احمد آباد ،19 ؍اگست (ایس او نیوز؍آئی این ایس انڈیا) بھارتی کوسٹ گارڈ نے گجرات کے ساحل پربحیرۂ عرب سے ماہی گیری کررہی ایک پاکستانی کشتی کو پکڑا ہے۔عملے کے نواراکین اس پر سوار تھے۔

ایک بیان میں آج یہ معلومات دی گئی ہیں۔بیان میں کہا گیا ہے کہ ایک کوسٹ گارڈ جہاز نے دیکھا کہ کل شام بین الاقوامی سمندری حدودسے بھارت کی جانب ایک کشتی آ رہی ہے۔کشتی اور اس پر سوار عملے کے نو ارکان کو ہندوستانی پانی حد میں مبینہ طور پر ماہی گیری کے لیے گرفتار کر لیا گیا۔

پریس ریلیز میں کہا گیا ہے کہ عملے کے ارکان کوگجرات کے دیو بھومی دوارکا ضلع کے اوکھا بندرگاہ لے جایا گیا جہاں انہیں مقامی سمندری پولیس کے حوالے کیا جا رہا ہے۔