فلسطینی قوم جانوں کے نذرانے دے کرمقدسات کا دفاع کررہے ہیں

Source: S.O. News Service | By Shahid Mukhtesar | Published on 23rd July 2016, 4:10 PM | عالمی خبریں |

بلدیاتی انتخابات میں حماس پوری تیاری کے ساتھ حصہ لے گی:خالدمشعل
غزہ23جولائی(ایس او نیوز ؍آئی این ایس انڈیا)اسلامی تحریک مزاحمت حماس کے سیاسی شعبے کے سربراہ خالد مشعل نے کہا ہے کہ ان کی جماعت ملک میں رواں سال اکتوبرمیں ہونے والے بلدیاتی انتخابات میں پوری تیاری کیساتھ حصہ لے گی۔ انہوں نے کہا کہ ہم انتخابات سے ہرگز خوف زدہ نہیں ہیں۔ اگرچہ مشورے اورہمیں اعتماد میں لیے بغیر بلدیاتی انتخابات کا اعلان کیا گیا اور ہمیں آزمانے کی کوشش کی گئی ہے۔ ہم پوری تیاری کے ساتھ بلدیاتی الیکشن میں حصہ لیں گے اور ان کے نتائج کو تسلیم کریں گے۔غزہ کی پٹی میں ایک تقریب سے ریکارڈد خطاب میں خالد مشعل نے کہا کہ ان کی جماعت جمہوریت اور شہریوں کی رائے عامہ کے احترام پر یقین رکھتی ہے۔ بلدیاتی انتخابات میں عوام نے جو فیصلہ کیا حماس کی اسے تسلیم کرے گی۔خالد مشعل کا کہنا تھا کہ کچھ لوگوں نے بلدیاتی انتخابات کا اعلان کرکے ہمارے اعصاب کے امتحان لینے کی کوشش کی ہے مگر ہم پوری تیاری کے ساتھ اس میدان میں اتریں گے۔خالد مشعل نے اپنی تقریر میں فلسطینی اداروں کی تشکیل نو اور فلسطینی سیاسی قوتوں میں ایک بار پھر اتحاد کے قیام کی ضرورت پت زور دیا۔ انہوں نے کہا کہ جمہوریت کی بنیاد پر ہم ایک ساتھ آگے بڑھ سکتے ہیں۔ قومی مفاہمت کو پایہ تکمیل تک پہنچانا بھی قومی مفاد کا حصہ ہے۔ ہم قومی مفاہمت ہی کے ذریعے فلسطین میں پارلیمانی اور صدارتی انتخابات کے لیے کوئی شیڈول قبول کرسکتے ہیں۔ انہوں نے تنظیم آزادی فلسطینپی ایل او کی تشکیل نو پربھی زور دیا۔حماس رہ نما کا کہنا تھا کہ ہماری توجہ فلسطینی تحریک مزاحمت اور فلسطین کے اندرونی اختلافات کو ختم کرنے پر مرکوز ہے۔ ہمیں یہ معلوم ہونا چاہیے کہ ہماری قوت باہمی اتحاد میں مضمر ہے۔ اس کے ساتھ ساتھ ہمیں اپنے اندر رائے عامہ کو قبول کرنے کا بھی حوصلہ ہونا چاہیے۔خالد مشعل نے جماعت کے عسکری ونگ عزالدین القسام بریگیڈ کی عسکری میدان میں غیرمعمولی کامیابیوں کا بھی تذکرہ کیا اور کہا کہ القسام بریگیڈ آزادی اور مزاحمت کے راستے پر پورے اصرار کے ساتھ سفر جاری رکھے گا۔ انہوں نے کہا کہ القسام بریگیڈ جیسی تنظیمی ہی دشمن کو فلسطینی قوم کے خلاف جارحیت سے باز رکھ سکتی ہیں۔خالد مشعل کاکہنا تھا کہ فلسطینی قوم اپنے خون اور جانوں کے نذرانے پیش کرکے مقدس مقامات کا دفاع کررہی ہے۔ انہوں نے فلسطینیوں کے خلاف صہیونی ریاست کے جبرو تشدد پر عالمی برادری کی مجرمانہ خاموشی کو بھی ہدف تنقید بنایا اور کہا کہ اسرائیلی مظلوم فلسطینی قوم کے بنیادی حقوق کو کھلے عام تاراج کررہا ہے مگر عالمی برداری صہیونی ریاست کو فلسطینیوں پرمظالم سے بازرکھنے میں بری طرح ناکام رہی ہے۔

ایک نظر اس پر بھی

ماسکو کنسرٹ ہال حملے میں 143ہلاکتیں

روس کے دارالحکومت ماسکو میں ایک کنسرٹ ہال پر جمعہ کو ہونے والے حملے میں مرنے والوں کی تعداد بڑھ کر 143 ہوگئی ہے جبکہ 100 سے زائد افراد زخمی ہیں۔روس کی تحقیقاتی کمیٹی نے ہفتے کے روز یہ اطلاع دی۔ کمیٹی نے کہا کہ ایمرجنسی سروسز ماسکو اوبلاست میں کروکس سٹی ہال، دہشت گردانہ حملے کی جگہ ...

80 ہزار افراد نے مسجد اقصیٰ میں نماز جمعہ ادا کی

قابض اسرائیلی فوجوں  کی سختی کے باوجود رواں  سال رمضان کے پہلے جمعہ کو ۸۰؍ ہزار مسلمانوں   نے بیت المقدس میں  پہنچ کر نماز جمعہ ادا کی۔ قدس نیوز نیٹورک نے جو ویڈیوشیئرکئے ہیں  میں  دیکھا جاسکتاہے کہ جوق در جوق مغربی کنارہ، راملہ اور دیگر علاقوں  سے فلسطینی شہری پیدل اور بسوں ...

شہریت ترمیمی قانون پر امریکہ نے بھی اپنی تشویش ظاہر کردی

امریکہ اور نے ہندوستان کے متنازعہ شہریت ترمیمی قانون پر عدم تحفظات کا اظہار کردیا۔ امریکی محکمہ خارجہ کے ترجمان نے بیان میں کہا کہ ہندوستان میں شہریت کے متنازعہ ترمیمی قانون کے نفاذ پر تشویش ہے۔ ایکٹ کے نافذ ہونے کے بعد صورتحال کا بغور جائزہ لے رہے ہیں۔

غزہ پر اسرائیلی حملوں کے سبب جان گنوانے والے فلسطینیوں کی تعداد 31272 ہوئی

غزہ پٹی پر جاری اسرائیلی حملوں سے فلسطینیوں کی ہلاکتوں کی تعداد 31272 ہو گئی ہے۔ غزہ میں قائم وزارت صحت نے بدھ کو یہ اطلاع دی۔ وزارت نے ایک بیان میں کہا کہ اسرائیلی فورسز نے گزشتہ 24 گھنٹوں کے دوران 88 فلسطینیوں کو قتل اور 135 دیگر کو زخمی کیا، جس سے گزشتہ اکتوبر میں اسرائیل اور حماس ...

غزہ میں امداد کیلئے قطار میں منتظر افراد کو پھر نشانہ بنایا گیا، 11 شہید

  انسانیت کی تمام حدوں  کو پار کرتے ہوئے اسرائیلی فوجوں  نے بدھ کو پھر بھکمری کے شکار ان پریشان حال لوگوں  کو نشانہ بنایا جو اپنے بچوں  کی پیٹ کی آگ بجھانے کیلئے امداد حاصل کرنے کے مقصد سے قطار میں  لگے ہوئے تھے۔ بدھ کے اس حملے میں  ۱۱؍ افراد کی شہادت کی تصدیق ہوئی ہے جس کے بعد ...

انڈونیشیا میں سیلاب اور چٹان کھسکنے سے تباہی، 19 افراد ہلاک ،متعدد زخمی

انڈونیشیا کے جزیرے سماترا میں مسلسل بارش نے سیلاب اور چٹان کھسکنے سے بڑے پیمانے پرتباہی ہوئی ہے۔ اس دوران 5سے زائد گھر دب گئے۔ مکانات کے ملبے سے12 لاشیں نکالی گئیں اور 7افراد کو شدید زخمی حالت میں اسپتال پہنچایا گیا۔ ملبے سے دیگر 6 افراد کو بحفاظت نکالا گیا جبکہ5 افراد اب تک ...