گڑگاؤں، 25 فروری(ایس او نیوز/آئی این ایس انڈیا)گڑگاؤں اہم سڑکوں کی تعمیرکے لئے بھاری قیمت چکارہاہے کیونکہ شہر میں ایک فلائی اووراورتین انڈرپاس بنانے کیلئے9000 سے زیادہ درختوں کو کاٹا جا چکا ہے۔ماہرین ماحولیات اور محکمہ موسمیات کے حکام نے خدشہ ظاہرکیاہے کہ متاثرہ علاقوں میں درجہ حرارت تین ڈگری سینٹی گریڈ تک بڑھ سکتا ہے۔انڈین نیشنل ہائی وے اتھارٹی(این ایچ اے آئی) نے شہر میں ایک فلائی اوور اور تین انڈرپاسوں کے لئے9000 سے زیادہ درختوں کو کاٹ دیا۔اس سے بھی زیادہ، کاٹے گئے درختوں کو بھرنے کے لئے ایجنسی نے سبز علاقے اور خاص علاقوں میں شہری جنگلات تیار کرنے کے بارے میں کوئی گائیڈلائن نہیں دی ہے۔این ایچ اے آئی کے حکام نے دعوی کیا کہ ہریانہ محکمہ جنگلات سے اجازت لینے کے بعد ہی درختوں کو کاٹا گیاہے۔