اڑیسہ کے گورنر ایس سی ضمیر کو اسپتال سے ملی چھٹی
بھوینشور ، 20 اکتوبر (ایس او نیوز؍آئی این ایس انڈیا )اڑیسہ کے گورنر ایس سی ضمیر آج ایک نجی اسپتال سے چھٹی دے دی گئی۔ ڈاکٹروں نے ضمیرکو صحت مند پایا جس کے بعد انہیں اسپتال سے چھٹی دے دی گئی۔ اسپتال میں کل داخل کرائے جانے کے بعد انہیں24 گھنٹے کیلئے نگرانی میں رکھا گیا تھا۔ اسپتال کے ڈاکٹروں نے کہا تھا کہ سینے میں درد کی شکایت کے بعد ضمیر کو داخل کرایا گیا تھا۔ حالانکہ گورنر نے ایک ویڈیو پیغام میں دعویٰ کیا کہ وہ عام جانچ کیلئے اسپتال گئے تھی۔ ضمیرنے کہاکہ یہ افسوسناک ہے کہ پورے کہ پورے ہندوستان میں میڈیاکے ذریعے ایسے جھوٹھی خبریں تشہیرکی جا رہی ہے کہ جن میں کہا گیا ہے کہ مجھے دل کا دورہ پڑا ہے۔ لیکن میں واضح کرنا چاہتا ہوکہ میں عام جانچ کیلئے اپولوآیا ہوں۔ میں پوری طرح سے ٹھیک اور صحت مند ہوں۔ذرائع کے مطابق گورنر ڈاکٹر ایس سی ضمیر کو جانچ کیلئے بھونیشور کے اپولواسپتال لایا گیا تھا۔وزیر اعلیٰ نوین پٹنایک اور مرکزی پٹرولیم وزیر دھرمیندر پردھان اسپتال میں ضمیر کا حال معلوم کرنے کے لیے گئے تھے۔ پٹنایک نے گورنرکے صحت مند جلد ہونے کی امید کی اور ان کا علاج کررہے اسپتال کے دل کے مرض کے ماہرپی کے ساہو سے بات کی تھی۔دھرمیندر نے کہا کہ گورنر کی صورتحال بہتر ہے اور ان کی سبھی میڈیکل جانچ ٹھیک پائی گئی ہے۔