بھونیشور، 20 اکتوبر (ایس او نیوز؍آئی این ایس انڈیا )اڑیسہ کے بالیشور ضلع میں پٹاخہ بنانے والی غیر قانونی ایک فیکٹری میں ہوئے دھماکے میں مرنے والوں کی تعداد بڑھ کر 11 ہو گئی۔اس واقعے میں پانچ افراد زخمیی بھی ہوئے جو اسپتال میں دم توڑ دیئے ۔ وہیں ایک پولیس افسر کو اس معاملے میں معطل بھی کیا گیا ہے۔ بہاولپور میں واقع غیر قانونی پٹاخہ فیکٹری میں ہوئے شدید دھماکے میں کل رات چھ لوگوں کی موت ہو گئی تھی اور نو زخمی ہو گئے تھے۔ حکام نے کہا کہ زخمیوں کو کٹک کے شری رام چندر میڈیکل کالج ہسپتال میں داخل کرایا گیا ہے۔ زخمیوں کے مناسب علاج کو یقینی بنانے کے لئے قائم کئے گئے میڈیکل بورڈکے چیئرمین پروفیسر ارون چودھری نے کہا کہ نو زخمیوں میں سے پانچ شدید جھلس گئے تھے، علاج کے دوران ان کی موت ہو گئی۔ انہوں نے کہا کہ شدید زخمی ہوئے چار مریضوں کا ہسپتال میں علاج چل رہا ہے۔ پٹاخہ بنانے والی غیر قانونی فیکٹری میں دھماکے کے بعد پولیس ڈائریکٹر جنرل آر پی شرما نے بہاولپور سمندر تھانے کے انسپکٹر انچارج سنتوش بیہری کو ڈیوٹی سے غفلت برتنے کے الزام میں معطل کر دیا ہے۔وزیر اعلی نوین پٹنائک نے واقعہ پر افسوس ظاہر کرتے ہوئے دھماکے میں مرنے والوں کے اہل خانہ کو دو دو لاکھ روپے بطور معاوضہ دینے کا اعلان کیا ہے۔انہوں نے کہا کہ زخمیوں کو بھی 50 ہزار روپے کی مدد دی جائے گی۔ وزیر اعلی نوین پٹنائک نے واقعہ کے لئے ذمہ دار لوگوں پر سخت کارروائی کرنے کی ہدایت دی ہے ۔