کرناٹک انتخابات کے ختم ہوتے ہی تیل کمپنیوں نے بڑھائے پٹرول-ڈیزل کے دام

Source: S.O. News Service | By Jafar Sadique Nooruddin | Published on 14th May 2018, 9:41 PM | ملکی خبریں |

نئی دہلی:14/مئی (ایس اونیوز /آئی این ایس انڈیا)کرناٹک اسمبلی انتخابات کے پیس منظر میں لیڈران کی ہذیان گوئی اور الزام تراشیوں کے ’ناٹک‘ کے بعد عوام کو اب پھر ایک با ر اپنی جیب ڈھیلی کرنی پڑرہی ہے۔واضح ہوکہ اسمبلی ا نتخابات کی ووٹنگ ہونے کے بعد پیٹرول کی قیمت میں 17 پیسے جبکہ ڈیزل کی قیمت میں 21 پیسے اضافہ کیا گیا ہے۔ تیل کمپنیوں نے تقریبا 20 دن بعد پٹرول اور ڈیزل کی قیمتوں میں تبدیلی کی ہے۔ پچھلی بار23اپریل 2018 کو تیل کمپنیوں میں پیٹروکیمیکل مصنوعات کے دام بڑھائے تھے۔نان برانڈیڈپٹرول کے بعد74.63روپے فی لیٹرسے بڑھا 74.80 روپے فی لیٹر کیا گیا ہے جبکہ نان برانڈیڈڈیزل کے دام 65.93 روپے فی لیٹرسے بڑھاکر66.14 روپے فی لیٹر کردیا گیا ہے۔ واضح ہو کہ انڈین آئل کارپوریشن (آئی او سی) کے چیئرمین سنجیو سنگھ نے کہا تھا کہ پٹرول،ڈیزل کی قیمتوں میں 24 اپریل سے نہ بدلنے کا مقصد مستحکم بنانے کے تحت اٹھایا گیا قدم ہے۔ انہوں نے کہا کہ کرناٹک انتخابات کے وقت یہ ہونا محض اتفاق ہے۔ انہوں نے کہا کہ قیمتیں مستحکم کرنے سے پہلے ہر روز یہ 25-35 پیسے گھٹ  بڑھ رہی تھی۔ اس سے ہر 15 دن میں ایندھن کی قیمتیں 2-3 روپے بدل جاتی تھیں۔ انہوں نے نامہ نگاروں سے کہاکہ ہمارا خیال ہے کہ یہ غیر حقیقی ہے۔ چنانچہ ہم نے اسے مستحکم کرنے کا فیصلہ کیا۔ اتفاق سے یہ کچھ ریاستوں کے انتخابات سامنے آگئے، یہ طے نہیں ہے۔ قابل ذکرہے کہ امریکہ اورایران کے درمیان بڑھتی ہوئی کشیدگی کی وجہ سے بین الاقوامی مارکیٹ میں خام تیل کی قیمت میں اضافہ ہوا ہے۔ امریکی صدرڈونالڈ ٹرمپ کے ایران کے ساتھ نیوکلیئرمعاہدہ توڑنے کے اعلان کے بعدبدھ کوبرینٹ کروڈ کی قیمت فی بیرل77ڈالرسے زیادہ ہوگئی۔ یہ نومبر 2014 کے بعد پہلی بار ہے جب خام تیل کی قیمت 77 ڈالر فی بیرل سے زیادہ ہوگئی ہے۔ 

ایک نظر اس پر بھی

22نومبر کووزیر اعظم نریندرمودی کے ہاتھوں رکھا جائے گا ’سٹی گیس ‘ کا سنگ بنیاد۔ منصوبے میں منگلورو شہر بھی شامل

مرکزی حکومت کی اسکیم’سٹی گیس‘ کا سنگ بنیاد وزیر اعظم نریندر مودی ہاتھوں22نومبر کو شام 4بجے نئی دہلی کے وگیان بھون میں رکھا جائے گا۔ اس منصوبے کے تحت آئندہ رسوئی گیس سلینڈروں کے بجائے براہ راست پائپ کنکشن کے ذریعے گھر گھر پہنچائی جائے گی۔

پورے ملک میں جوش وخروش کے ساتھ منایا جارہا ہے جشن عید میلاد النبیؐ

آج یعنی 21 نومبر کو عید میلاد النبی کا تیوہار منایا جارہا ہے۔ مسلمانوں کے لئے یہ دن بے حد خاص ہوتا ہے۔ مسلمان اسے تیوہارکے طورپرمناتے ہیں۔ عید میلاد النبی پیغمبرحضرت محمد صلی اللہ علیہ وسلم کی یوم ولادت کے طورپرمنایا جاتا ہے۔ مسلمان آخری نبی حضرت محمد مصطفیٰ صلی اللہ علیم وسلم ...

سکھ فسادات 1984: یشپال سنگھ کوسزائے موت اورنریش کوعمرقید کی سزا

سکھ فسادات 1984 معاملے میں پٹیالہ ہاوس کورٹ نے ایک قصوروارکو عمرقید کی سزا سنائی تودوسرے ملزم کو پھانسی کی سزا سنائی۔ اس معاملے میں قصورواریشپال کوپھانسی کی سزا سنائی گئی ہے۔ عدالت نے دونوں قصورواروں پر35-35 لاکھ کا جرمانہ بھی عائد کیا ہے۔ 1984 کے سکھ فسادات میں سزائے موت سنائے ...

کانگریس کوغرورہے، 2019 میں نہیں ہوگا اتحاد: اکھلیش یادونے دیا کانگریس کوزبردست جھٹکا

 سماجوادی پارٹی کے قومی صدراکھلیش یادو نے 2019 کے عام انتخابات میں کانگریس سے دوری بنانے کا اشارہ دیا ہے۔ انہوں نے اشارہ دیا کہ 2019 میں سماجوادی پارٹی کا کانگریس کے ساتھ کوئی اتحاد نہیں ہونے جارہا ہے۔ مدھیہ پردیش میں نیوز 18 سے بات کرتے ہوئے اکھلیش نے کہا کہ کانگریس کو بڑی پارٹی ...

چھٹیس گڑھ : زبردست سیکورٹی کے درمیان دوسرے اورآخری مرحلے میں 72 فیصد سے زائد ووٹنگ

زبردست سیکورٹی بندوبست کے درمیان چھتیس گڑھ میں دوسرے اور آخری مرحلے کی 72 اسمبلی سیٹوں پر آج پرامن ووٹنگ ہو گئی۔ اب تک موصولہ اطلاع کے مطابق 72 فیصد سے زیادہ ووٹروں نے اپنے ووٹ کے حق استعمال کیا۔

سابق مرکزی وزیرسی پی جوشی کا بڑا بیان، کانگریس کا وزیراعظم ہی تعمیرکرائے گا رام مندر

کانگریس کے سینئر لیڈر اورسابق مرکزی وزیر ڈاکٹرسی پی جوشی نے بی جے پی پررام مندرکے موضوع پرسیاست کرنے کا الزام لگاتے ہوئے بڑا بیان دیا ہے۔ انہوں نے کہا کہ بی جے پی کوالیکشن آتے ہی رام یاد آنے لگتے ہیں۔ ابھی اس کے ٹائٹل کا تنازعہ سپریم کورٹ میں زیرغورہے۔