بھونیشور ،2 ؍فروری (ایس او نیوز؍آئی این ایس انڈیا) بھونیشور میں ایک نجی اسپتال میں ہفتہ کو آگ لگ گئی تاہم واقعہ میں کسی جانی نقصان کی اطلاع نہیں ہے۔

محکمہ فائر بریگڈیئرافسر آر سی مانجھی نے بتایا کہ گجپت نگر علاقے کے قریب اپولواسپتال کے بیٹري کمرے میں آگ لگنے کی اطلاع ملی جس کے بعد فائر بریگیڈیئر کی گاڑیوں کو جائے حادثہ پر بھیجا گیا اور کچھ ہی دیر کے اندر آگ پر مکمل طور پر قابو پا لیا گیا۔اسپتال کے ایک افسر نے بتایا کہ کچھ ملازمین نے پانچویں منزل پر واقع بیٹري کمرے کے باہر سے دھواں اٹھتا دیکھا۔اس کے بعد فائر محکمہ کو کو اس بارے میں مطلع کیا گیا اور آگ بجھانے کے لیے فوری طور پر اقدامات اٹھائے گئے۔

محکمہ فائر بریگیڈیئر کے افسر نے اوراسپتال کے حکام نے بتایا کہ خدشہ ہے کہ آگ شارٹ سرکٹ کی وجہ سے لگی ہو، تاہم آگ لگنے کی اصل وجہ کا پتہ لگایا جا رہا ہے۔اسپتال کے ایک افسر نے بتایا کہ آگ بیٹري کمرہ تک محدود رہی اور اسپتال کے دیگر حصوں میں نہیں پھیلی کیونکہ فوری طور پر بجلی بند کر دی گئی۔انہوں نے کہا کہ علاقے میں دھواں بھر جانے کی وجہ سے احتیاط کے طور پر کچھ مریضوں کو اسپتال کی پانچویں منزل سے نکال دیا گیاہے۔