لندن،یکم اگست(ایس او نیوز؍آئی این ایس انڈیا)انگلینڈ کے سابق مڈل آرڈر بلے باز پال کولنگ ووڈ ٹی 20فارمیٹ میں سب سے زیادہ عمر میں سنچری بنانے والے بلے باز بن گئے ہیں۔کولنگ ووڈ نے یہ کامیابی نیٹ ویسٹ ٹی 20دھماکے ٹورنامنٹ میں کامیابی حاصل کی۔انہوں نے ورسیسٹشایر کے خلاف صرف 60گیندوں پر 108رنز کی اننگز کھیلی۔اپنی اس اننگز کے دوران کولنگ ووڈ نے 10چوکے اور 4چھکے لگائے۔کولنگ ووڈ کی اس اننگز کی بدولت ڈرہم نے 20اوور میں 2وکٹوں کے نقصان پر 201رنز بنائے،اگرچہ اس کے باوجود ڈرہم یہ میچ ہار گیا۔ورسیسٹشایر نے جو کلارک کی ناقابل شکست 124رنز کی اننگز کی بدولت 18.1اوور میں ہی 2وکٹ کے نقصان پر ہدف حاصل کر لیا۔غور طلب ہے کہ کولنگ ووڈ نے سال 2011میں بین الاقوامی کرکٹ سے ریٹائرمنٹ لے لیا تھا۔