بنگلورو۔14جنوری( ایس او  نیوز)ریاستی حکومت کی جانب سے تشکیل دےئے گئے پینل نے اطلاعاتی ٹکنالوجی اور بائیو ٹکنالوجی کے سیکٹروں میں مقامی لوگوں کوملازمتوں میں 100فیصد ریزرویشن کی تجویز پیش کرنے کا فیصلہ کیا ہے ۔ ریاستی حکومت نے گزشتہ سال سروجنی مہیشی کمیٹی کی 30سال پرانی سفارشات کی تجویز کیلئے 21رکنی پینل تشکیل دیاتھا جس کا مقصد ریاست کے نوجوانوں کو روزگار فراہم کیا جاسکے ۔ کنڑا ڈیولپمنٹ اتھارٹی کی سربراہی میں تشکیل دےئے گئے نئے پینل کی جانب سے اگلے ہفتہ ریاستی حکومت کو اپنی رپورٹ پیش کرنے کی توقع ہے ۔ پینل حکومت کو سفارش پیش کرے گا کہ پرائیویٹ سیکٹر میں کنڑیگا ؤں کو ملازتوں میں ریزرویشن فراہم کرنے کیلئے قانونی سازی کرے ۔ پینل کنڑیگاس کی وضاحت کو تبدیل کرنے کی بھی تجویز رکھتاے ۔ فی الحال اس کی وضاحت کرناٹک میں پیدا ہونے والا یا کم از کم 15سال اس ریاست میں رہنے والے کے طور پر کی گئی ہے ۔ مگر اب اسے بدل کر کرناٹک میں پیدا ہونے والا شخص یا جس نے پہلی تا دسویں جماعت تک کنڑا میڈیم میں ریاست یا ریاست کے باہر تعلیم حاصل کی ہے کنڑیگا کہلانے کی تجویز رکھی گئی ہے ۔ سروجنی مہیشی کمیٹی نے کنڑیگاؤں کیلئے’’ گروپ اے‘‘کے عہدوں کیلئے 65فیصد گروپ ’’بی‘‘ اور ’’سی‘‘ میں 80فیصد اور گروپ ڈی میں 100فیصد ریزرویشن کی سفارش کی ہے ۔