فلسطینی اتھارٹی نے محکمہ صحت کے 16ملازم جبری ریٹائر کردئے
غزہ،25جولائیایس او نیوز/آئی این ایس انڈیا): فلسطینی اتھارٹی کی جانب سے غزہ کی پٹی کے سرکاری ملازمین کے ساتھ انتقامی پالیسی پرعمل جاری ہے۔ رام اللہ اتھارٹی نے غزہ کی پٹی سے تعلق رکھنے والے محکمہ صحت کے مزید 16سرکاری ملازنین کو قبل از وقت جبری ریٹائر کردیا ہے۔ غزہ کی پٹی میں میڈیکل سروسز کے ڈائریکٹر جنرل سعید السعودی نے ایک بیان میں بتایا کہ فلسطینی اتھارٹی نے غزہ میں محکمہ صحت کے مزید سولہ ملازمین کو قبل از وقت جبری ریٹائر کردیا۔السعودی نے خبردار کیا کہ فلسطینی اتھارٹی کی طرف سے رام اللہ اتھارٹی کی طرف سے غزہ کے محکمہ صحت کے 85ملازمین کو تنخواہیں ادا کی جاتی تھیں جن میں سے 16کو جبری ریٹائر کردیا گیا ہے۔
السعودی نے خبردار کیا کہ سرکاری ملازمین کی جبری اور قبل از وقت ریٹائر منٹ کے سنگین نتائج برآمد ہوں گے۔ ان کا کہنا تھا کہ قبل از وقت شہریوں کی ملازمت سے فراغت پر فلسطینی عوامی حلقوں میں شدید غم وغصے کی لہر پائی جا رہی ہے۔انہوں نے کہا کہ فلسطینی اتھارٹی کی طرف سے قبل از وقت ریٹائرمنٹ غزہ کے شہریوں کے خلاف انتقامی سازش اور معاشی دہشت گردی ہے۔ جبری ریٹائر کیے گئے ملازمین اکیلے ان کارروائیوں سے متاثر نہیں ہوں گے بلکہ ان کے ساتھ سیکڑوں افراد متاثر ہو رہے ہیں۔