سرحد پر پاکستان کی فائرنگ، ہندوستانی فوج کا کرارا جواب
سرینگر،28جون(ایس او نیوز/آئی این ایس انڈیا)دہشت گردی پر امریکہ کی نصیحت سے بوکھلائے پاکستان نے ایک بار پھر سرحد پر جنگ بندی کی خلاف ورزی کی ہے۔پاکستان نے جموں و کشمیر کے بھبر گلی سیکٹر میں بدھ کو جنگ بندی کی خلاف ورزی کی اور بغیر کسی اشتعال کی فائرنگ کی۔پاکستان کی اس حماقت کا ہندوستانی فوج نے منہ توڑ جواب دیا ہے۔غور طلب ہے کہ پونچھ اور راجوری ضلع میں یکم مئی سے پاکستان نے کئی بار جنگ بندی کی خلاف ورزی کی ہے۔بدھ کو دوپہر پونے تین بجے پاکستان سرحد پر فائرنگ شروع کر دی۔ذرائع کے مطابق پاکستانی سرحد پر بغیر کسی اشتعال کے فائرنگ کر رہی ہے۔غور طلب ہے کہ پانچ جون کو ہندوستانی فوج کے ڈائریکٹر جنرل ملٹری آپریشن(ڈی جی ایم او)کے جنرل اے کے بھٹ نے اپنے پاکستانی ہم منصب کو بغیر اشتعال کی فائرنگ کو لے کر خبردار کیا۔