القدس کے معاملے پر روسی حمایت حاصل کرنے کے لیے فلسطینی صدر کا دورہ ماسکو

Source: S.O. News Service | By Shahid Mukhtesar | Published on 12th February 2018, 8:51 PM | عالمی خبریں |

ماسکو 12فروری (ایس او نیوز؍آئی این ایس انڈیا )اسرائیلی وزیراعظم بنیامین نیتن یاہو کے روس کے دورے کے دو ہفتوں بعد فلسطینی صدر محمود عباس پیر کو روسی دارالحکومت ماسکو پہنچ رہے ہیں۔ عباس کے دورے کا مقصد روسی صدر ولادیمر پوتین کی سپورٹ حاصل کرنا ہے تا کہ واشنگٹن کا مقابلہ کیا جا سکے جس نے بیت المقدس کو اسرائیل کا دارالحکومت تسلیم کر لیا ہے۔کریملن محل کے مطابق یہ ملاقات جو سوچی میں ہونا تھی، اب اسے ماسکو منتقل کر دیا گیا ہے۔محمود عباس امریکا کی جانب سے بیت المقدس کو اسرائیل کا دارالحکومت تسلیم کیے جانے کے بعد سے امریکی صدر ڈونلڈ ٹرمپ کی انتظامیہ کے ساتھ کسی بھی رابطے کو مسترد کر رہے ہیں۔ فلسطینی صدر 20 فروری کو عالمی سلامتی کونسل میں خطاب بھی کریں گے۔ٹرمپ نے 6 دسمبر کو بیت المقدس کو اسرائیل کا دارالحکومت تسلیم کرنے کا اعلان کرتے ہوئے امریکی سفارت خانہ وہاں منتقل کرنے کی ہدایات جاری کی تھیں۔ ٹرمپ کے اس اعلان پر عرب اور اسلامی دنیا کے علاوہ عالمی برادری کی جانب سے بھی بھرپور مذمت سامنے آئی۔ٹرمپ کے اعلانِ قْدس کے بعد فلسطینی امریکی تعلقات میں شدید کشیدگی دیکھنے میں آئی۔ فلسطینیوں کے نزدیک آج کے بعد اس بات کا کوئی امکان نہیں رہا کہ امریکا مشرق وسطی میں امن عمل میں ثالثی کا کردار ادا کرے۔

ایک نظر اس پر بھی

افغانستان: اسٹیڈیم میں دھماکے، آٹھ ہلاک

افغانستان کے مشرقی شہر جلال آباد میں کھیلوں کے ایک اسٹیڈیم میں دھماکوں سے کم از کم آٹھ افراد ہلاک ہو گئے ہیں۔افغان حکام کے مطابق جمعہ کو دیر گئے اس اسٹیڈیم میں ایک کرکٹ میچ ہونے جا رہا تھا جب یہ دھماکے ہوئے اور اس میں متعدد افراد زخمی بھی ہوئے۔

اسرائیلی فوج کی مشرقی غزہ میں مظاہرین پر فائرنگ،60 فلسطینی زخمی

فلسطین کے علاقے غزہ کی پٹی پر اسرائیلی فوج کی طرف سے نہتے فلسطینی مظاہرین پر فائرنگ کا سلسلہ جاری ہے۔ جمعہ کے روز قابض اسرائیلی فوج نے مشرقی غزہ میں سرحد پر مظاہرہ کرنے والے فلسطینیوں پر آنسوگیس کی شیلنگ کے ساتھ براہ راست فائرنگ کی، جس کے نتیجے میں کم سے کم 60 فلسطینی شہری زخمی ...

واشنگٹن میں امریکہ اور چین کے درمیان تجارتی مذاکرات

صدر ڈونلڈ ٹرمپ نے واشنگٹن میں جمعرات کے روز چین کے ساتھ تجارتی مذاکرات کا ایک اور دور شروع ہونے کے موقع پر کہا ہے امریکہ نے چین کے ساتھ تجارتی مذاکرات کا دروازہ بند نہیں کیا۔مذاکرات شروع ہونے سے پہلے چین کی حکومت کے ایک ترجمان نے کہا ہے کہ بیجنگ کو توقع ہے کہ بات چیت سے مثبت اور ...