بھٹکل ماری ہبا کی مناسبت سے پیس میٹنگ کا انعقاد : آپسی تعاون اور میل جول پر ہرایک کا زور

Source: S.O. News Service | By Abu Aisha | Published on 3rd August 2018, 12:21 PM | ساحلی خبریں | ان خبروں کو پڑھنا مت بھولئے |

بھٹکل:2/اگست (ایس اؤ نیوز)اگست 7اور8کو منائےجانے والے ماری جاترا تہوار کی مناسبت سے سرکٹ ہاؤس میں  بھٹکل اسسٹنٹ کمشنر ساجد ملا نے پیس میٹنگ کی صدارت کرتے ہوئے کہاکہ ہرتہوار کے پیچھے کوئی نہ کوئی تاریخ ہوتی ہے، ایسے موقعوں پر تہواروں کو امن وامان سے منانے کے لئے ضروری اقدامات کرنا  سرکارسے زیادہ سماج کی ذمہ داری ہے۔  سرکار آپ تمام کے ساتھ مل کر تہواروں کو مناتی ہے تو سب کو خوشی حاصل ہوتی ہے۔ اسسٹنٹ کمشنر نے  کہاکہ عوامی اعتقاد اور اعتماد کی بنیاد پر ماری جاترا منایاجاتاہے، جس کے پیش نظر ہر طرح کے پیشگی اقدامات اٹھائے جارہے ہیں جس کے لئے تمام کا تعاون درکار ہے۔ ڈی وائی ایس پی ولینٹائن ڈیسوزا نے جاترے کے متعلق کہاکہ دودن چلنے والے جاترے کے لئے پولس بندوبست کیا جائےگا۔ ٹرافک ، بجلی سپلائی ، باکڑا دکانوں اور صاف صفائی کے لئے انتظامات کئے جائیں گے۔

مجلس اصلاح وتنظیم کے نائب صدر اور جے ڈی ایس لیڈر عنایت اللہ شاہ بندری نے ہندو مسلم آپسی تعاون اور مل جل کر کئے جانے والے کاموں کا ذکر کرتےہوئے ماری جاترا کے متعلق سرکاری افسران کو صلاح دی کہ جاترے کی وداعی تقریب کے بعد سمندر سےلوٹنے والوں کو عام طور پر سواریوں کا انتظام رہتا ہے مگر ہم دیکھتے ہیں کہ اس کے باوجود کئی لوگ پیدل آتے رہتے ہیں بہتر ہے کہ زائد سواریوں کاانتظام کریں، اور سمندر کنارے روشنی کا انتظام ہوتو کافی سہولت ہوگی۔ 

موقع کو دیکھتے ہوئے کہ سرکاری آفسران ایک ہی جگہ موجود ہیں، عنایت اللہ شاہ بندری نے ہیبلے پنچایت حدود کے حنیف آباد کے قریب کڑی مشین روڈپر کچرے  کا ڈھیر جمع ہونے کا معاملہ زوردار طریقہ سے اُٹھایا اور اہلکاروں سے پوچھا  کہ وہ عوامی چہل پہل کی سڑک ہے یا میونسپالٹی کی طرف سے کچروں کی ذخیرہ اندوزی کا مرکز ہے ؟ انہوں نے کہا کہ  کچروں  کا ڈھیر اتنا جمع  ہواہے کہ سڑک کہیں پر بھی نظر نہیں آتی اور صرف کچرا ہی کچرا دکھائی دیتاہے، جہاں اب بڑے بڑے کیڑے پڑے ہوئے ہیں۔ انہوں نے متعلقہ حکام کو اس تعلق سے مناسب انتظامات کرنے کا مطالبہ کرتے ہوئے کہا کہ  اگر حکام نےفوری متعلقہ علاقہ کی صاف صفائی کی طرف توجہ نہیں دی  تو پھر عوام کو ہی سڑکوں پر اُتر کرصاف صفائی کرنا پڑے گا۔ انہوں نے کہا کہ ہیبلے علاقہ میں نہ کچرا لے جانے رکشہ کا انتظام ہے اور نہ ہی کچروں کو پھینکنے کے لئے ڈسٹبین رکھے گئے ہیں، یہاں تک کہ پہلے جہاں جہاں ڈسٹبین تھے، اُسے بھی ہٹادیا گیا ہے ایسے میں عوام کچروں کو کہاں پھینکے یہ بہت بڑا سوال بن گیا ہے۔انہوں نے کہا کہ میونسپالٹی کی جانب سے گھر گھر رکشہ آکر کچروں کو لے جاتا ہے، مگر ہیبلے کے عوام کچروں کو لے کر کیا کریں ، اس طرف اہلکار توجہ نہیں دے رہے ہیں۔

تنظیم کے جنرل سکریٹری محی الدین الطاف کھروری نے کہا کہ ہر تہوار کے موقع پر مسلمانوں کا تعاون رہتا ہی ہے، آئندہ بھی مسلمانوں کی جانب سے ہر طرح کا تعائون دیا جائے گا۔انہوں نے کہا کہ بھٹکل میں ہندئوں اور مسلمانوں کے درمیان کبھی کوئی  اختلاف نہیں رہا ہے،انہوں نے توقع ظاہر کی کہ آئندہ بھی یہاں امن و امان کی صورتحال بحال رہے گی۔

نامدھاری سماج  سنگھا کے اعزازی صدر ڈی بی نائک نے اپنے خیالات کااظہار کرتےہوئے کہاکہ  بھٹکل میں ہمیشہ ہندووں کے تہوار کے موقع پر مسلمانوں نے اور مسلمانوں کی عیدین کےموقع پر ہندو وں نے آپسی تعاون  دیتے رہے ہیں، میل جول اور بھائی چارگی سے ہی ہم تمام اپنے تہوار مناتے ہیں۔  ہندو، مسلم،عیسائی سب مل جل کر متحد ہوکر ایک دوسرے کے تہواروں میں ساتھ دیتے ہیں، آئندہ بھی یہی اتحاد قائم رہے گا۔ انہوں نے سبھی طبقات کے عوام سے کہاکہ  اپنے ذہنوں  سے نفرت  کو دورکریں اوراس خیال کے ساتھ آگے بڑھیں کہ ہم  سب ایک ہیں۔ آگے کہا کہ  حفاظتی انتظامات کے طورپر پولس اپنا کام کرتی  ہے مگر ہم اپنی ذمہ داریوں سے لاپرواہی نہ برتیں۔ ہم خود بھی اپنی ذمہ دار یوں  کو سمجھتے ہوئے کام کریں۔ اس موقع پر  کونکنی کھاروی سماج کے صدر نارائن ڈی کھاروی ، شری دھر نائک آسارکیری ، کرشنا نائک آسار کیری ،  وینکٹیش نائک آسارکیری  نے جاترے کے لئے ضروری سڑک درستی ، صفائی ، ٹرافک انتظامات وغیرہ پر اپنے خیالات کااظہار کیا۔ ڈائس پر بلدیہ صدر محمد صادق مٹا، جالی پٹن پنچایت صدر سید آدم علی پنمبور، تحصیلدار وی این باڈکر، پرمیشور نائک، سی پی آئی گنیش وغیرہ موجود تھے۔ بھٹکل دیہی پولس تھانہ کانسٹبل رمیش کوڈال نے نظامت کے فرائض انجام دئیے۔

ایک نظر اس پر بھی

انکولہ میں ڈاکٹر انجلی نے بی جے پی پر کیا طنز : مجھے بیرون ضلع کی کہنے والوں کو میرے حلقے میں آنا ہی ہوگا 

انکولہ کے ناڈ ور ہال میں منعقدہ انتخابی تیاریوں کے جائزاتی اجلاس سے خطاب کرتے ہوئے اتر کنڑا حلقے کی امیدوار ڈاکٹر انجلی نمبالکر نے بی جے پی کو آڑے ہاتھوں لیتے ہوئے کہا مجھے اتر کنڑا ضلع سے باہر کی امیدوار بتانے والی بے جے پی کو بھی میرے حلقے میں آنا ہی ہوگا ۔ انہیں شائد پتہ نہیں ...

کمٹہ میں ڈی کے شیوکمار نے کہا : دھرم کسی کی جائداد نہیں ہے ۔ بھگوان کو سیاست میں استعمال کرنا ناقابل معافی ہے

پارلیمانی انتخاب کی تیاریوں کے سلسلے میں کمٹہ میں منعقدہ  جائزاتی اجلاس سے خطاب کرتے ہوئے کے پی سی سی صدر اور نائب وزیر اعلیٰ ڈی کے شیوا کمار نے کہا کہ ہمارا یقین یہ ہے کہ دھرم چاہے جو بھی اس کا نظریہ ایک ہی ہے ، نام چاہے سیکڑوں ہوں ، مگر بھگوان ایک ہی ہے اور پوجا جیسی بھی ہو، ...

بھٹکل شمس الدین سرکل کے قریب بس اور آٹو رکشہ کی ٹکر؛ آٹو ڈرائیور شدید زخمی

  قلب شہر شمس الدین سرکل کے قریب  پرائیویٹ بس اور آٹو کی ٹکر میں آٹو ڈرائیور شدید زخمی ہوگیا جسے   بھٹکل سرکاری اسپتال میں ضروری طبی امداد فراہم کرنے کے بعد زائد علاج کے لئے کنداپور  لے جایا گیا ہے۔ زخمی ڈرائیور کی شناخت جامعہ آباد روڈ، ماسٹر کالونی کے رہائشی  محمد سُہیل ...

بھٹکل میں انجلی نمبالکر نے کہا؛ آنے والےانتخابات بی جے پی اور کانگریس کے درمیان نہیں ، امیروں اور غریبوں کے درمیان اور انصاف اور ناانصافی کے درمیان مقابلہ

  آنے والے لوک سبھا انتخابات میں اصل مقابلہ  بی جے پی اور کانگریس کے درمیان  نہیں ہوگا بلکہ  اڈانی اور امبانی جیسے  سرمایہ داروں  کو تعاون فراہم کرنے والوں اور غریبوں کو انصاف دلانے والوں کے درمیان ہوگا، صاف صاف کہیں تو یہ سرمایہ داروں اور غریبوں کے درمیان  مقابلہ ہے۔ یہ بات ...

دہلی میں شدید گرمی، درجہ حرارت 37 ڈگری سیلسیس تک پہنچا

 دہلی اور اس کے آس پاس کے علاقوں میں درجہ حرارت میں اضافہ درج کیا جانے لگا ہے اور مارچ میں ہی گرمی نے اپنا زور دکھانا شروع کر دیا ہے۔ محکمہ موسمیات کے مطابق بدھ کو قومی راجدھانی میں رواں سال کا گرم ترین دن ریکارڈ کیا گیا۔ دریں اثنا، زیادہ سے زیادہ درجہ حرارت 37 ڈگری سیلسیس تک پہنچ ...

لوک سبھا انتخاب: مالوگم میں صرف ’ایک ووٹر‘ کے لیے الیکشن کمیشن نے اٹھایا بڑا قدم!

لوک سبھا انتخاب کی سرگرمیوں کے درمیان اروناچل پردیش سے ایک دلچسپ خبر سامنے آ رہی ہے۔ اروناچل پردیش میں لوک سبھا اور اسمبلی انتخاب سے قبل الیکٹورل افسران کی ایک ٹیم انجا ضلع کے مالوگم گاؤں پہنچنے والی ہے۔ دراصل اس گاؤں میں 44 سالہ سوکیلا تایانگ تنہا ووٹر ہیں اور وہ خاتون بھی ...

عازمین کیلئے دوسری قسط جمع کرانے کی آج آخری تاریخ

قرعہ اندازی میں منتخب عازمین اورویٹنگ لسٹ کنفرم ہونے والے تمام عازمین کو دوسری قسط کےطور پر ایک لاکھ ۷۰؍ ہزار روپے جمع کرانے کیلئے توسیع شدہ تاریخ کا آج  بروز جمعرات ۲۸؍ مارچ آخری دن ہے ۔ اسی کے ساتھ ایسی خواتین جو محرم کے زمرے میں شامل تھیں، یعنی ان کے شوہروں یا اہل خانہ نے ...

کیجریوال کی گرفتاری کے خلاف آج دہلی ہائی کورٹ میں سماعت، عآپ کا سڑکوں پر احتجاج جاری

دہلی شراب پالیسی معاملہ میں وزیر اعلی اروند کیجریوال کی گرفتاری کے بعد سڑکوں پر احتجاج جاری ہے۔ منگل (26 مارچ) کو عام آدمی پارٹی کے کارکنان وزیر اعظم کی رہائش گاہ کا گھیراؤ کرنے کے لیے سڑکوں پر نکل آئے اور شدید احتجاج کیا، جس پر دہلی پولیس نے سیکورٹی سخت کرتے ہوئے مظاہرین کو ...

لوک سبھا انتخاب 2024: کانگریس نے امیدواروں کی ساتویں فہرست جاری کی، اب تک 197 امیدواروں کا ہو چکا اعلان

لوک سبھا کی 543 سیٹوں کے لیے 19 اپریل سے یکم جون کے درمیان سات مراحل میں ووٹ ڈالے جائیں گے اور اس تعلق سے سبھی سیاسی پارٹیوں کی سرگرمیاں عروج پر ہیں۔ پارٹیاں لگاتار اپنے امیدواروں کے ناموں کا اعلان کر رہی ہیں۔ اس درمیان کانگریس نے امیدواروں کی ساتویں فہرست آج جاری کر دی جس میں ...