اُڑیسہ میں آٹھویں جماعت کی طالبہ نے اسکول میں بیٹی کو دیا جنم ، ملزم گرفتار، سات اہلکار معطل

Source: S.O. News Service | By Shahid Mukhtesar | Published on 14th January 2019, 12:11 PM | ملکی خبریں | ان خبروں کو پڑھنا مت بھولئے |

کندھمال،14؍جنوری (ایس او نیوز؍ایجنسی) اڑیسہ کے کندھمال میں 8 ویں جماعت کی طالبہ کے ماں بننے کا ایک سنسنی خیز معاملہ سامنے آیا ہے ۔ میڈیا میں گردش کررہی خبروں کے مطابق نابالغ طالبہ نے اسکول میں بچی کو جنم دیا ۔ بتایا گیا ہے کہ  اس بات کو اسکول انتظامیہ نے چھپانے کی ہرممکن  کوشش کی ۔ تاہم یہ شرمناک معاملہ سامنے آتے ہی انتظامیہ نے جانچ شروع کردی۔  اطلاع کے مطابق فوری طور پر  اس سلسلہ میں سات اہلکاروں کو معطل کردیا گیا ہے ۔ پولیس کے مطابق جب یہ طالبہ 8 مہینے پہلے اپنے گھر گئی تھی تو اس کی آبروریزی کی گئی تھی ۔ ایک کالج طالب علم پر اس کا الزام عائد کیا گیا ہے ۔

اس سلسلہ میں کندھمال کے ایس پی پرتیک سنگھ نے کہا کہ لڑکی 7-8 مہینے پہلے اپنے گھر گئی تھی ، جہاں کسی مقامی نوجوان نے اس کی آبروریزی کی ۔ نابالغ طالبہ نے بچی کو جنم دیا ہے ۔ سرکاری ڈاکٹر اس کا خیال رکھ رہے ہیں ۔ اس معاملہ پر ایس سی – ایس ٹی کے وزیر رمیشن چندر ماجھی نے بھی سخت ردعمل کا اظہار کیا ہے ۔ انہوں نے کلیکٹر سے رپورٹ طلب کی ہے ۔

رمیش چندر ماجھی کے حکم پر کلیکٹر نے اسپتال وارڈن، نگراں اور معاون نرس سمیت سیوا آشرم کے سات افسران کو معطل کردیا ہے ۔ خیال رہے کہ سیوا آشرم ہائی اسکول جن جاتیہ اور دیہی ترقیاتی محکمہ کی جانب سے چلایا جاتا ہے ۔ خبروں کے مطابق طالبہ کی عمر صرف 14 سال ہے اور آبروریزی کے ملزم کو گرفتار کرلیا گیا ہے ، جو کہ دارنگ باڑی کالج میں تھرڈ ایئر کا طالب علم ہے ۔

ایک نظر اس پر بھی

وزیراعظم مودی نے کابینہ سمیت سونپا صدرجمہوریہ کو استعفیٰ، 30 مئی کو دوبارہ حلف لینےکا امکان

لوک سبھا الیکشن کے نتائج کے بعد جمعہ کی شام نریندرمودی نے وزیراعظم عہدہ سے استعفیٰ دے دیا۔ ان کے ساتھ  ہی سبھی وزرا نے بھی صدرجمہوریہ کواپنا استعفیٰ سونپا۔ صدر جمہوریہ نےاستعفیٰ منظورکرتےہوئےسبھی سے نئی حکومت کی تشکیل تک کام کاج سنبھالنےکی اپیل کی، جسے وزیراعظم نےقبول ...

نوجوت سنگھ سدھوکی مشکلوں میں اضافہ، امریندر سنگھ نے کابینہ سے باہرکرنے کے لئے راہل گاندھی سے کیا مطالبہ

لوک سبھا الیکشن میں زبردست شکست کا سامنا کرنے والی کانگریس میں اب اندرونی انتشار کھل کرباہرآنے لگی ہے۔ پہلےسے الزام جھیل رہے نوجوت سنگھ سدھو کی مشکلوں میں اضافہ ہونےلگا ہے۔ اب نوجوت سنگھ کوکابینہ سےہٹانےکی قواعد نے زورپکڑلیا ہے۔

اعظم گڑھ میں ہارنے کے بعد نروہوا نے اکھلیش یادو پر کسا طنز، لکھا، آئے تو مودی ہی

بھوجپوری سپر اسٹار نروہوا (دنیش لال یادو) نے لوک سبھا انتخابات کے دوران سیاست میں ڈبیو کیا تھا،وہ بی جے پی کے ٹکٹ پر یوپی کی ہائی پروفائل سیٹ اعظم گڑھ سے انتخابی میدان میں اترے تھے لیکن اترپردیش کے سابق وزیر اعلی اکھلیش یادو کے سامنے نروہا ٹک نہیں پائے۔

مسلمانوں کے خلاف اشتعال انگیز بیانات دینے والوں کی بھاری اکثریت کے ساتھ جیت

مسلمانوں کے خلاف ہمیشہ اشتعال انگیز بیانات دینے والوں کو اس مرتبہ لوک سبھا انتخابات میں بھاری اکثریت کے ساتھ کامیابی حاصل ہوئی ہے۔ اترکنڑا لوک سبھا حلقے کے بی جے پی اُمیدوار اننت کمار ہیگڈے جنہوں نے کہا تھا کہ جب تک اسلام رہے گا دہشت گردی رہے گی،اسی طرح انہوں نے  دستور کی ...

ایچ کے پاٹل نے راہل گاندھی کو بھیجا استعفیٰ

ریاست میں کانگریس کے تشہیری مہم کمیٹی کے صدر ایچ کے پاٹل نے لوک سبھا انتخابات میں ریاست میں پارٹی کی شکست کی اخلاقی ذمہ داری لیتے ہوئے اپنے عہدے سے استعفی دینے کی پیشکش کی ہے۔