مرکزی حکومت کا رد کردہ حج سبسڈی تمل ناڈو اور پدوچیری کی طرح ریاستی حکومتیں جاری کریں۔ مسلم لیگ کا مطالبہ

Source: S.O. News Service | By I.G. Bhatkali | Published on 12th July 2018, 12:30 PM | ملکی خبریں | ان خبروں کو پڑھنا مت بھولئے |

چنئی ( پریس ریلیز/ایس او نیوز ) انڈین یونین مسلم لیگ کے قومی صدر پروفیسر قادر محی الدین نے اپنے جاری کردہ اخباری اعلامیہ میں مطالبہ کیا ہے کہ مرکزی بی جے پی حکومت کی جانب سے رد کردہ حج سبسیڈی کو جس طرح تمل ناڈو اور پدوچیری حکومت نے جاری کیا ہے اسی طرح دوسرے ریاستیں بھی جاری کریں۔

انہوں نے مزید کہا  کہ مرکز میں بر سر اقتدار بی جے پی کی حکومت اقلیت مخالف منصوبے خاص طور پر مسلم مخالف منصوبے نافذ کرنے میں لگی ہوئی ہے ، مسلمانوں کو کئی عرصہ سے حاصل حج سبسیڈی کو مرکزی بی جے پی حکومت نے اچانک رد کرکے اپنی نفرت کی سیاست کو اجاگر کیا ہے۔ مرکزی حکومت کے اس اقدام کی  کانگریس سمیت کئی سیاسی پارٹیوں نے پارلیمنٹ کے اند ر اور باہر  سخت مذمت کی ہے۔ مرکزی بی جے پی حکومت نے ہندوستان سے حج کیلئے جانے والے 1,75,000 عازمین حج کو کئی ہزار کروڑ روپئے سبسڈی فراہم کرنے کا جھوٹا  پروپگینڈہ  کرکے اقلیتوں کے مذہبی سفر کا مذاق بنا یا گیا ہے۔ انڈین یونین مسلم لیگ مرکزی حکومت کے اس جھوٹے پروپگینڈے اور اقلیت مخالف سیاست کی سخت مذمت کرتی ہے۔

ایک حالیہ رپورٹ کے مطابق مرکزی حکومت کی جانب سے حاجیوں کو جاری کی جانے والی سبسڈی ہزارکروڑ یا سو کروڑ نہیں ہے بلکہ صرف 50 کروڑ روپئے ہے۔ حال ہی میں انڈین یونین مسلم لیگ کے رکن اسمبلی کے اے ایم محمد ابوبکر نے تمل ناڈو اسمبلی میں یہ مطالبہ رکھا کہ تمل ناڈو حکومت کی جانب سے جس طرح امر ناتھ جانے والے ہندو یاتریوں اوریروشلم جانے والے عیسائی یاتریوں کو سبسڈی فراہم کیا جارہا ہے اسی طرح مسلمان عازمین حج کو بھی سبسڈی فراہم کیا جائے۔ جس کے بعد تمل ناڈو اسمبلی میں وزیر اعلی پلنی سوامی نے مسلمانوں کو حج سبسڈی جاری کرنے کے لیے 6کروڑ روپئے مختص کرنے کا اعلان کیا ۔ تمل ناڈو حکومت اور وزیر اعلی کے اس مستحسن اقدام کو انڈین یونین مسلم لیگ کے قومی صدر کی جانب سے رکن اسمبلی کے اے ایم محمد ابوبکر نے تمل ناڈو حکومت کا شکریہ ادا کیا ۔

 تمل ناڈو حکومت کی جانب سے حج سبسڈی جاری کرنے کے اعلان کے بعد اس کی تقلید کرتے ہوئے پدوچیری حکومت اور وزیر اعلی نارائن سوامی نے بھی پدوچیری سے جانے والے ہر ایک عازمین حج کے لیے0 16,69روپئے سبسڈی کے طور پر جاری کرنے کا اعلان کیا ہے جس کے لیے انڈین یونین مسلم لیگ نے پدوچیری حکومت کا بھی شکریہ ادا کیاہے۔

مسلم لیگ نے کہا کہ مرکزی حکومت نے حج سبسڈی رد کرکے سیکولر پالیسیوں کے خلاف کام کیا ہے جبکہ تمل ناڈو اور پدوچیری نے مرکزی حکومت کے اس سیکولرمخالف پالیسی کے خلاف اقدام اٹھاتے ہوئے حج سبسڈی کو دوبارہ جاری کیا ہے۔ جس کی جتنی تعریف کی جائے کم ہے۔ انڈین یونین مسلم لیگ کے قومی صدر پروفیسر قادر محی الدین نے  امید ظاہر کرتے ہوئے دیگر ریاستوں سے مطالبہ کیا ہے کہ وہ بھی تمل ناڈو اور پدوچیری کی طرح اپنے ریاستوں کے عازمین حج کے لیے سبسڈی جاری کرکے جمہوریت اور سیکولر سماجی انصاف کے اصولوں پر عمل کریں۔

Related News in English:

Tamil Nadu announces Hajj subsidy, months after Centre scrapped grant
http://sonews.in/weMU

ایک نظر اس پر بھی

پروٹوکول توڑنے میں مودی نے عمران سے مقابلہ کیا، سفارتی ناکامی پر جواب دیں: کانگریس

کانگریس نے سعودی عرب کے شہزادہ (ولی عہد) محمد بن سلمان کا پروٹوکول سے الگ جاکرخوش آمدید کئے جانے کو لے کر بدھ کو وزیر اعظم نریندر مودی پر حملہ بولا اور الزام لگایا کہ پروٹوکول توڑنے میں مودی تو گویا پاکستانی وزیر اعظم عمران خان کے ساتھ، جیسے مقابلہ کر رہے ہیں۔

پلوامہ حملہ: اب آندھرا پردیش کے وزیراعلیٰ چندرا بابو نائیڈو نے مودی حکومت کو گھیرا، کہا، قومی سلامتی خطرے میں ہے

پلوامہ دہشت گردانہ حملے کو لے کر پاکستان کے وزیر اعظم عمران خان کے بیان پر رد عمل ظاہر کرتے ہوئے آندھرا پردیش کے وزیراعلیٰ این چندرا بابو نائیڈو نے مرکز کی مودی حکومت پر نشانہ لگایا ہے۔

این سی ڈی آرسی نے آپریشن کے دوران لاپرواہی برتنے والے ڈاکٹر متاثرہ خاندان کو 2.7 لاکھ روپے ادا کرنے کا حکم دیا

قومی صارفین تنازعہ سراغ رساں کمیشن(این سی ڈی آرسی) نے آپریشن کے دوران لاپرواہی کی وجہ سے ایک خاتون کی موت کے معاملے میں تین ڈاکٹروں کو متاثر خاندان کو پر 2.7 لاکھ روپے ادا کرنے کا حکم دیا ہے۔

ہوناور: ہیسکام کے افسران راستہ بھٹک گئے۔ پوری رات جنگل میں گزارنے پر ہوئے مجبور

گیر سوپّا ڈیم کے علاقے میں گھنے جنگل سے گزرنے والی 33کے وی بجلی لائن کا معائنہ کرنے کے لئے نکلی ہوئی ہیسکام افسران اور عملے پر مشتمل ایک ٹیم میں شامل دوافسران جنگل میں راستہ بھٹک گئے جس کی وجہ سے انہیں پوری رات جنگل ہی میں گزارنی پڑی ۔

بھٹکل مجلس احیاء المدارس کے زیراہتمام انوکھی نوعیت کا  ’اجتماعی قرأت مقابلے ‘کا خوبصورت انعقاد : قرآن فیصلہ کن ، ممتاز ،مسلسل پڑھی جانی والی واحد کتاب ہے

مجلس احیاء المدارس بھٹکل کے زیر اہتمام مخدوم کالونی میں واقع مدرسہ دارالتعلیم و التربیہ میں 19فروری 2018بروز منگل کی رات منعقدہ اپنی نوعیت کے پہلے ’’اجتماعی قرأت مقابلہ ‘‘میں جامعہ اسلامیہ چوک بازار بھٹکل اول، جامعہ اسلامیہ بھٹکل کے شعبہ ثانویہ دوم اور جامعہ اسلامیہ کارگدے ...

بھٹکل انجمن انجینئرنگ کالج کے فارغین کی دبئی میں نشست؛قائد قوم نے کہا؛ فارغین کا ساتھ ملا تو انجمن کی کامیابی یقینی

گذشتہ دنوں دبئی میں قائد قوم ڈاکٹر ایس ایم سید خلیل الرحمن صاحب کی رہائش گاہ پر بھٹکل انجمن انجنیرنگ کالج کے فارغین کی ایک خصوصی نشست منعقد ہوئی جس میں انجمن انجنیرنگ کالج کے اولین بیچBatch کے فارغین نے بھی شرکت کی ۔

ہاسن کے قریب ہوئے سڑک حادثہ میں گنگولی کے ایک ہی خاندان کے چار لوگ زندہ جل کر ہلاک

گنگولی کے گُجّاڈی کے رہنے والے ایک ہی خاندان کے چار افراد  ہاسن کے قریب چنّا رائے پٹن نامی مقام پر سڑک حادثہ میں زندہ جل کر ہلاک ہوگئے جن کی شناخت وویویک نائیک (38)، ان کی اہلیہ ریشما نائیک (34)، نو سالہ بچی وننتی اور پانچ سالہ بچہ ویگنیش کی حیثیت سے کی گئی ہے۔

ڈاکٹر کے ہریش کماراب اُترکنڑا کے نئے ڈپٹی کمشنر؛ ایس ایس نکول کا بنگلور تبادلہ

ضلع اُترکنڑا کے ڈپٹی کمشنر ایس ایس نکول کا بنگلور تبادلہ کرنے کے ساتھ ہی ڈاکٹر کے ہریش کمار کو ضلع کا نیا ڈپٹی کمشنر مقرر کیا گیاہے۔ بتایا گیا ہے کہ ریاست کے گورنر کے حکم پر ان دونوں کے تبادلے ہوئے ہیں۔