محبوبہ مفتی نے عمران خان کو دیا جواب،کہا،پٹھان کوٹ حملے کے مجرموں کو اب تک نہیں دی گئی سزا
سرینگر،19 فروری(ایس او نیوز؍آئی این ایس انڈیا)جموں و کشمیر کی سابق وزیر اعلی اور پی ڈی پی صدر محبوبہ مفتی نے پاکستان کے وزیر اعظم عمران خان کی طرف سے ہندوستان سے پلوامہ دہشت گردانہ حملے کا ثبوت مانگے جانے پر اپنی نا اتفاقی ظاہر کی ہے۔منگل کو کئے ٹویٹس میں محبوبہ نے لکھا ہے کہ میں متفق نہیں ہوں،پاکستان کو پٹھان کوٹ کاڈوزیر دیا گیا تھا لیکن مجرموں کو سزا دینے کے لئے کوئی قدم نہیں اٹھایا گیا۔ساتھ ہی محبوبہ مفتی نے لکھاکہ ’ٹائم ٹو واک دی ٹاک‘لیکن پاکستان کے وزیر اعظم کو ایک موقع ملنا چاہیے کیونکہ انہوں نے حال ہی میں عہدہ سنبھالا ہے۔انتخابات کے مقابلے میں جنگ سے متعلق بیان بازی زیادہ ہو رہی ہے۔ بتا دیں کہ پاکستان کے وزیر اعظم عمران خان نے یقین دلایا ہے کہ اگر ہندوستان پلوامہ دہشت گردانہ حملہ میں قابل عمل انٹیلی جنس معلومات شیئر کرتا ہے تو سازش کنندگان کے خلاف کارروائی کی جائے گی۔ساتھ ہی انہوں نے خبردار کیا کہ ان کے ملک کے خلاف کوئی بھی کارروائی کئے جانے پر اس کا جواب دیا جائے گا۔خان نے جموں و کشمیر کے پلوامہ میں ہوئے دہشت گردانہ حملے میں پاکستان کا ہاتھ ہونے کے الزامات پر قوم کے نام پیغام میں ایک ویڈیو پیغام کے ذریعے جواب دیا تھا۔عمران نے الزام لگایا کہ ہندوستان میں انتخابات کا سال ہے اور وہاں لیڈر پاکستان کو سبق سکھانے کی بات کر رہے ہیں۔انہوں نے کہاکہ دنیا کا کون سا قانون ہے جو کسی بھی ایک شخص یا ملک کو جج، جیوری اور سزا کی طاقت دیتی ہے،اگر آپ یہ سوچتے ہیں کہ آپ پاکستان پر حملہ کریں گے تو ہم بھی جواب دیں گے،اس کے بعد بات کدھر جائے گی کسی کو پتہ نہیں۔