پٹاخہ فروشوں کی اپیل مسترد ،عدالت عظمی کا تلخ تبصرہ : حکم امتناعی کے باوجودآتش بازی ہوگی !

Source: S.O. News Service | By Shahid Mukhtesar | Published on 13th October 2017, 8:29 PM | ملکی خبریں |

نئی دہلی ،13؍اکتوبر ( ایس او نیوز؍آئی این ایس انڈیا) اس بار دہلی اور این سی آر حلقہ میں آزادانہ آتش بازی نہیں کی جاسکتی ؛ کیونکہ عدالت عظمی نے پٹاخہ فروشوں کی فیصلہ میں ترمیم کی درخواست ٹھکرادی ہے ۔ سپریم کورٹ نے پٹاخہ فروشوں کی اپیل کو مسترد کرتے ہوئے کہا کہ ہمیں پتہ ہے کہ دیوالی پٹاخوں سے خالی نہیں ہوسکتی ۔ سپریم کورٹ نے کہا کہ اگر ہم اپنے حکم میں تبدیلی کرتے ہیں تو یہ حکم نامہ کی روح کے خلاف ہوگا۔ عدالت نے کہا کہ ہمیں تکلیف ہے کہ کچھ فرقہ پرست عناصر اسے فرقہ وارانہ رنگ دے رہے ہیں اور بعض لوگ اسے سیاسی رنگ دینے کی کوشش کر رہے ہیں۔ جسٹس سیکری نے کہا کہ سب جانتے ہیں کہ میں کتنا مذہبی ہوں ۔ کیس کی سماعت کے دوران عدالت عظمی نے یہ بھی کہا کہ 11 بجے کے بعد آتش بازی نہیں کی جاسکتی ۔واضح ہو کہ سپریم کورٹ نے فروخت کو روکنے کے حکم میں ترمیم سے انکار کر دیا ہے۔ عدالت نے چند گھنٹوں کے لئے پٹاخوں کی فروختگی کے مطالبہ کو بھی مسترد کردیا ہے اور کہا کہ عوام نے ماقبل میں پٹاخوں کا اسٹاک کر رکھا ہے ، اسے استعمال میں لایا جائے۔ عدلیہ نے یہ بھی کہاکہ اگر فیصلہ میں ترمیم چاہتے ہیں تو دیوالی کے بعد عدلیہ سے رجوع کرسکتے ہیں ۔ سپریم کورٹ نے اپنے حکم نامہ میں کہا تھا کہ دہلی این سی آر حلقہ میں پٹاخوں کی خرید و فروخت ممنوع ہوگی ۔ سپریم کورٹ نے 9 اکتوبر کو دہلی NCR میں پٹاخوں کی فروخت پر روک لگا دی تھی، جس کے بعد پٹاخہ تاجروں اور ان کے ٹرسٹ کی جانب سے سپریم کورٹ میں عرضی داخل کر روک ہٹانے کی اپیل کی گئی تھی ۔ درخواست گزاروں کی جانب سے دلیل دی گئی ہے کہ سپریم کورٹ نے 12 ستمبر کو دیے اپنے آرڈر میں ان کے لائسنس کو بحال کر دیے تھے اور اس کے بعد دیوالی کے پیش نظر فروختگی کے لئے انہوں نے پٹاخوں کا اسٹاک کیا ہوا تھا ،اگرپٹاخوں کو فروخت کرنے کی اجازت نہیں دی گئی تو انہیں مالی خسارہ برداشت کرنا ہوگا ۔ 

ایک نظر اس پر بھی

مدھیہ پردیش اور مرکز کی بی جے پی حکومت خاتون، نوجوان اور کسان مخالف: جیتو پٹواری

 مدھیہ پردیش میں لوک سبھا انتخابات کی مہم زور پکڑ رہی ہے۔ کانگریس قائدین کی موجودگی میں شہڈول پارلیمانی حلقہ کے امیدوار پھندے لال مارکو اور منڈلا کے امیدوار اومکار سنگھ مرکام نے اپنے کاغذات نامزدگی داخل کئے۔ اس موقع پر کانگریس لیڈروں نے کہا کہ ریاستی اور مرکزی حکومتیں ...

عدلیہ کی سالمیت کو خطرہ قرار دیتے ہوئے 600 وکلا کا چیف جسٹس آف انڈیا کو مکتوب

عدالتی سالمیت کے خطرے کے حوالے سے ہندوستان بھر کے ۶۰۰؍ وکلاء جن میں ایڈوکیٹ ہریش سالوے اور بار کونسل آف انڈیا کے چیئرمین منن کمار شامل ہیں نے چیف جسٹس آف انڈیا ڈی وائی چندرچڈ کو مکتوب لکھا ہے۔ وکلاء نے ’’مفاد پرست گروہ‘‘ کی مذمت کی ہے جو عدالتی عمل میں ہیرا پھیری، عدالتی ...

ملک کی وزیر خزانہ نرملا سیتارمن کے پاس الیکشن لڑنے کے لیے پیسے نہیں!

ملک کے خزانے کا حساب و کتاب رکھنے والی وزیر خزانہ نرملا سیتارمن کے پاس الیکشن لڑنے کے لیے پیسے نہیں ہیں۔ یہ انکشاف انہوں نے خود ہی کیا ہے۔ انہوں نے کہا کہ پارٹی صدر جے پی نڈا نے مجھ سے لوک سبھا الیکشن لڑنے کے بارے میں پوچھا تھا مگر انہوں نے انکار کر دیا کیونکہ ان کے پاس الیکشن ...

مہوا موئترا نے ای ڈی کے سمن کو کیا نظر انداز، کرشنا نگر میں چلائیں گی انتخابی مہم

 ترنمول کانگریس (ٹی ایم سی) لیڈر مہوا موئترا نے انفورسمنٹ ڈائریکٹوریٹ (ای ڈی) کے سمن کو نظر انداز کرتے ہوئے کہا کہ وہ آج کرشنا نگر لوک سبھا حلقہ میں انتخابی مہم چلائیں گی۔ انہیں دہلی میں ای ڈی کے دفتر میں پوچھ گچھ کے لیے حاضر ہونے کو کہا گیا تھا۔

دہلی میں شدید گرمی، درجہ حرارت 37 ڈگری سیلسیس تک پہنچا

 دہلی اور اس کے آس پاس کے علاقوں میں درجہ حرارت میں اضافہ درج کیا جانے لگا ہے اور مارچ میں ہی گرمی نے اپنا زور دکھانا شروع کر دیا ہے۔ محکمہ موسمیات کے مطابق بدھ کو قومی راجدھانی میں رواں سال کا گرم ترین دن ریکارڈ کیا گیا۔ دریں اثنا، زیادہ سے زیادہ درجہ حرارت 37 ڈگری سیلسیس تک پہنچ ...