انتظامی محاذپرناکامی کے الزام کاسامناکررہی یوگی حکومت نے جاری کیا نیا فرمان؛ 15 اگست کو مدارس میں ترنگا لہرانے اور ویڈیوگرافی کرنے کا دیا حکم

Source: S.O. News Service | By Jafar Sadique Nooruddin | Published on 12th August 2017, 3:12 AM | ملکی خبریں |

لکھنؤ:11/اگست(ایس او نیوز /آئی این ایس انڈیا) ایک طرف ریاست  اُترپردیش میں لاء اینڈآرڈرکی صورتحال بگڑتی جارہی ہے۔ تو دوسری طرف  یوپی میں انتظامی بدحالی کی حدیہاں تک پہنچ گئی ہے کہ یوگی کے ہوم ضلع  کے ایک  اسپتال میں سرکار کی لاپروائی سے تیس  بچوں کی موت واقع ہوگئی ہے ان واقعات پر اپوزیشن یوپی کی بی جے پی حکومت کو گھیرنے میں لگا ہوا ہے لیکن ادتیہ ناتھ پر یوپی سرکارکی توجہ نام بدلنے اوردیگرامورپرہی مرکوزرکھنے کاالزام ہے ۔ یوپی میں اب بی جے پی کی حکومت ہے۔ یوگی آدتیہ ناتھ وزیراعلیٰ ہیں۔ایسے میں ریاست میں یومِِِِ آزادی کے لیے زور شور منانے کی تیاری جاری ہے اور اس دوران حکومت کی جانب سے مدارس کے لیے ایک حکم جاری کیا گیا ہے. بتایا جا رہا ہے کہ اس طرح کا حکم مدرسوں کو مسلسل وقتا فوقتا جاری کیے جاتے رہتے ہیں۔ اتر پردیش میں مدرسہ تعلیم کونسل کی جانب سے صوبہ کے تمام مدرسوں کو خط جاری کر یوم آزادی پورے اہتمام سے منانے کی ہدایات دی گئی ہیں۔واضح ہوکہ مدارس میں اس کاعام طورپرپہلے بھی اہتمام ہوتارہاہے۔ کہاگیاہے کہ15 اگست کو مدارس میں ترنگا لہرایا جائے، قومی گیت بھی گایاجائے۔ یہ خط 3 جولائی کو اترپردیش مدرسہ تعلیم کونسل کی جانب سے جاری کیا گیا ہے۔ اسے سب ڈسٹرکٹ اقلیتی بہبودکے حکام کوبھیج دیاگیاہے۔خط میں 15 اگست کو صبح 8 بجے پرچم لہرانے اور قومی گیت گانے کاوقت دیاگیاہے۔ اس کے بعد 8.10 پر جنگ آزادی کے شہیدوں کو خراج عقیدت پیش کرنے کی بات کہی گئی ہے۔اس کے علاوہ یہ بھی مشورہ دیاگیا ہے کہ پروگرام میں یوم آزادی کی اہمیت پر روشنی ڈالی جائے، مدارس کے طلباء کی طرف سے قومی نغمات پیش کیے جائیں۔مجاہدین آزادی اور شہیدوں کے بارے میں طلبہ کو معلومات دی جائیں، قومی اتحاد پر مبنی ثقافتی پروگرام کا بھی انعقاد کیا جائے۔خط میں تمام مدرسہ آپریٹرز کو پروگرام کی ویڈیو اور فوٹو گرافی کرانے کی بھی ہدایات دی گئی ہیں۔ اس کی وجہ یہ بتائی گئی ہے کہ اس پروگرام کے فوٹو گراف اور ویڈیو سے آنے والے وقت میں بھی ایسے ہی پروگرام کرائے جاسکیں گے۔یہ خط اترپردیش مدرسہ کونسل کے رجسٹرار راہل گپتا کی جانب سے جاری کیاگیاہے۔ خط جاری کرنے والے گپتا نے بتایاکہ یہ حکم صحیح ہے. اس طرح کا خط پہلی بار جاری نہیں کیاگیاہے۔ وقت وقت پر اسے جاری کیا جاتا ہے۔ میں مدرسہ تعلیم کونسل کارجسٹرار ہوں تو لیٹر جاری کرنا میری ذمہ داری ہے۔.اسے سیاست سے جوڑ کر دیکھنا درست نہیں ہے۔

ایک نظر اس پر بھی

بنگلور میں جے ڈی ایس کا شاندار اجلاس؛ مایاوتی کی شرکت؛ کہا مودی حکومت اب آخری سانس لے رہی ہے؛ کمارسوامی نے جاری کی 126 اُمیدواروں کی پہلی فہرست

شہر کے یلہنکا میں جنتادل (ایس) کا  شاندار جلسہ کمارا پرو یاترا کنونشن کے نام پر سنیچر شام کو منعقد ہوا ، جس میں ریاست کے مختلف گائوں اور دیہاتوں سے کثیر تعداد میں لوگوں نے   شرکت کی۔ اس موقع پر سابق وزیراعلیٰ  کماراسوامی نے  ریاست کرناٹک میں آئندہ دو  تین ماہ بعد ہونے والے ...

اروندر سنگھ لولی کی کانگریس میں واپسی، بی جے پی میں نظریاتی طور پر ’’بے میل ‘‘تھا :اروندسنگھ لولی

دہلی کانگریس کے سابق صدر اروندرسنگھ لولی کی آج کانگریس میں’’ گھر واپسی‘‘ ہو گئی۔ کچھ ماہ قبل پارٹی چھوڑ کر بی جے پی میں شامل ہوئے لولی نے کہا کہ وہ نے کہا کہ وہاں وہ ’’ نظریاتی طور پر بے میل ‘‘ تھے۔

گورکھپوراورپھول پور لوک سبھا ضمنی الیکشن کے لیے کانگریس نے امیدواروں کے نام کااعلان کیا

کانگریس نے گورکھپور اور پھول پورلوک سبھا سیٹوں پر ضمنی انتخابات کے لیے اپنے امیدواروں کااعلان کر دیاہے۔اتر پردیش کانگریس کے ترجمان وریندر مدان نے بتایا کہ پارٹی نے ڈاکٹر سرہیتا کریم کو گورکھپور اور منیش مشرا کو پھول پور لوک سبھاسیٹ پر ضمنی انتخاب کے لیے امیدواربنایاہے۔

تری پورہ اسمبلی الیکشن کے لئے تمام تیاریاں مکمل؛کل ہوگی ووٹنگ

تری پورہ میں اسمبلی کے انتخابات کے لیے تمام تیاریاں مکمل ہو چکی ہیں۔جمعہ کو انتخابی مہم ختم ہونے کے بعد،اتوار کے روز سب کی نگاہیں اب ووٹنگ پرہیں۔دراصل، تری پورہ میں کل یعنی اتوار کو انتخابات ہونے ہیں اور بھارتیہ جنتا پارٹی ان انتخابات میں حکمران بائیں محاذ کے سامنے اہم ...