’دنگل‘اداکارہ زائرہ وسیم سے چھیڑ چھاڑ کرنے والے ملزم کے خلاف کارروائی ہو:عمر عبداللہ
سرینگر ،10؍دسمبر (ایس او نیوز؍آئی این ایس انڈیا)جموں و کشمیر کے سابق وزیراعلیٰ عمرعبداللہ نے فلم ’دنگل‘اداکارہ زائرہ وسیم کے ساتھ دہلی سے ممبئی جاتے وقت طیارے میں چھیڑ چھاڑ کرنے والے ملزم کے خلاف قانونی کارروائی کا مطالبہ کیا۔انہوں نے ٹوئٹر پر لکھاکہ پولیس کو ایئر وستارا سے مسافروں کی شناخت کرنی چاہئے اور قانونی کارروائی کے لئے مقدمہ درج کرنا چاہئے۔یہ اہم ہے کہ وہ میرے پاؤں میں گر گیا تو میں اسے معاف کر دوں۔قومی ایوارڈ یافتہ اداکارہ کے ساتھ مبینہ طور ایک مسافر نے دہلی سے ممبئی جا رہے ایئر وستارا کے طیارے میں چھیڑ چھاڑ کی تھی۔زائرہ نے لائیو ویڈیو کے ذریعے انسٹاگرام پر اپنی آپ بیتی سنائی تھی۔چھیڑ چھاڑ کرنے والا شخص ان کے پیچھے کی سیٹ پر بیٹھا تھا۔ویڈیو میں اداکارہ نے کہاکہ آج میں دہلی سے ممبئی جا رہے طیارے میں سوار تھی، میرے ٹھیک پیچھے کی طرف درمیانی عمر کا ایک شخص بیٹھا تھا جس نے دو گھنٹے کے سفر کو میرے لئے انتہائی تکلیف دہ بنا دیا۔میں نے اسے بہتر طریقے سے سمجھنے کے لئے فون پر ریکارڈ کرنے کی کوشش کی لیکن کیبن کی روشنی کم ہو گئی تھی اس لئے ایسا نہیں ہو سکا۔انٹرنیٹ پر زائرہ کی حمایت میں لوگ متحد ہو گئے۔