نئی دہلی:21/جولائی(ایس او نیوز/ائی این ایس انڈیا)مودی حکومت کے خلاف مسلسل باغیانہ تیور اختیار کرنے والے سابق بی جے پی لیڈر یشونت سنہا نے جمعہ کو پارلیمنٹ میں راہل گاندھی کی طرف سے پی ایم مودی کو گلے لگائے جانے کو لے کر مودی پر طنز کیا ہے۔ وہیں کانگریس صدر راہل گاندھی کو گلے لگنے والے تنازعہ میں یشونت سنہا کا ساتھ ملا ہے۔ اکثر مودی کی کھل کر تنقید کرنے والے سنہا نے ایک بار پھر پی ایم مودی پر نشانہ لگایا اور انہیں سیریل ہگر(ہمیشہ گلے لگانے والا) قرار دیا ہے۔ بتا دیں کہ جمعہ کو پارلیمنٹ میں عدم اعتماد کی تجویز کے حق میں بولنے کے دوران راہل گاندھی وزیر اعظم مودی کی نشست پر جاکر ان سے گلے ملے تھے۔ سابق مرکزی وزیر یشونت سنہا کا یہ بیان اس لیے بھی اہم ہے کیونکہ راہل گاندھی کا پی ایم مودی سے گلے ملنے کی واقعہ کی ایک طرف جہاں بی جے پی کے تمام لیڈر مذمت کر رہے ہیں، وہیں پی ایم مودی کے ناقد مانے جانے والے بی جے پی لیڈر یشونت سنہا راہل گاندھی کا بالواسطہ طور پر حمایت کر رہے ہیں۔یشونت سنہا نے اپنے ٹوئٹر اکاؤنٹ سے ٹویٹ کیا اور انہوں نے پی ایم مودی کو عادتاً گلے لگانے والا شخص بتایا۔ دراصل اس ٹویٹ میں انہوں نے پی ایم مودی کے لئے طنز کیا ہے۔ یشونت سنہا نے ٹویٹ کیا کہ بار بار گلے لگانے والے کو جب گلے لگایا گیا۔یشونت سنہا نے اس ٹویٹ سے پی ایم مودی پر نشانہ لگایا ہے اور ان کو عادتاً گلے لگنے والا بتایا ہے۔ ایسا اس وجہ سے پی ایم مودی اکثر غیر ملکی سربراہوں کے ساتھ گلے ملتے ہیں اور اپنے تعلقات کو بہتر بنانے اور بتانے کی کوشش کرتے ہیں۔ ٹرمپ سے لے کر کئی ممالک کے سربراہوں کے ساتھ پی ایم مودی کی گلے ملنے والی فوٹو سوشل میڈیا پر وائرل ہو چکی ہیں۔ یہی وجہ ہے کہ یشونت سنہا نے پی ایم مودی کو لے کر طنز کرتے ہوئے کہا ہے کہ عادتاًسب گلے ملنے والے کو ایک گلے لگانے والا ملا۔ بتا دیں کہ پارلیمنٹ میں عدم اعتماد کی تجویز کے حق میں بات کرتے ہوئے راہل گاندھی اچانک وزیر اعظم مودی کے پاس چلے گئے تھے اور انہیں گلے لگا لیا تھا۔ تاہم پی ایم مودی کے چہرے کے آثار بتا رہے تھے کہ انہیں اس کی توقع بھی نہیں تھی۔