ہائی کمشنر سہیل محمود کو واپس ہندوستان بھیجے گا پاکستان، کرتارپور کوریڈور پر بات چیت کیلئے پاکستانی وفدکرے گاہندوستان کا دورہ

Source: S.O. News Service | By Shahid Mukhtesar | Published on 6th March 2019, 11:21 PM | عالمی خبریں |

اسلام آباد، 06 مارچ(ایس او نیوز؍آئی این ایس انڈیا) پاکستانی وزیر خارجہ شاہ محمود قریشی نے بدھ کو کہا کہ پاکستان اپنے ہائی کمشنر کو واپس ہندوستان بھیج رہا ہے اور نئی دہلی کے ساتھ کشیدگی کم کرنے کے لیے بات چیت کو تیار ہے۔قریشی نے کہا کہ دونوں ممالک کے تعلقات میں امریکہ، چین اور روس جیسے ممالک کے سفارتی کوششوں کی وجہ سے کشیدگی میں کمی آئی ہے۔انہوں نے کہا کہ یہ تنازعات کو ختم کرنے اور امن کی سمت میں آگے بڑھنے کا وقت ہے۔انہوں نے کہا کہ پاکستان ہندوستان کے ساتھ ان تمام مسائل کو سلجھانا چاہتا ہے جو دونوں ممالک کے درمیان امن میں رکاوٹ ہیں۔میڈیا سے بات کرتے ہوئے قریشی نے یہاں کہاکہ ہندوستان اور پاکستان کے درمیان کشیدگی واقعہ لگتا ہے اور یہ ایک مثبت واقعات میں سے ہے۔ انہوں نے کہاکہ پاکستان نے سفارتی کوشش اور بڑھا دی ہے اور ہم نے نئی دہلی میں پاکستانی ہائی کمشنر (سہیل محمود) کو واپس بھیجنے کا فیصلہ کیا ہے۔پلوامہ میں 14 فروری کو جیش محمد کی طرف سے کرائے گئے دہشت گردانہ حملے میں سی آر پی ایف کے 40 جوانوں کے مارے جانے کے بعد پاکستان نے ضروری مشاورت کیلئے اپنے ہائی کمشنر کو واپس بلا لیا تھا۔ہندوستان کی طرف سے اس کے ہائی کمشنر اجے بساریا کو اسلام آباد سے بلائے جانے کے بعد پاکستان نے یہ قدم اٹھایا تھا۔پلوامہ حملے کے بعد ہندوستانی فضائیہ نے دہشت گردی مخالف مہم کے تحت 26 فروری کو پاکستان کے بالاکوٹ میں جیش محمد کے تربیتی کیمپ کو نشانہ بنایا تھا،اس کے اگلے دن پاکستانی فضائیہ نے جوابی حملہ کیا اور اس دوران بھارت کی ایک مگ ۔21 گرا دیا گیا اور اس کے پائلٹ ونگ کمانڈر ابھینندن ہلال کو یرغمال بنا لیا گیا،بعد میں ان کو جمعہ کو ہندوستان کو سونپا گیا۔وزیر خارجہ نے ہندوستان کے ساتھ موجودہ تعلقات میں امریکی وزیر خارجہ مائیک پومپو کے کردار کے لئے ان کا شکریہ ادا کیا۔انہوں نے کہاکہ میں کہنا نہیں چاہتا تھا لیکن ذاتی سفارتکاری کارگر رہی۔ انہوں نے کہاکہ امریکہ نے ذاتی سفارتکاری کے ذریعے ہندوستان اور پاکستان کے درمیان کشیدگی کم کرنے کے لیے کردار ادا کیا۔ قریشی نے کہا کہ چین، روس، ترکی، یو اے ای اور اردن کے وزرائے خارجہ نے بھی دونوں ممالک کے درمیان کشیدگی کم کرنے میں اہم کردار ادا کیا۔قریشی نے کہا کہ کرتارپور کوریڈور پر بات چیت کے لیے پاکستان کا ایک وفد نئی دہلی کا دورہ کرے گا۔

ایک نظر اس پر بھی

ماسکو کنسرٹ ہال حملے میں 143ہلاکتیں

روس کے دارالحکومت ماسکو میں ایک کنسرٹ ہال پر جمعہ کو ہونے والے حملے میں مرنے والوں کی تعداد بڑھ کر 143 ہوگئی ہے جبکہ 100 سے زائد افراد زخمی ہیں۔روس کی تحقیقاتی کمیٹی نے ہفتے کے روز یہ اطلاع دی۔ کمیٹی نے کہا کہ ایمرجنسی سروسز ماسکو اوبلاست میں کروکس سٹی ہال، دہشت گردانہ حملے کی جگہ ...

80 ہزار افراد نے مسجد اقصیٰ میں نماز جمعہ ادا کی

قابض اسرائیلی فوجوں  کی سختی کے باوجود رواں  سال رمضان کے پہلے جمعہ کو ۸۰؍ ہزار مسلمانوں   نے بیت المقدس میں  پہنچ کر نماز جمعہ ادا کی۔ قدس نیوز نیٹورک نے جو ویڈیوشیئرکئے ہیں  میں  دیکھا جاسکتاہے کہ جوق در جوق مغربی کنارہ، راملہ اور دیگر علاقوں  سے فلسطینی شہری پیدل اور بسوں ...

شہریت ترمیمی قانون پر امریکہ نے بھی اپنی تشویش ظاہر کردی

امریکہ اور نے ہندوستان کے متنازعہ شہریت ترمیمی قانون پر عدم تحفظات کا اظہار کردیا۔ امریکی محکمہ خارجہ کے ترجمان نے بیان میں کہا کہ ہندوستان میں شہریت کے متنازعہ ترمیمی قانون کے نفاذ پر تشویش ہے۔ ایکٹ کے نافذ ہونے کے بعد صورتحال کا بغور جائزہ لے رہے ہیں۔

غزہ پر اسرائیلی حملوں کے سبب جان گنوانے والے فلسطینیوں کی تعداد 31272 ہوئی

غزہ پٹی پر جاری اسرائیلی حملوں سے فلسطینیوں کی ہلاکتوں کی تعداد 31272 ہو گئی ہے۔ غزہ میں قائم وزارت صحت نے بدھ کو یہ اطلاع دی۔ وزارت نے ایک بیان میں کہا کہ اسرائیلی فورسز نے گزشتہ 24 گھنٹوں کے دوران 88 فلسطینیوں کو قتل اور 135 دیگر کو زخمی کیا، جس سے گزشتہ اکتوبر میں اسرائیل اور حماس ...

غزہ میں امداد کیلئے قطار میں منتظر افراد کو پھر نشانہ بنایا گیا، 11 شہید

  انسانیت کی تمام حدوں  کو پار کرتے ہوئے اسرائیلی فوجوں  نے بدھ کو پھر بھکمری کے شکار ان پریشان حال لوگوں  کو نشانہ بنایا جو اپنے بچوں  کی پیٹ کی آگ بجھانے کیلئے امداد حاصل کرنے کے مقصد سے قطار میں  لگے ہوئے تھے۔ بدھ کے اس حملے میں  ۱۱؍ افراد کی شہادت کی تصدیق ہوئی ہے جس کے بعد ...

انڈونیشیا میں سیلاب اور چٹان کھسکنے سے تباہی، 19 افراد ہلاک ،متعدد زخمی

انڈونیشیا کے جزیرے سماترا میں مسلسل بارش نے سیلاب اور چٹان کھسکنے سے بڑے پیمانے پرتباہی ہوئی ہے۔ اس دوران 5سے زائد گھر دب گئے۔ مکانات کے ملبے سے12 لاشیں نکالی گئیں اور 7افراد کو شدید زخمی حالت میں اسپتال پہنچایا گیا۔ ملبے سے دیگر 6 افراد کو بحفاظت نکالا گیا جبکہ5 افراد اب تک ...