بھٹکل میں پہلی مرتبہ آن لائن آٹورکشا بکننگ سرویس ’’اووی کیاب ‘‘کاآغاز : گوگل پلے پر اپلیکیشن دستیاب
بھٹکل:9/ڈسمبر (ایس او نیوز) بھٹکل میں پہلی مرتبہ آن لائن آٹورکشا سرویس ’’ اووی کیاب ‘‘ کا افتتاح مرکزی خلیفہ جماعت المسلمین بھٹکل کے چیف قاضی مولانا خواجہ معین الدین اکرمی ندوی مدنی کی دعا سے بھٹکل کے بندرروڈ سکینڈ کراس پرعمل میں آیا۔ اس موقع پر مخدومیہ جامع مسجد کے خطیب وامام مولانا نعمت اللہ عسکری ، مجلس اصلاح وتنظیم بھٹکل کے جنرل سکریٹری محی الدین الطاف کھروری وغیرہ موجود رہتے ہوئے نیک خواہشات کا اظہارکیا۔
اووی کیاب کے منتظمین نے بتایا کہ بھٹکل کی یہ پہلی آن لائن آٹو رکشا بکننگ سرویس ہے ، گاہک اپنے گھروں سے یا اپنی ضرورت کے مطابق جب چاہے تب بکننگ کرسکتے ہیں ، بکننگ کرنےکے چند لمحات میں آٹو ان کے گھر پہنچ جائے گا، اس سلسلے میں ہم اپنے گاہکوں کی سہولیات کا خیال رکھتے ہوئے گوگل پلے پر اپنا اپلیکیشن رکھا ہے جس کو وہ ڈاؤن لوڈ کرکے اپنی بکننگ کرسکتےہیں اور اسی طرح ٹول فری نمبر 0055-120-1800پر رابطہ کرسکتے ہیں۔ منتظمین کا کہنا ہے کہ اس ماہ کے آخر تک اپلیکیشن اور سرویس گاہکوں کے لئے دستیاب ہونگی۔ جب کہ اووی کیاب کے لئے رجسٹریشن جمعہ کی دوپہر 2بجے سے اووی کیاب دفتر میں شروع ہوچکاہے۔ اس موقع پر عبیداللہ عسکری ، فواز قاضیا، انیق صدیقی اور معزز کولا ،آٹورکشایونین صدر وینکٹیش نائک وغیرہ موجود تھے۔