بنگلورو۔9/دسمبر(ایس او نیوز) اے آئی سی سی صدر سونیا گاندھی کا آج کانگریس کارکنوں نے کافی جوش وخروش کے ساتھ جنم دن منایا، شہر کے کوئنس روڈ پر موجود کے پی سی سی دفتر کے باہر بڑی تعداد میں کانگریس کارکنوں نے جمع ہوکر مٹھائیاں تقسیم کیں، لیکن اس تقریب میں پارٹی کا کوئی بھی بڑا لیڈر موجود نہیں تھا۔بعض سرکاری بورڈز اور کارپوریشنوں کے چیرمین، کچھ کارپوریٹرس اور پارٹی کارکن اس موقع پر موجود تھے۔آتش بازی اور مٹھائیاں تقسیم کرکے پارٹی کارکنوں نے اپنا جشن منایا۔سابق وزیررانی ستیش، دیوراج ارس ڈیولپمنٹ کارپوریشن کے چیرمین ہچپا،فود اینڈ سیول سپلائز کارپوریشن کے چیرمین شفیع اللہ، کے پی سی سی سکریٹری جئے سمہا، بی ایم ٹی سی چیرمین ناگراج یادو، کارپوریٹر ستیا نارائنا، سمپت راج اور دیگر اس موقع پر موجود تھے۔ پارٹی کارکنوں نے آپس میں مٹھائیاں تقسیم کرکے پارٹی صدر کا جنم دن منایا۔