ریاست میں آپریشن کنول کی ضرورت نہیں:ایڈی یورپا

Source: S.O. News Service | By Shahid Mukhtesar | Published on 9th August 2018, 11:19 AM | ریاستی خبریں |

بنگلورو،9؍اگست (ایس او  نیوز) بھارتیہ جنتا پارٹی ( بی جے پی ) کی ریاستی یونٹ کے صدر بی ایس ایڈی یورپا نے آج کہا کہ ہمیں کرناٹک میں آپریشن کنول کی ضرورت نہیں ۔ انہوں نے بتایا کہ کانگریس لیڈروں نے جوالزام لگایا ہے اس میں کوئی صداقت نہیں۔ انہوں نے کہا کہ آپریشن کنول پر عمل کرنے کی ہمیں کوئی ضرورت نہیں۔ اس سلسلہ میں کانگریس لیڈر فضول الزامات لگا رہے ہیں ۔

کے پی سی سی صدر دنیش گنڈو راؤ اور ریاستی وزیر برائے آبی وسائل ڈی کے شیو کمار کے کل لگائے گئے الزامات کا جواب دیتے ہوئے ایڈی یورپا نے آج کہا کہ انہیں کل دہلی پارٹی کے دوسرے کام سے طلب کیا گیا تھا ۔ وزیراعظم نریندر مودی اورپارٹی کے صدر امیت شاہ سے ملاقات کرکے ریاست کی سیاسی صورتحال پر انہوں نے دونوں کے ساتھ تبادلہ خیال کیا ۔ آپریشن کنول کیلئے انہیں کوئی ہدایت نہیں ملی ہے۔

انہوں نے کہا کہ بی جے پی کو ریاستی مخلوط حکومت کو گرانے کی ضرورت نہیں ہے ۔ دونوں پارٹیوں کے درمیان حالات ایسے پیدا ہوجائیں گے کہ حکومت خود بخود گر جائے گی ۔ انہوں نے بتایا کہ لوک سبھا اور مقامی بلدی اداروں کے انتخابات میں زیادہ سے زیادہ سیٹیں حاصل کرنا ہمارا مقصد ہے ۔ اس مقصد کے لئے کل سے ہی میں ریاست گیر دورے شروع کررہا ہوں۔ پارٹی کے لیڈر پورے تین ماہ ریاست بھر کے دورے کریں گے۔

ایک نظر اس پر بھی

چکبلاپور کے شڈلگٹہ میں کوہ نور ٹیپو تعلیم مائنارٹی ٹرسٹ کی جانب سے پلوامہ میں شہید فوجیوں کو خراج عقیدت؛ اہل خانہ کو پانچ کروڑ روپیہ معاوضہ دینے کا مطالبہ

22فروری بروزجمعہ کو کوہ نور ٹیپو تعلیم مائنارٹی ویلفئیر ٹرسٹ شڈلگٹہ کی زیر قیادت بعد نماز جمعہ ہزاروں مسلمانوں نے 14فروری کو کشمیر کے پلوامہ میں دہشت گردوں کا نشانہ بنے سی آر  پی ایف جوانوں کی شہادت کو خراج عقیدت پیش کرتے ہوئے دہشت گردی کی سخت مذمت کی گئی ۔