگوں کوجلوس میں شرکت کی اجازت نہ دی جائےاورمخصوص مقامات پر دانس و غیرہ کے لئے کسی پر دباؤ نہ ڈالیں اور ایک دوسرے کو رنگنے کے دوران بھی احتیاط برتیں، گنیش مورتی کو سمندر یا دریا میں وداع کرنے کے دوران بہتر تیراکوں کو ہی موقع دینے کی بات کہی۔
اس موقع پر بھٹکل اسسٹنٹ کمشنر نے یاد دلایا کہ پلاسٹر آف پیاریس( پی او پی) سےمورتیاں بنانے اور استعمال کرنے پر ہائی کورٹ نے پابند ی عائد کی ہے اس لئے کہ اسے سمندر میں بہانے سے سمندری مخلوقات کو نقصان پہنچنے کا اندیشہ رہتا ہے ،عدالتی حکم پر عمل آوری کرنے کی بات کہی۔ اس موقع پر انہوں نےکیمکل رنگ لگا نے پر بھی پابندی کی بات کہی ۔ میٹنگ میں مجلس اصلاح و تنظیم کے جنرل سکریٹری محی الدین الطاف کھروری ،بلدیہ صدر محمد صادق مٹا، نچل مکی وینکٹ رمن مندر انتظامیہ کے صدر ایم آر نائک،شری دھر نائک نے اپنے خیالات کا اظہار کیا ۔ ڈی وائی ایس پی شیوکمار، بلدیہ نائب صدر کے ایم اشفاق وغیرہ موجود تھے۔ سی پی آئی سریش نایک نے استقبال کرتے ہوئے شکریہ اداکیا۔