ریاستی حکومت مفت گیس اسٹو کی اسکیم متعارف کرائے گی: قادر

Source: S.O. News Service | By Shahid Mukhtesar | Published on 10th January 2017, 11:33 AM | ریاستی خبریں | ان خبروں کو پڑھنا مت بھولئے |

بنگلورو،9؍جنوری(ایس او نیوز) مرکزی حکومت کی اوجول اسکیم کے تحت ایل پی جی گیس کنکشن حاصل کرنے والے مستحقین کو ریاستی حکومت کی طرف سے مفت گیس کاچولہا فراہم کرانے کا فیصلہ کیا گیا ہے۔یہ اعلان آج وزیر برائے شہری رسد وخوراک یوٹی قادر نے کیا۔ انہوں نے کہاکہ اوجول اسکیم کے مستحقین کو اسٹو کے ساتھ ریگولیٹر اور ربر پائپ بھی مفت دیا جائے گا۔ وزیر اعلیٰ سدرامیا نے اس اسکیم کے نفاذ کو منظوری دے دی ہے۔ آج سے آن لائن اے پی ایل راشن کارڈ کی فراہمی کی اہم اسکیم کا آغاز کرنے کے بعد ایک اخباری کانفرنس سے خطاب کرتے ہوئے یوٹی قادر نے کہاکہ ریاست میں مرکزی حکومت کی اوجول اسکیم کو بہت جلد شروع کردیا جائے گا۔اس اسکیم کی شروعات کیلئے مرکزی وزیر پٹرولیم دیویندر پردھان کی تاریخ کا انتظار ہے۔ اس اسکیم کے تحت مرکزی حکومت مستحقین کو مفت ایل پی جی سلینڈر فراہم کررہی ہے،لیکن اسٹو کے بغیر مستحقین ان سلینڈروں کا کیا کریں گے؟۔ اسی لئے ریاستی حکومت نے اپنے صرفہ سے اسٹو اور ریگولیٹر مہیا کرانے کا فیصلہ کیا ہے۔وزیر موصوف نے کہاکہ اوجول اسکیم کے تحت ایل پی جی سلینڈر حاصل کرنے کیلئے اب تک تین لاکھ سے زائد عرضیاں موصول ہوچکی ہیں۔ اس موقع پر انہوں نے کہاکہ آن لائن اے پی ایل راشن کارڈ حاصل کرنے کی سرکاری اسکیم آج سے شروع ہوچکی ہے۔ اے پی ایل کارڈ حاصل کرنے والے آن لائن ہی اپنا آدھار نمبر درج کرکے فوری طور پر عارضی کارڈ حاصل کرسکتے ہیں۔ 15 دنوں کے اندراسپیڈ پوسٹ کے ذریعہ ان کے گھر پر راشن کارڈ فراہم کردیا جائے گا ،جسے وہ 100 روپے ادا کرکے حاصل کرسکتے ہیں۔ اس کارڈ کی فراہمی کا سلسلہ باضابطہ آگے بڑھاتے ہوئے قادر نے کارڈ حاصل کرنے کی تمام تفصیلات پیش کیں۔ انہوں نے کہاکہ ریاست کے کسی بھی حصہ سے اے پی ایل راشن کارڈ کیلئے عرضی درج کی جاسکتی ہے۔ فوری طور پر انہیں عارضی راشن کارڈ جاری کردیا جائے گا۔اسی کا استعمال کرکے وہ راشن کی خریداری بھی کرسکتے ہیں۔ انہوں نے کہاکہ اس سے پہلے اے پی ایل کارڈ حاصل کرنے کیلئے جو 16شرائط تھیں ان تمام کو ختم کردیا گیا ہے، صرف آدھار نمبر دے کر کارڈ حاصل کیا جاسکتاہے۔ اس کارڈ میں مزید نام جوڑنے یا ہٹانے کی سہولت بھی مہیا کرائی گئی ہے۔ انہوں نے کہاکہ اگلے پندرہ دنوں کے اندر بی پی ایل راشن کارڈوں کیلئے بھی آن لائن عرضیاں داخل کرنے کا سلسلہ شروع کردیا جائے گا۔ دیہی علاقوں میں عوام متعلقہ گرام پنچایتوں کے ذریعہ عرضیاں داخل کرسکتے ہیں، جبکہ شہری علاقوں میں بنگلور ون سے عرضیاں داخل کی جاسکتی ہیں۔راشن کی دکانوں سے بھی آن لائن عرضیاں داخل کرنے کی سہولت دستیاب رہے گی۔ بی پی ایل کارڈ میں شامل ہونے والے تمام افراد کا آدھار نمبر اور بائیو میٹرک تفصیلات فراہم کرنا لازمی قرار دیا گیا ہے۔

ایک نظر اس پر بھی

عوامی سہولیات کیلئے بنگلورو میں ہیلی پیڈس کی تعمیر کا منصوبہ میڈیکل ایمر جنسی کیلئے بی بی ایم پی کا بڑا اقدام

بنگلورو بروہت مہانگر پالیکے( بی بی ایم پی) کا بجٹ23؍فروری کو پیش کیا جانے والا ہے۔ اس مرتبہ بجٹ میں عوام کی صحت پر زور دیا جائے گا۔ اس سلسلہ میں بنگلوروشہر کے محتلف مقامات پر8ہیلی پیڈس بنائے جائیں گے تاکہ ایر ایمبولینس کے ذریعہ شدید بیماروں اور حادثوں میں متاثرہ افراد کو کم سے کم ...

بی ای ایم ایل نے بوگیوں کی پہلی کھیپ بی ایم آر سی ایل کے حوالہ کردی مسافروں کے لئے جانے کی گنجائش دگناہوجائے گی۔ مضافاتی ریل کیلئے بوگیاں بی ای ایم ایل سے خریدنے کا تیقن

وزارت دفاع کے ماتحت چلنے والی ایک سرکاری کمپنی بی ای ایم ایل لمیٹڈ جو میٹرو کارس( بوگیاں) تیار کرنے والی ملک کی ایک بڑی کمپنی ہے ۔ اس کمپنی نے آج بنگلور و میٹرو ریل کا رپوریشن لمیٹڈ ( بی ایم آر سی ایل)کو پہلا کار یونٹ حوالہ کیا ۔

نمامیٹروریل:ڈیری سرکل سے ناگواراتک کاپروجیکٹ 4؍حصوں میں منقسم ٹنڈر میں لاگت سے زیادہ 3505.89؍کروڑروپئے کا مطالبہ

نمامیٹرو ٹرین کا کام اب تک بہت ہی سست رفتاری کے ساتھ چل رہاہے حالانکہ اس کے لئے کوششیں کی جارہی ہیں کہ طے شدہ وقت پر پروجیکٹ کو مکمل کرلیا جائے مگر ایسانہیں ہوپارہاہے ۔

ریاست میں بی جے پی ممبر پارلیامنٹ کے ’خون خرابہ ‘ والے بیان پر کانگریس برہم ، کارروائی کا مطالبہ

کرناٹک میں آئندہ اسمبلی انتخابات کو لے کر بی جے پی اور کانگریس دونوں پارٹیاں ایک دوسرے پر حملہ آور ہیں۔ دونوں پارٹیاں ایک دوسرے پر حملہ کرنے کا کوئی بھی موقع نہیں چھوڑ رہی ہیں۔

کاسرگوڈ:غیرمحسوب14لاکھ روپے نقد لے جاتے ہوئے ایک شخص گرفتار

مصدقہ خفیہ اطلاع پر کارروائی کرتے ہوئے کُمبلے پولیس اسٹیشن کے افسران نے شانتی پالّا کے علاقے میں ایک کارروک لی اور اس کی تلاشی لینے پر کار کی سیٹ کے نیچے چھپاکر رکھے گئے 14,26,500روپے نقد بر آمد کیے جس کے تعلق مذکورہ شخص کے پاس کوئی حساب وکتاب نہیں تھا۔

حضرت مولانامفتی عبد القیوم رائے پوری کا انتقال

خانقاہ  رائے پور کی عالمی شہرت یافتہ شخصیت حضرت مولانامفتی عبد القیوم رائے پوری کا آج صبح یہاں طول علالت کے بعدانتقال ہوگیا۔ وہ طویل عرصہ سے صاحب فراش تھے۔ ان کی عمر تقریباً 85سال تھی۔

ملیالم ادیب کے پی رام ننی نے ساہیتہ اکیڈمی ایوارڈ کی رقم جنید کے اہل خانہ کی نذر کی

اردو کے معروف افسانہ نگار اور مدیر محمد بیگ احساس سمیت پیر کو ملک بھر کے 23؍ ادیبوں کو ایک باوقار تقریب میں 2017ء کے ساہتیہ اکیڈمی ایوارڈس سے نوازا گیا۔ یہ ایوارڈ ایک لاکھ روپے کے چیک ، توصیفی سند اور ایک علامتی میمنٹو پر مشتمل ہے۔

بیٹے کی موت سے رنجیدہ باپ نے بھی دم توڑ دیا۔ دونوں کی آخری رسومات ایک ساتھ ادا ہوئیں

مضافاتی علاقے بیلواڈو میں اکلوتے بیٹے کی موت سے رنجیدہ باپ کی موت اور دونوں کی آخری رسومات بیک وقت اداکرنے کا ایک المناک واقعہ پیش آیا جس سے پورے علاقے میں غم او رافسوس کا ماحول پیداہوگیا۔