بھٹکل کے قریب منکی میں دو لاریوں کے درمیان خطرناک تصادم؛ ڈرائیور ہلاک؛ کلینر زخمی

Source: S.O. News Service | By I.G. Bhatkali | Published on 7th June 2018, 4:22 PM | ساحلی خبریں |

منکی 7/جون (ایس او نیوز/ذاکر کٹنگری) دو لاریوں کے درمیان ہوئی ٹکر میں ایک لاری بے قابو ہوکر اُلٹ جانے کے نتیجے میں لاری کا ڈرائیور ہلاک ہوگیا،جبکہ اس لاری کا کلینر شدید زخمی ہوگیا۔ حادثہ بھٹکل سے قریب 30 کلو میٹر دور منکی کی محی الدین مسجد کے سامنے نیشنل ہائی وے 66 پر آج جمعرات دوپہر کو پیش آیا۔

لاری نمبر  MH09-CV5792 مینگلور سے پلے ووڈ بھر کر مہاراشٹرا کی طرف جارہی تھی، جس کا ڈرائیور اس حادثہ میں ہلاک ہوگیا ہے۔ جبکہ دوسری لاری مخالف سمت سے آرہی تھی۔ 

صبح سے ہورہی بارش کی وجہ سے  سڑک پر سواریاں پھسل جاتی ہیں، غالباً  دو لاریوں کے درمیان ٹکر ہوتے ہی ایک لاری روڈ پر پھسل گئی اور اوندھے جاگری، جس کے نتیجے میں ایک کی موت اور دوسرا زخمی ہووگیا۔

مرنے والے کی شناخت مہاراشٹرا کے رہنے والا راجو مورے (40) کی حیثیت سے کی گئی ہے،جبکہ زخمی  کو بابو کے نام سے جانا جاتا ہے۔ بابو کو قریبی اسپتال لے جایا گیا ہے۔

ایک نظر اس پر بھی

انکولہ میں ڈاکٹر انجلی نے بی جے پی پر کیا طنز : مجھے بیرون ضلع کی کہنے والوں کو میرے حلقے میں آنا ہی ہوگا 

انکولہ کے ناڈ ور ہال میں منعقدہ انتخابی تیاریوں کے جائزاتی اجلاس سے خطاب کرتے ہوئے اتر کنڑا حلقے کی امیدوار ڈاکٹر انجلی نمبالکر نے بی جے پی کو آڑے ہاتھوں لیتے ہوئے کہا مجھے اتر کنڑا ضلع سے باہر کی امیدوار بتانے والی بے جے پی کو بھی میرے حلقے میں آنا ہی ہوگا ۔ انہیں شائد پتہ نہیں ...

کمٹہ میں ڈی کے شیوکمار نے کہا : دھرم کسی کی جائداد نہیں ہے ۔ بھگوان کو سیاست میں استعمال کرنا ناقابل معافی ہے

پارلیمانی انتخاب کی تیاریوں کے سلسلے میں کمٹہ میں منعقدہ  جائزاتی اجلاس سے خطاب کرتے ہوئے کے پی سی سی صدر اور نائب وزیر اعلیٰ ڈی کے شیوا کمار نے کہا کہ ہمارا یقین یہ ہے کہ دھرم چاہے جو بھی اس کا نظریہ ایک ہی ہے ، نام چاہے سیکڑوں ہوں ، مگر بھگوان ایک ہی ہے اور پوجا جیسی بھی ہو، ...

بھٹکل شمس الدین سرکل کے قریب بس اور آٹو رکشہ کی ٹکر؛ آٹو ڈرائیور شدید زخمی

  قلب شہر شمس الدین سرکل کے قریب  پرائیویٹ بس اور آٹو کی ٹکر میں آٹو ڈرائیور شدید زخمی ہوگیا جسے   بھٹکل سرکاری اسپتال میں ضروری طبی امداد فراہم کرنے کے بعد زائد علاج کے لئے کنداپور  لے جایا گیا ہے۔ زخمی ڈرائیور کی شناخت جامعہ آباد روڈ، ماسٹر کالونی کے رہائشی  محمد سُہیل ...

بھٹکل میں انجلی نمبالکر نے کہا؛ آنے والےانتخابات بی جے پی اور کانگریس کے درمیان نہیں ، امیروں اور غریبوں کے درمیان اور انصاف اور ناانصافی کے درمیان مقابلہ

  آنے والے لوک سبھا انتخابات میں اصل مقابلہ  بی جے پی اور کانگریس کے درمیان  نہیں ہوگا بلکہ  اڈانی اور امبانی جیسے  سرمایہ داروں  کو تعاون فراہم کرنے والوں اور غریبوں کو انصاف دلانے والوں کے درمیان ہوگا، صاف صاف کہیں تو یہ سرمایہ داروں اور غریبوں کے درمیان  مقابلہ ہے۔ یہ بات ...