نئی دہلی، 20؍اکتوبر ( ایس او نیوز؍آئی ا ین ایس انڈیا) کانگریس لیڈر پی چدمبرم نے آج الیکشن کمیشن کی یہ کہتے ہوئے تنقید کی کہ الیکشن کمیشن کی طرف سے گجرات انتخابات کے پروگرام کا اعلان کرنے میں تاخیر کر کے اس نے وزیر اعظم مودی کو اپنی آخری ریلی میں اپنی تمام سوغاتیں تقسیم کرنے کے بعد تاریخ کے اعلان کرنے کا کلی ’ اختیار‘ دے دیا ہے ۔ سوگاتے اشتراک کے بعد انتخابات کی تاریخوں کا اعلان کرنے کے لئے "اختیار".سابق وزیر داخلہ نے یہ بھی دعوی کیا ہے کہ گجرات حکومت کی طرف سے تمام ’مراعات اور سوغات ‘ کا اعلان کرنے کے بعد اب الیکشن کمیشن کو اس کی ’طویل چھٹی‘سے ’واپس بلا‘ لیا جائے گا۔ انہوں نے ٹویٹ کر کے کہا کہ الیکشن کمیشن نے وزیر اعظم کو ان کی آخری ریلی میں گجرات ا سمبلی انتخابات کی تاریخ کا اعلان کرنے کے لئے اختیار دیا ہے ۔ الیکشن کمیشن نے 12 اکتوبر کو اعلان کیا تھا کہ ہماچل پردیش میں اسمبلی انتخابات 9 نومبر کو ہوں گے؛ لیکن گجرات اسمبلی انتخابات کی تاریخوں کا اعلان نہیں کیا تھا۔البتہ الیکشن کمیشن نے اب جاکر کہا ہے کہ گجرات میں انتخابات 18 دسمبر سے پہلے ہوں گے ۔ اس سے قبل کئی اپوزیشن لیڈر نے گجرات اسمبلی انتخابات کی تاریخوں کا اعلان نہ کئے جانے پر الیکشن کمیشن پر تنقید کی تھی ۔