پاکستان نے راجوری، پونچھ اضلاع میں کی جنگ بندی کی خلاف ورزی
جموں،14؍جون(ایس او نیوز؍آئی این ایس انڈیا) پاکستان نے آج کنٹرول لائن کے پاس جموں وکشمیرکے راجوری اور پونچھ اضلاع میں پیشگی چوکیوں اور سول علاقوں میں جنگ بندی کی دو بار خلاف ورزی کرکے مارٹر داغے اور چھوٹے ہتھیاروں سے فائرنگ کی۔ہندوستانی فوج نے اس کاکراراجواب دیا۔گزشتہ چار دنوں میں جنگ بندی کی نو بارخلاف ورزی ہوچکی ہے۔یکم جنوری سے لے کر اب تک جموں میں کنٹرول لائن اور اترراشٹیی سرحد پر جنگ بندی کی کل 12بار خلاف ورزی ہوچکی ہے جس میں ایک غیر فوجی شہری ماراگیااور سات دیگر زخمی ہو گئے۔دفاعی ترجمان لیفٹیننٹ کرنل منیش مہتا نے کہاکہ پاکستانی فوج نے آج راجوری ضلع میں کنٹرول لائن پر نوشیرا سیکٹر میں چھوٹے ہتھیاروں، خود کار آرپیجی جیسے ہتھیاروں سے فائرنگ کی۔ انہوں نے کہاکہ فوجی چوکیاں کرارا جواب دے رہی ہیں اور فی الحال فائرنگ جاری ہے۔مہتانے کہا کہ اس سے پہلے پاکستان نے کنٹرول لائن پربھیمبیر گلی سیکٹر میں صبح پانچ بجے سے صبح پانچ بج کر45منٹ تک اندھا دھند فائرنگ کی۔گذشتہ 12 جون کو جنگ بندی کی خلاف ورزی کی تین واقعات ہوئے تھیں۔