بھٹکل میں عیدالفطر کے پیش نظر پیس میٹنگ کا انعقاد

Source: S.O. News Service | By I.G. Bhatkali | Published on 13th June 2018, 7:38 PM | ساحلی خبریں | ان خبروں کو پڑھنا مت بھولئے |

بھٹکل 13/جون (ایس او نیوز) عیدالفطر کے پیش نظر آج سرکیوٹ ہائوس میں  بھٹکل تعلقہ انتظامیہ کی جانب سے پیس میٹنگ کا انعقاد کیا گیا جس میں  مسلم اور غیرمسلم دونوں کمیونٹی کے مختلف اداروں کے ذمہ داران موجود تھے۔

ذمہ داران سے مخاطب ہوتے ہوئے بھٹکل کے ڈی وائی ایس پی ویلنٹائن ڈیسوزا نے بھٹکل میں امن و امان کی صورتحال پر اطمینان کا اظہار کرتے ہوئے کہا کہ اس بات پر ذمہ داران کا شکریہ ادا کیا کہ انتخابات کے موقع پر بھی یہاں امن اور بھائی چارگی برقرار رہی۔ انہوں نے جمعہ یا سنیچر کو منائے جانے والے عید الفطر کے موقع پر بھی تمام لوگوں سے اسی طرح امن و امان کی فضا بحال رکھنے کی درخواست کی اور کہا کہ معمولی باتوں کو اُدھر ہی بات چیت کے ذریعے حل کریں اور معاملوں کو بڑھاوا دینے کی کوشش نہ کریں۔  

 بھٹکل کے نئے تحصیلدار وی پی کوٹرلّی جن کا تعلق ہاویری سے ہے، نے گفتگو کرتے ہوئے کہا کہ جب اُن کی  بھٹکل میں پوسٹنگ ہوئی ، تو لوگ اُنہیں بھٹکل کے نام ڈراتے تھے کہ آپ بھٹکل جائیں گے،  مگر جب میں یہاں پہنچا تو   تمام غلط فہمیاں دور ہوگئیں، میں نے یہاں دیکھا کہ لوگ کس طرح مل جل کر اور بھائی چارگی کے ساتھ رہتے ہیں، یہاں تک کہ انتخابات کے موقع پر معمولی جھڑپ کی بھی کوئی واردات پیش نہیں آئی۔ 

میٹنگ کی صدارت کرتے ہوئے بھٹکل اسسٹنٹ کمشنر ساجد مُلا نے کہا کہ اس ملک میں سبھی مذاہب اور دھرم کے لوگوں کو تہوار منانے کا اختیار حاصل ہے، یہ ملک سبھی مذاہب کے لوگوں کا سنگم ہے ، یہاں ہر ذات پات کے لوگ بستے ہیں، انہوں نے پیس میٹنگ میں اسٹیج پر موجود آفسران کے تعلق سے کہا کہ اُن کے دائیں طرف ایک دھرم کا افسر ہے تو بائیں طرف دوسرے دھرم کا آفسر ہے، اور اُن کا خود کا دھرم اُن دونوں سے الگ ہے۔ انہوں نے کہا کہ یہاں عوام ہی نہیں بلکہ آفسرس بھی الگ الگ دھرم سے تعلق رکھتے ہیں اور یہی اس ملک کی خاصیت ہے۔ خیال رہے کہ اسسٹنٹ کمشنر ساجد مُلا کے دائیں طرف سرکل پولس انسپکٹر گنیش اور بائیں جانب ڈی وائی ایس پی ویلنٹائن ڈیسوزا تشریف فرما تھے۔

ایک نظر اس پر بھی

یلاپور میں بائیک پھسل گئی، دو شدید زخمی

یلاپور 17 جون (ایس او نیوز) ضلع اتر کنڑا کے یلاپور نیشنل ہائی وے 63 پر ایک بائیک تیز رفتاری کے ساتھ پھسلنے کے نتیجے میں بائیک پر سوار دو لوگ بری طرح زخمی ہو گئے۔ جن کی شناخت ہبلی گنیش پیٹ کے رہنے والے محمد شاہد موراک (21) اور محمد نعیم (23) کی حیثیت سے کی گئی ہے۔

بھٹکل: مرڈیشور سمندر میں ڈوبنے والے ایک سیاح کو لائف گارڈ نے دی نئی زندگی

تعلقہ کے سیاحتی مقام مرڈیشور میں آج بنگلور کے ایک سیاح کو لائف گارڈ نے   ڈوبنے سے بچالیا اور ایک نئی زندگی عطا کی جس کی شناخت  یوراج (36) کی حیثیت سے کی گئی ہے۔ وہ بنگلور کے سری رام پورا کا رہنے والا ہے۔

دبئی ۔مینگلور ایئر انڈیا فلائٹ کوچی ایئر پورٹ کی طرف موڑ دیا گیا۔ عید کے لئے مینگلور پہنچنے والے مسافروں نے کیا رن وے پر احتجاج

دبئی سے آنے والی ایئر انڈیاایکسپریس فلائٹ AIE 814کومنگلورو ایئر پورٹ کے بجائے کوچی ایئر پورٹ پر لینڈ کرانے سے ناراض مسافروں نے کوچی ایئر پورٹ کے رن وے پر احتجاجی مظاہرہ کیا اور ایئر انڈیا کے کوتاہی اور غفلت پر سخت برہمی کا اظہار کیا۔

بیندوراوتینانی میں پہاڑی کا کھسکنا شاہراہ کی تعمیراتی کمپنی کے لئے دردِسر۔ حل تلاش کرنے کمپنی پہنچی راگھویندرا مٹھ میں!

نیشنل ہائی وے توسیعی منصوبے کے تحت بیندور کے وتّی نینی علاقے میں پہاڑکو کاٹ کر راستہ بنانے کا کام رکاوٹوں کا شکار ہوتاجارہا ہے کیونکہ یہاں بار بار پہاڑی چٹانیں کھسکنے کے واقعات پیش آرہے ہیں۔ حالانکہ ٹھیکیدار کمپنی اس سے پہلے پنچاب، کشمیر اور ممبئی وغیرہ میں بہت ہی کٹھن حالات ...

اُڈپی میں بجرنگ دل کارکنوں کے حملہ میں ہلاک ہونے والے حسین ابّا کی موت کا سبب سر پر لگنے والی چوٹ۔ پوسٹ مارٹم رپورٹ میں انکشاف

ہیری اڈکا پولیس اسٹیشن کی حدود میں پیراڈور کے مقام پر مویشیوں کے تاجر حسین ابّا اور اس کے ساتھیوں کی گاڑی روک کر پولیس اور بجرنگ دل کارکنان کی ملی بھگت سے 30مئی کو صبح کی اولین ساعتوں میں جو حملہ ہوا تھا اوراس کے بعد ایک پہاڑی علاقے سے حسین ابا کی لاش برآمد ہوئی تھی اس معاملے کی ...

بھٹکل میں پورے جوش و خروش کے ساتھ عید الفطر منائی گئی؛ مولانا عبدالعلیم ندوی اور مولانا خواجہ مدنی کا نوجوانوں سے پرزور خطاب

ساحلی کرناٹک کے شہربھٹکل سمیت کمٹہ،  بیندور، کنداپور،  کنڈلور، گنگولی، اُڈپی،  مینگلور اور پڑوسی ساحلی ریاست کیرالہ میں آج جمعہ کو پورے جوش و خروش کے ساتھ عید الفطر  منائی گئی۔ 

بھٹکل: مرڈیشور سمندر میں ڈوبنے والے ایک سیاح کو لائف گارڈ نے دی نئی زندگی

تعلقہ کے سیاحتی مقام مرڈیشور میں آج بنگلور کے ایک سیاح کو لائف گارڈ نے   ڈوبنے سے بچالیا اور ایک نئی زندگی عطا کی جس کی شناخت  یوراج (36) کی حیثیت سے کی گئی ہے۔ وہ بنگلور کے سری رام پورا کا رہنے والا ہے۔

دبئی ۔مینگلور ایئر انڈیا فلائٹ کوچی ایئر پورٹ کی طرف موڑ دیا گیا۔ عید کے لئے مینگلور پہنچنے والے مسافروں نے کیا رن وے پر احتجاج

دبئی سے آنے والی ایئر انڈیاایکسپریس فلائٹ AIE 814کومنگلورو ایئر پورٹ کے بجائے کوچی ایئر پورٹ پر لینڈ کرانے سے ناراض مسافروں نے کوچی ایئر پورٹ کے رن وے پر احتجاجی مظاہرہ کیا اور ایئر انڈیا کے کوتاہی اور غفلت پر سخت برہمی کا اظہار کیا۔

بنگلوروانٹرنیشنل ایرپورٹ میں 1.5 کے جی سونا ضبط

کسٹمز افسران کی آنکھوں میں دھول جھونک کر غیر قانونی طور پر دوبئی سے حیدرآباد لے جارہے تقریباً 1.5کے جی سو نے کے زیورات ضبط کرکے دو افراد کو گرفتار کرلیا ہے ۔ ملزمین پر الزام ہے کہ وہ ہوائی جہاز کے سیٹ کے نیچے سونا چھپائے ہوئے تھے ۔