آزادی کپ:پاکستان نے ورلڈ الیون کو 20 رنز سے شکست دے دی

Source: S.O. News Service | By Shahid Mukhtesar | Published on 13th September 2017, 11:29 PM | اسپورٹس |

لاہور،13؍ستمبر(ایجنسی) آزادی کپ ٹی ٹوئنٹی سیریز کے پہلے میچ میں پاکستان نے ورلڈ الیون کو 20 رنز سے شکست دیکر تین میچوں کی سیریز میں ایک صفر کی برتری حاصل کرلی ہے۔

قذافی اسٹیڈیم لاہور میں کھیلے گئے آزادی کپ ٹی ٹوئنٹی سیریز کے پہلے میچ کا ٹاس ورلڈ الیون کے کپتان فاف ڈو پلیسی نے جیتا اور پاکستان کو پہلے بیٹنگ کی دعوت دی ۔

پاکستان کی اننگز کا آغاز اچھا نہ ہوسکا اور اوپنر فخر زمان 8رنز بناکر پویلیئن لوٹ گئے، دوسری وکٹ پر احمد شہزاد اور بابر اعظم نے 122رنز کی شاندار شراکت قائم کی، جس کے بعد احمد شہزاد 39 رنز بناکر آؤٹ ہوگئے۔

ٹیم کے اسکور میں 12 رنز کے اضافے کے بعد بابر اعظم اپنے ٹی ٹوئنٹی کیریئر کے بہترین اسکور 86 رنز پر پویلیئن لوٹ گئے۔ بابر اعظم نے اپنی 86 رنز کی باری میں صرف 52 گیندوں کا سامنا کیا اور دس چوکوں اور دو چھکوں سے اپنی اننگز سجائی۔

پاکستان نے مقررہ20 اوورز میں 5وکٹ پر 197 رنز بنائے،شعیب ملک نے 38رنز بنائے۔ ورلڈ الیون کی جانب سے تھیسارا پریرا نے دو وکٹیں حاصل کیں۔

جواب میں پاکستانی بولرز نے ورلڈ الیون کی ٹیم کو مقررہ 20 اوورز میں سات وکٹ تک محددو رکھا اور 20رنز سے کامیابی سمیٹی۔ ورلڈ الیون کی جانب سے کپتان فاف ڈو پلیسی اور ڈیرن سیمی 29، 29 رنز بناکر ٹاپ اسکورر رہے۔

پاکستان کی جانب سے رومان رئیس، شاداب خان اور سہیل خان نے دو، دو کھلاڑیوں کو آؤٹ کیا۔86 رنز کی شاندار اننگز کھیلنے پر بابر اعظم کو مین آف دی میچ کا ایوارڈ دیا گیا۔ دونوں ٹیموں کے درمیان سیریز کا دوسرا میچ بدھ کو قذافی اسٹیڈیم میں ہی کھیلا جائیگا۔

ایک نظر اس پر بھی

زمبابوے کرکٹ ٹیم کا اعلان

یکم جولائی سے ہرارے میں پاکستان اور آسٹریلیا کے خلاف ہونے والے تین قومی ٹی20 کرکٹ ٹورنامنٹ کے لئے میزبان زمبابوے کرکٹ ٹیم کا اعلان کردیا گیا ہے ۔

انگلینڈ نے آسٹریلیا کے خلاف تیسرے ون ڈے میں 481 رنز بناکر عالمی ریکارڈ بنادیا

آسٹریلیا کے خلاف سیریز کے تیسرے ون ڈے انٹرنیشنل میں انگلینڈ نے 6 وکٹ پر481 رنز بنا کر کئی ریکارڈز پاش پاش کردیے، یہ ایک روزہ بین الاقوامی کرکٹ میں بڑے مجموعے کا نیا ریکارڈ شمار ہوگا، اس سے قبل پاکستان کے خلاف 3 وکٹ پر 444 رنز کا عالمی ریکارڈ بھی انگلینڈ کے قبضے میں ہی تھا تاہم انگلش ...

پہلی بار فٹ بال کپ کیلئے قرۃ العین بلوچ کی آواز میں گانا ریلیز

روس میں جاری 21 ویں فٹ بال ورلڈ کپ کا فیفا کی جانب سے جاری کردہ آفیشل گانا ’لو اٹ اپ‘ یوں تو کپ شروع ہونے سے ایک ماہ قبل ہی جاری کردیا گیا تھا۔تاہم اب ملٹی نیشنل مشروب کمپنی ’کوکو کولا‘ نے بھی پہلی بار پاکستان میں فٹ بال ورلڈ کپ کا خصوصی اینتھم سانگ جاری کردیا۔

بال ٹیمپرنگ کے الزام پر سری لنکن ٹیم بھڑک اٹھی

ویسٹ انڈیز سے دوسرے ٹیسٹ میں بال ٹیمپرنگ کے الزام پر سری لنکن ٹیم بھڑک اٹھی۔ویسٹ انڈیز کے خلاف سیریز کے دوسرے ٹیسٹ میں بال ٹیمپرنگ کاالزام عائد ہونے پر سری لنکن ٹیم نہ صرف غصے سے بھڑک اٹھی بلکہ اس نے میدان میں بھی اترنے سے انکار کردیا تھا۔