کاروار :13؍مارچ (ایس او نیوز) شہر میں من چاہی جگہوں پر سواریوں کو پارکنگ کئے جانےکے خلاف کارروائی کرتےہوئے پولس نے سواریوں کووھیل لاک لگانا شروع  کردیاہے۔

شہر  میں اہم سڑکوں کے بالکل بیچ میں سواریوں کا کھڑا کرنا عام بات ہے ، مارکیٹ علاقے میں پارکنگ کی بدنظمی سے ٹرافک جام کا مسئلہ درپیش رہتاہے، گرین اسٹریٹ ، کوٹیہنو روڈ، پکلے روڈ وغیرہ مقامات پر ٹرافک کا کچھ زیادہ ہی مسئلہ ہے۔ پولس نے پارکنگ میں بدنظمی کو دیکھتے ہوئے سواری مالکان کو متنبہ کرنے کے لئے بے ترتیبی سے کھڑی کی گئی سواریوں کو وھیل لاک  جوڑ رہی ہے۔ بدھ کی شام پکلے روڈ کے درمیان میں کھڑی ہوئی ایک کار کو وھیل لاک لگا کر مالک کو جرمانہ عائد کیا ہے۔ عوام کا کہنا ہے کہ  برائے نام انجام دینےکے بجائے لگاتار متنبہ کرنے کے لئے پولس مسلسل اس کام انجام دینےکا مطالبہ کیا ہے۔