مصباح کی زیر قیادت پاکستانی ٹیم دورۂ آسٹریلیا کیلئے خطرناک:سڈل

Source: S.O. News Service | By Shahid Mukhtesar | Published on 28th August 2016, 12:03 PM | اسپورٹس |

میلبورن، 27 اگست (یو این آئی) آسٹریلیا کرکٹ ٹیم کے زخمی فاسٹ بولر پیٹرسڈل نے یاسر شاہ کو پاکستانی بولنگ کی کنجی قراردیتے ہوئے مصباح کی قیادت میں ٹیم کو دورہ آسٹریلیا کے لئے خطرناک قرار دیا ہے ۔کرکٹ آسٹریلیا کو دیے گئے ایک انٹرویو میں پیٹرسڈل نے کہا کہ پاکستان نے گزشتہ ایک سال کے دوران ہمیں بہت حیران کیا ہے اور انھوں نے مستقل مزاجی سے کرکٹ کھیلی ہے ۔پاکستان ٹیم نے انگلینڈ کے خلاف 4 میچوں کی سیریز 2۔2 سے برابر کرکے درجہ بندی میں پہلی مرتبہ سرفہرست پوزیشن حاصل کرلی ہے جبکہ 2014 کے بعد کسی سیریز میں شکست نہیں ہوئی۔سڈل نے پاکستان ٹیم کی تعریف کرتے ہوئے کہا کہ ان کے پاس چند اسٹار کھلاڑی ہیں لیکن دیگر ٹیموں کے مقابلئے میں انھوں نے مسلسل کارکردگی دکھائی ہے اور کہیں پر نہیں ڈگمگائے اور نہ تبدیلی آئی، میرے خیال یہی چیز وہ ماضی میں نہیں کرپائے تھے ۔انہوں نے کہا کہ اس وقت نظرآرہا ہے کہ ان کے پاس 13، 14 لڑکوں کا ایک مضبوط گروپ ہے جبکہ بولرز زخمی ہونے کے باوجود اچھی کارکردگی کا مظاہرہ کررہے ہیں جو ان کیلئے اطمینان بخش ہے ۔پیٹرسڈل نے پاکستان ٹیم کو آسٹریلیا کی کنڈیشنز کیلئے بہترین قرار دیتے ہوئے کہا کہ میں سمجھتا ہوں کہ ان کی ٹیم آسٹریلیا کی کنڈیشنز کے لئے ماضی کے مقابلے میں بہتر ہوگی۔انھوں نے کہا کہ ان کے پاس چند خطرناک کھلاڑی ہیں جو میچ کو جتا سکتے ہیں اس وقت ان کے پاس اچھے فاسٹ بولرز بھی ہیں۔پاکستان ٹیم کے فاسٹ بولرز کے بارے میں سڈل نے کہا کہ ان کے پاس چند اچھے فاسٹ بولرز ہیں جو ہمیں دباؤ میں لاسکتے ہیں جو ہمارے لیے چیلنج ہوگا۔زخمی ہونے کے باعث آسٹریلیا کی ٹیم سے باہر ہونے والے فاسٹ بولر نے کہا کہ یاسر شاہ ناقابل یقین ہیں اور کلاس کے اسپنر ہیں، ان کا ریکارڈ اچھا ہے اور تیزترین 100 وکٹیں مکمل کرنے والے ہیں۔سڈل نے کہا کہ پاکستان ٹیم کی انگلینڈ کی وکٹ پر کارکردگی دیکھیں جو یہاں کی طرح تو نہیں لیکن اس سے ملتی جلتی ہے جہاں انھوں نے اچھا کھیلا ہے ۔ 

ایک نظر اس پر بھی

حیدرآباد نے آئی پی ایل کا سب سے بڑا اسکور بنایا ، ممبئی کو 31 رنز سے دی بری طرح شکست

آئی پی ایل 2024 کے 8ویں میچ میں سن رائزرز حیدرآباد نے ممبئی انڈینز کو 31 رنز سے شکست دے دی۔ میچ میں حیدرآباد نے پہلے بیٹنگ کرتے ہوئے مقررہ 20 اوورز میں 3 وکٹوں پر 277 رنز بنائے۔ جواب میں ممبئی کی ٹیم 20 اوورز میں 246/5 ​​رنز ہی بنا سکی۔ تلک ورما نے ممبئی کے لیے کافی دیر کوشش کی اور 64 رنز کی ...

آئی پی ایل 2024: دفاعی چمپئن چنئی نے جیت کے ساتھ کیا آغاز، بنگلورو کو 6 وکٹ سے ملی شکست

آج آئی پی ایل 2024 کا پہلا میچ دفاعی چمپئن چنئی سپرکنگز (سی ایس کے) اور رائل چیلنجرس بنگلور (آر سی بی) کے درمیان کھیلا گیا جس میں چنئی کو 6 وکٹ سے جیت ہاتھ لگی ہے۔ بنگلورو نے چنئی کے سامنے جیت کے لیے 174 رنوں کا ہدف رکھا تھا جسے اس نے 18.4 اوورس میں محض 4 وکٹ کے نقصان پر حاصل کر لیا۔ اس ...

ہندوستان نے پانچویں ٹیسٹ میں انگلینڈ کو اننگ اور 64 رن سے شکست ، سیریز پر 4-1 سے قبضہ

دھرم شالہ میں کھیلے جا رہے پانچویں ٹیسٹ میچ میں ہندوستان نے انگلینڈ کو اننگز اور 64 رنز سےشکست دی  ہے۔ اس طرح ہندوستان نے سیریز 4-1 سے جیت لی۔ ہندوستانی ٹیم نے میچ کے تیسرے دن انگلینڈ کو بڑی شکست دی۔ انگلینڈ کی ٹیم دوسری اننگز میں بھی بری طرح لڑکھڑا گئی۔ صرف جو روٹ ہی بلے سے کچھ ...

ہندوستان نے دوسرے ٹیسٹ میں انگلینڈ کو 106 رنوں سے دی شکست، سیریز 1-1 سے برابر

) ہندوستان نے پہلے ٹیسٹ میچ میں انگلینڈ سے ملی شکست کا بدلہ آج وشاکھاٹنم میں لے کر سیریز کو 1-1 سے برابر کر دیا ہے۔ 5 ٹیسٹ میچوں کی سیریز کا دوسرا ٹیسٹ ہندوستان نے 106 رنوں سے جیت لیا ہے۔ اس جیت کے ہیرو پلیئر آف دی میچ جسپریت بمراہ رہے جنھوں نے دونوں اننگ میں مجموعی طور پر 9 ...

کیپ ٹاؤن میں ہندوستان کی جنوبی افریقہ پر تاریخی فتح، میچ دوسرے ہی دن ختم، ٹیسٹ سیریز 1-1 سے برابر

ہندوستانی مینس کرکٹ ٹیم نے 2024 کا آغاز ایک شاندار اور ریکارڈ ساز جیت کے ساتھ کیا ہے۔ کیپ ٹاؤن کے نیولینڈس میں 3 جنوری سے شروع ہوا ٹیسٹ میچ 4 جنوری یعنی دوسرے دن ہی ختم ہو گیا۔ ہندوستان کو جیت کے لیے دوسری اننگ میں 79 رنوں کا ہدف ملا تھا جسے روہت بریگیڈ نے محض 3 وکٹ کے نقصان پر حاصل ...

جنوبی آفریقہ نے پہلے ٹیسٹ میں انڈیا کو دی ایک اننگ اور 32 رنوں سے شکست

جنوبی افریقہ کے خلاف دو ٹیسٹ میچوں کی سیریز کا پہلا ٹیسٹ ہندوستانی ٹیم ایک اننگ اور 32 رنوں سے ہار گئی ہے۔ اس شرمناک شکست کا ذمہ دار ہندوستانی بلے باز اور گیندبازوں دونوں رہے، کیونکہ پہلی اننگ میں کسی طرح 245 رن کا اسکور بنانے کے بعد ہندوستانی ٹیم دوسری اننگ میں محض 131 رنوں پر ...