’پدماوتی‘بیرون ملک میں ریلیز ہوگی یا نہیں، 28نومبر کو سپریم کورٹ کرے گا سماعت
نئی دہلی ،23؍نومبر (ایس او نیوز؍آئی این ایس انڈیا) سپریم کورٹ میں وکیل سری لنکن شرما نے عرضی داخل کر کے کہا ہے کہ فلم پدماوتی بنانے والے پر عدالت کو گمراہ کرنے کا الزام لگایا ہے۔ہندی فلم پدماوتی ایک دسمبر کو ملک سے باہر ریلیز کرنے کا مطالبہ کر رہی نئی درخواست پر کورٹ 28نومبر کو سماعت کرے گی۔آپ کو بتا دیں کہ فلم’پدماوتی‘کی رہائی کے لیے بھارت میں اگرچہ ملتوی کر دیا گیا ہے، لیکن برطانوی بورڈ آف فلم کلاسیفکیشن (بی بی ایف ایس ) نے فلم کو منظوری دے دی ہے۔تنازعات میں گھری یہ فلم برطانیہ میں ایک دسمبر کو ریلیز ہوگی۔فلم میں رنویر سنگھ سلطان علاء الدین خلجی کا، دیپکا پادکون رانی پدماوتی اور شاہد کپور مہاراجہ رتن سنگھ کا کردار ادا کر رہے ہیں۔اسے پیراماؤنٹ پکچرس کے ذریعہ بین الاقوامی سطح پر تقسیم کیا جا رہا ہے۔بی بی ایف سی کی سرکاری ویب سائٹ کے مطابق’پدماوتی‘کو برطانیہ میں بغیر کسی ترمیم کے ریلیز ہو جائے گی۔تاریخی حقائق کے ساتھ مبینہ طور پر چھیڑ چھاڑ کو لے کر قدامت پسند گروپ فلم کی مخالفت کر رہے ہیں۔بھنسالی نے حالانکہ فلم میں تاریخی حقائق سے کسی بھی قسم کی چھیڑ چھاڑ سے انکار کیا ہے۔فلم پہلے 1دسمبر کو ریلیز ہونے والی تھی، جسے ملتوی کر دیا گیا ہے کیونکہ فلم سازوں کو ابھی تک سینسر بورڈ سے سرٹیفکیٹ نہیں ملاہے۔