مغل روڈ کا ایک حصہ ٹریفک کے لئے کھول دیا گیا 

Source: S.O. News Service | By Jafar Sadique Nooruddin | Published on 10th November 2018, 10:47 PM | ملکی خبریں |

جموں:10/نومبر(ایس او نیوز/آئی این ایس انڈیا)جموں و کشمیر میں زبردست برفباری کی وجہ سے آٹھ دن تک بند رہنے کے بعد جنوبی کشمیر کے شوپیاں سے پونچھ اور راجوری ضلع کو جوڑنے والے مغل روڈ کو ایک طرف کی ٹریفک کے لئے ہفتہ کو کھول دیا گیا۔ اعلیٰ حکام محمد رفیق نے بتایا کہ صرف پونچھ کے بف لیج سے شوپیاں تک جانے کے لئے اس سڑک کو کھول دیا گیا ہے اور شوپیاں سے آنے والی گاڑیوں کو اس کی اجازت نہیں دی گئی ہے۔قابل ذکر ہے کہ بھاری برف باری کے بعد تین نومبر کو سڑک کو ٹریفک کے لئے بند کر دیا گیا تھا۔ اس دوران 120 مسافر پھنس گئے تھے جن کے بچاؤ کے لئے پوری رات مہم چلائی گئی تھی۔اعلیٰ افسر نے بتایا کہ سڑک پر جمی برف ہٹانے کے لئے ایک مہم چلائی گئی اور ایک طرف کی سڑک سے برف ہٹا دی گئی۔ 70 سے زائد گاڑیوں کو کل منزل تک جانے کی اجازت دی گئی۔ ان میں زیادہ تر ٹرک ہیں۔ انہوں نے بتایا کہ 12 نومبر سے دوبارہ برفباری کی پیشن گوئی کی گئی ہے ۔ افسر موسمی حالات پر نظر بنائے ہوئے ہیں۔ آنے جانے والوں سے کہا گیا ہے کہ وہ رات کے دوران سفر کرنے سے بچیں۔ رفیق نے بتایا کہ احتیاطاً ہم نے شام چار بجے کے بعد گاڑیوں کو داخلہ کی اجازت نہیں دیتے ہیں ۔ مغل روڈ کو ملک کے ساتھ کشمیر کو جوڑنے والے ایک متبادل راستہ کے طور پر سمجھا جاتا ہے۔

ایک نظر اس پر بھی

اعظم خان کے سامنے بی جے پی کا کوئی بھی ہتھکنڈہ کارگر نہیں ہوگا: مایاوتی

اترپردیش کے رامپور پارلیمانی سیٹ سے سماجوادی کے قدآور لیڈر و پارٹی امیدوار اعظم خان کی حمایت میں ووٹروں سے ووٹ کرنے کی اپیل کرتی ہوئیں بی ایس پی سپریمو مایاوتی نے کہا کہ مرکز میں برسراقتدار پارٹی لاکھ ہتھکنڈے اپنائے لیکن رامپور سے اتحاد کے امیدوار اعظم خان کی جیت یقینی ہے۔

مودی چنندہ صنعت کاروں کے چوکیدار، عوام دوسرا موقع نہیں دے گی: راہل گاندھی

کانگریس صدر راہل گاندھی نے آج کہاکہ ملک کی چوکیداری کرنے کا دعویٰ کرنے والے وزیراعظم نریندر مودی حقیقت میں انیل امبانی سمیت کچھ چنندہ صنعت کاروں کے چوکیدار ہیں اس لئے عوام نے انہیں ڈیوٹی سے ہٹانے کا من بنا لیا ہے۔

فلم کے بعد پی ایم مودی پربنی ویب سیریز کے نشریات پربھی الیکشن کمیشن نے لگائی روک

وزیر اعظم نریندر مودی کے ساتھ منسلک ایک ویب سیریز کو الیکشن کمیشن کی جانب سے جھٹکا لگا ہے۔دراصل الیکشن کمیشن نے اس ویب سیریز کو ریلیز کر رہے پلیٹ فارمس ارس ناؤ کو نوٹس جاری کر اسے فوری اثر سے ہٹانے کا حکم دیا ہے۔