شیوپال یادو،ماویاتی سے خالی کرائے ہوئے سرکاری بنگلے میں پہنچے
لکھنؤ،17؍ اکتوبر (ایس او نیوز؍آئی این ایس انڈیا) سماجوادی سیکولر مورچہ کے بانی شیو پال یادو نے بدھ کو لال بہادر شاستری راستے پر واقع اپنے نئے بنگلے میں داخل ہوئے۔مورچہ کے ایک رہنما نے بتایا کہ پوجا ارچنا کے بعد شیو پال نے آج اشٹمی کے موقع پر اپنے نئے بنگلے میں داخل ہوئے۔وزیراعلیٰ یوگی آدتیہ ناتھ کی حکومت کی طرف سے حال ہی میں الاٹ کیے گئے بنگلے میں بدھ کی صبح شیو پال اپنے حامیوں کے ساتھ پہنچے۔سماج وادی پارٹی سے بغاوت کر چکے شیو پال یادو کو جو نیا بنگلہ ملا ہے وہاں پہلے بہوجن سماج پارٹی کی سربراہ مایاوتی رہتی تھیں۔انہوں نے سپریم کورٹ کے حکم کے بعد یہ بنگلہ خالی کیا تھا۔شیو پال کو سرکاری بنگلہ ملنے پر بہت سے لوگوں نے سوال اٹھائے تھے۔وہیں ان کے بھتیجے اور سماجوادی پارٹی سربراہ اکھلیش یادو نے طنزکستے ہوئے شیو پال کے سماج وادی سیکولر مورچہ کو بی جے پی کی بی ٹیم بتایا تھا۔شیو پال نے اس پرکہاہے کہ بی جے پی نے ان پر کوئی مہربانی نہیں کی ہے۔انہوں نے کہا کہ خفیہ جنس معلومات کے مطابق انہیں خطرہ تھا اور وہ 5 بار ممبر اسمبلی رہ چکے ہیں۔سماجوادی سیکولر مورچہ کے سربراہ نے کہا کہ یہ پرانا نظام ہے اور انہیں بھی پرانے نظام کے تحت بنگلہ ملا ہے۔شیو پال نے بتایا کہ آج ہم نے گھر میں داخلہ حاصل کر لیا ہے۔یہاں پوجا ہو گئی ہے۔جمعرات سے یہاں پر پارٹی کا کام شروع ہو جائے گا۔اکھلیش کے طنزپرشیوپال نے کہا کہ جو لوگ بنگلہ ملنے پر سوال اٹھا رہے ہیں انہیں پتہ ہونا چاہیے کہ یہ پرانا قانون ہے۔جو لوگ ایسا کہہ رہے ہیں انہیں بھی بہت بنگلے دیئے گئے ہیں۔شیو پال نے آگے کہا کہ اتر پردیش کے عوام کا اعتماد بہت سی جماعتوں سے اٹھ گیا ہے ۔اس لیے ہم نے سماجوادی سیکولر مورچہ بنایا ہے۔اسی بنگلے سے ہم کام کریں گے اور یہیں پر ہم لوگوں سے ملیں گے۔