مینگلور ائرپورٹ پر پھر پکڑا گیا سونا؛ دس لاکھ سے زائد مالیت کے سونے کے ساتھ کاسرگوڈ کا شخص گرفتار

Source: S.O. News Service | By I.G. Bhatkali | Published on 20th April 2017, 6:00 PM | ساحلی خبریں |

مینگلور 20/ اپریل (ایس او نیوز) مینگلور انٹرنیشنل ائرپورٹ پر تمام سامانوں کیسخت چیکنگ سمیت تمام مسافروں کی اسکیننگ کرنے جیسے سخت اقدامات کرنے کے بائوجود  سونا اسمگل کرنے کی کوششیں جاری ہیں اور  ہفتہ میں ایک مسافر یہاں پکڑا جانا طئے سمجھا جارہا ہے۔  تازہ واقعہ بدھ کو پیش آیا جب کسٹم آفسران نے ایک شخص کے پاس سے دس لاکھ سے زائد مالیت کا سونا برآمد کرلیا۔ کسٹم ذرائع سے ملی اطلاع کے مطابق  یہ شخص اپنی شرم گاہ کے قریب چھپا کر سونا لے جانے کی کوشش کررہا تھا، مگر دھرلیا گیا۔

بدھ کی شام 6:30 بجے جیسے ہی اسپائس جیٹ فلائٹ سے دبئی کا یہ مسافر مینگلور ائرپورٹ پر اُترا، چیکنگ کے دوران اس کے پاس سے 349.80 گرام گولڈ بار برآمد کرلئے گئے۔ اس مسافر کی شناخت پڑوسی ریاست کیرالہ کے کاسرکوڈ کے رہائشی عبدالرزاق کی حیثیت سے کی گئی ہے۔ کسٹم ذرائع کا کہنا ہے کہ عبدالرزاق نے قبول کیا ہے کہ وہ کئی بار دبئی سے سونا اسمگل کرچکا ہے اور اس کے پاسپورٹ پر انڈیا کے مختلف ائرپورٹوں پر اُترنے کے اسٹامپ لگے ہوئے ہیں۔

کسٹم حکام کی اگر مانیں تو عبدالرزاق نے بتایا ہے کہ ائرپورٹوں پر سامانوں کی سختی کے ساتھ جانچ ہوتی ہے، مگر مسافروں کی زیادہ تر جانچ نہیں ہوتی، اس لئے اُس نے شرم گاہ کے قریب سونے کا گولڈ بار چھپاکر لارہا تھا۔ سمجھا جارہا ہے کہ غالباً عبدالرزاق کو اس بات کی خبر نہیں تھی  کہ مینگلور ائرپورٹ پر مسافروں کی بھی الگ سے اسکیننگ ہوتی ہے۔

ایک نظر اس پر بھی

اُڈپی میں چوری کی زبردست واردات؛ مالک مکان کا اسپتال میں داخل ہونا مہنگا پڑ گیا؛ لاکھوں مالیت کے سونے اور چاندی کے زیورات پر ہاتھ صاف

مالک مکان جب علاج کی غرض سے اسپتال میں داخل تھا تو موقع کا فائدہ اٹھا کر لٹیرو ں نے اس کے گھر کا دروازہ توڑکر لاکھوں روپے مالیت کے سونے اور چاندی کے زیورات کے علاوہ سکے بھی چرالیے۔

22فروری ووٹر لسٹ میں نام داخل کرنے کی آخری تاریخ؛ کرناٹکا کے عوام توجہ دیں

اگلے دوایک مہینوں میں منعقد ہونے والے اسمبلی انتخابات میں حق رائے دہی استعمال کرنے کے لئے فہرست رائے دہندگان (ووٹرلسٹ) میں نام شامل کرنے کا سلسلہ جاری ہے۔ اس سلسلے میں الیکشن کمشنر  کی طرف سے جاری بیان کے مطابق 22فروری نام درج کروانے کی آخری تاریخ ہوگی۔

بنگلور میں 12 مارچ سے ہوگی ،کے اے ایس اور آئی اے ایس امتحانات کیلئے مفت کوچنگ؛ مسلمانوں کے لئے سنہرا موقع

اگلے ماہ 12 مارچ سے طہ ایجوکیشنل ٹرسٹ بنگلور کی جانب سے کے اے ایس اور آئی اے ایس امتحانات میں حصہ لینے والوں کے  لئے  مفت کوچنگ کا انتظام کیا گیا ہے، جس میں شریک ہوکر امتحانات میں حصہ لینے والے خواہش مند طلبہ و طالبات  فائدہ اُٹھاسکتے ہیں۔

جا معہ ضیاء العلوم کنڈلور ضلع اڈپی میں جمعرات کو منعقد ہوگا کل ہند فقہ شافعی مشاورتی اجلاس ۔

کنڈلور 19؍فروری (ایس او نیوز)ملکی سطح پر فقہ شافعی کے اصو ل و طریقہ کار کے مطابق پیش آمدہ جدید مسائل کی تحلیل و تجزیہ کے لئے فر زندان شا فعیہ کو ایک جٹ کر نے  اور بحث و مناقشہ کرنےکنداپور سے قریب  جامعہ ضیاء العلوم کنڈلور  - میں بتاریخ ۵جمادی الثانیہ ۱۴۳۹؁ھ مطابق 22/فروری 2018 کو" کل ...