پدماوتی:پہلے اسکولوں کے پروگراموں میں ’گھومر‘گانے پر لگائی پابندی
بھوپال ،23؍نومبر(ایس او نیوز؍آئی این ایس انڈیا )مدھیہ پردیش کے دیواس ضلع کے ریاستی تعلیمی افسر نے تنازعات میں آئی فلم ’پدماوتی‘کے گھومر گانے کو ضلع کے اسکولوں کے ثقافتی پروگراموں میں شامل کرنے پر پابندی لگانے کا حکم جاری کیا ہے۔بہرحال سوشل میڈیا پر اس حکم کے وائرل ہونے کے بعد ضلع کلکٹر نے آج ڈی ای اوکو اس حکم کو فوری طور پر واپس لینے کی ہدایت دی اور کہا کہ ’گھومر‘پر پابندی کے لئے افسر کو وجہ بتاو نوٹس جاری کیا جا رہا ہے۔دیواس ریاست کے وزیرتعلیم آفیسر (ڈی ای او) دنیش سوریوشی نے بدھ کو ضلع کے نجی اور سرکاری تمام اسکولوں کے پرنسپل کو ثقافتی پروگراموں میں پدماوتی فلم کا’گھومر‘گانا شامل نہ کئے جانے کی ہدایات جاری کی۔ انہوں نے اپنے حکم میں کہاکہ پدماوتی کے اعزاز میں قومی راجپوت کرنی سینا کی طرف سے اس کے آفس میں درخواست پیش کی گئی ہے جس میں اسکول کے تحت ہونے والے تمام ثقافتی پروگراموں میں گھومر گانے پر پابندی لگا ئے جانے اور ہندوتو کے احساس کو ٹھیس نہ پہنچانے کے بارے میں کہا گیا ہے۔لہٰذا آپ اپنے اسکول کے ثقافتی پروگراموں میں گھومر گانے کا استعمال نہ کریں۔دریں اثنا ضلع کلکٹر اشیش سنگھ نے بتایا کہ ڈی ای او کے اس حکم کو فوری طور پرچارج منسوخ کر دیا گیا ہے۔انہوں نے کہاکہ مجھے اس کی اطلاع آج صبح ہی ملی ہے۔اس طرح کی ہدایات صرف ریاستی حکومت کی جانب سے ہی جاری کئے جا سکتے ہیں۔میں نے ڈی ای او کو فوری طور پر اس حکم کو واپس لینے کوکہا ہے اس کے ساتھ ہی ڈی ای او کو اس معاملے میں تین دن کے اندر وضاحت دینے کا نوٹس بھی دیا گیا ہے۔