دہلی میں تعینات ہوں گی کمانڈو والی پی سی آر وین
نئی دہلی،26مئی(ایس او نیوز؍آئی این ایس انڈیا)دارالحکومت میں دہشت گردانہ حملوں کے خدشہ سے منسلک اطلاعات کے درمیان، دہلی پولیس نے حساس مقامات پر 10پی سی آر وین تعینات کرنے کا فیصلہ لیا ہے جن میں این ایس جی کی طرف سے تربیت یافتہ ڈرائیور اور کمانڈو ہوں گے۔یہ’’ 10 پراکرم وین ‘‘وجے چوک، پبلک بازار، اندرپرستھ مارگ، ساکیت کے سیلیکٹ سی ٹی واک مال، وسنت کنج مال، سبھاش نگر میں پیسفک مال، نیتا جی سبھاش پیلس مارکیٹ اور مال پریسر، اکشر دھام مندر، لوٹس ٹیمپل اور جھنڈے والان مندر کے پاس تعینات رہیں گی۔دہلی کے پولیس کمشنر انمولے پٹنائک نے آج ایک تقریب میں انہیں ہری جھنڈی دکھا کر روانہ کیا۔حال ہی میں انٹرویو میں پٹنائک نے کہا تھا، چونکہ قومی دارالحکومت دہشت گردوں کا پسندیدہ نشانہ ہے، تو دہلی پولیس تحفظ کی اضافی کوشش کر رہی ہے۔اسپیشل پولیس کمشنردپیندرپاٹھک نے کہا کہ دنیا بھر میں حالیہ دہشت گردانہ حملوں کو دیکھتے ہوئے، یہ طے کیا گیا ہے کہ ہم دہشت گردی مخالف بیک اپ تیار رکھیں۔