ایک بار پھر آپریشن کمل شروع، گیارہ اراکین اسمبلی کی وفاداری تبدیل کرنے بی جے پی کی کوشش تیز

Source: S.O. News Service | By Shahid Mukhtesar | Published on 10th January 2019, 2:17 PM | ریاستی خبریں |

بنگلورو 9جنوری (ایس او نیوز) ریاست کی مخلوط حکومت کو غیر مستحکم کرنے کے لئے ایک بار پھر بی جے پی کی طرف سے آپریشن کمل شروع کئے جانے اور کانگریس کے 12 اراکین اسمبلی کو اپنے خیمے میں شامل کرنے کی کوشش تیز ہوگئی ہے۔

بتایاجاتاہے کہ دہلی میں مقیم ریاستی بی جے پی صدر بی ایس یڈیورپا ان بارہ اراکین اسمبلی کو بی جے پی کے قومی صدر امت شاہ سے ملانے کی کوشش میں لگے ہوئے ہیں۔ لیکن اب تک یہ ملاقات نہیں ہوئی ہے۔ وزارت میں شمولیت کے مرحلے میں نظر انداز کئے جانے کے بعد سرکاری بورڈز اور کارپوریشنوں کے چیرمینوں کے تقرر کے دوران بھی نظر انداز کردئے جانے پر ناراض کانگریس اراکین اسمبلی نے آپریشن کمل کے تحت اپنی اسمبلی رکنیت سے استعفیٰ دینے پر آمادگی ظاہر کی ہے۔ حالانکہ بی جے پی کے اس دعوے کی تصدیق نہیں ہوئی ہے لیکن کہاجارہاہے کہ مہاراشٹرا کے ایک طاقتور مرکزی وزیر کی نگرانی میں ان اراکین اسمبلی سے بات چیت کی گئی ہے۔ کہاجارہاہے کہ ان اراکین اسمبلی کی امت شاہ سے ملاقات کے بعد ریاستی حکومت کو گرانے کی کوشش میں اور تیزی لائی جائے گی۔ بلاری ضلع کے تین ، بلگاوی ضلع کے چار اور ہاویری و رائچور ضلع کے ایک ایک رکن اسمبلی کو نشانہ بنانے کا دعویٰ کیا جارہاہے۔ سابق وزیر رمیش جارکی ہولی کی قیادت میں جن اراکین کو بی جے پی نشانہ بنانے کی کوشش کررہی ہے ان میں مہانتیش کمبتھ ہلی ،سری منت پاٹل ، بی سی پاٹل ، بی ناگیندرا ، آنند سنگھ ، گنیش ، پرتاب گوڈا پاٹل، بسوراج ددور ، آزاد اراکین اسمبلی آر شنکر اور ناگیش شامل ہیں۔ 

ایک نظر اس پر بھی

گھوٹالہ باز جناردن ریڈی کی بی جے پی میں شمولیت مودی حکومت کے بدعنوانی ختم کرنے کے دعووں کی قلعی کھول رہی: کانگریس

کانگریس نے 35 ہزار کروڑ روپے کے غیر قانونی خام لوہا کانکنی گھوٹالہ کے ملزم جناردن ریڈی کے بی جے پی میں شامل ہونے پر آج زوردار حملہ کیا۔ کانگریس لیڈر پون کھیڑا نے نئی دہلی واقع کانگریس ہیڈکوارٹر میں ایک پریس کانفرنس سے خطاب کرتے ہوئے کہا کہ گھوٹالہ باز جناردن ریڈی کی بی جے پی ...

منگلورو میں 'جاگو کرناٹکا' کا اجلاس - پرکاش راج نے کہا : اقلیتوں کا تحفظ اکثریت کی ذمہ داری ہے 

'جاگو کرناٹکا' نامی تنظیم کے بینر تلے مختلف عوام دوست اداروں کا ایک اجلاس شہر کے بالمٹا میں منعقد ہوا جس میں افتتاحی خطاب کرتے ہوئے مشہور فلم ایکٹر پرکاش راج نے کہا کہ ایک جمہوری ملک میں اقلیتوں کو تحفظ فراہم کرنا اکثریت کی ذمہ داری ہوتی ہے ۔

تنازعات میں گھرے رہنے والے اننت کمار ہیگڈے کو مودی نے کیا درکنار

پارلیمانی الیکشن کے دن قریب آتے ہی اننت کمار ہیگڑے نے گمنامی سے نکل کر اپنے حامیوں کے بیچ پہنچتے ہوئے اپنے حق میں ہوا بنانے کے لئے جو دوڑ دھوپ شروع کی تھی اور روز نئے متنازعہ بیانات  کے ساتھ سرخیوں میں بنے رہنے کی جو کوششیں کی تھیں اس پر پانی پھِر گیا اور ہندوتوا کا یہ بے لگام ...

لوک سبھا انتخابات میں بی جے پی نے اننت کمار ہیگڈے کو دکھایا باہرکا راستہ؛ اُترکنڑا کی ٹکٹ کاگیری کو دینے کا اعلان

اپنے کچھ موجودہ ممبران پارلیمنٹ کو نئے چہروں کے ساتھ تبدیل کرنے کے اپنے تجربے کو جاری رکھتے ہوئے، بی جے پی نے سابق مرکزی وزیر اور اُتر کنڑ اکے ایم پی، اننت کمار ہیگڑے کو باہر کا راستہ دکھاتے ہوئے  آنے والے لوک سبھا انتخابات میں  ان کی جگہ اُترکنڑا حلقہ سے  سابق اسمبلی اسپیکر ...

ٹمکورو میں جلی ہوئی لاشوں کا معاملہ - خزانے کے چکر میں گنوائی تھی  تین لوگوں نے جان

ٹمکورو میں جلی ہوئی کار کے اندر بیلتنگڈی سے تعلق رکھنے والے تین افراد کی جو لاشیں ملی تھیں، اس معاملے میں پولیس کی تحقیقات سے اب یہ بات سامنے آئی ہے کہ خزانے میں ملا ہوا سونا سستے داموں پر خریدنے کے چکر میں ان تینوں نے پچاس لاکھ روپوں کے ساتھ اپنی بھی جانیں گنوائی تھیں ۔