مسقط،30؍دسمبر(ایس او نیوز ؍آئی این ایس انڈیا)سلطنت عمان نے یمن میں سعودی قیادت میں جاری عرب اتحاد کی عسکری کارروائیوں میں شمولیت کا اعلان کر دیا ہے۔ عمان کی جانب سے جمعرات کے روز یہ اعلان سامنے آیا ہے۔ سعودی اتحاد گزشتہ ایک برس سے شام میں عالمی سطح پر تسلیم شدہ حکومت اور صدر منصور ہادی کا حامی ہے اور وہاں ایران نواز شیعہ حوثی باغیوں کے خلاف کارروائیاں کر رہا ہے۔ عمان کی جانب سے سامنے آنے والے اعلان میں کہا گیا ہے کہ یمن میں قیام امن کی اہمیت اور خطے کے استحکام کے تناظر میں اس اتحاد میں شمولیت کا فیصلہ کیا گیا ہے۔ عمان جو اب تک ایران اور مغربی دنیا کے درمیان ثالث کا کردار ادا کرتا رہا ہے، خطے کا وہ آخری ملک ہے، جو اب تک اس تنازعے میں فریق نہیں بنا تھا۔