اڑیسہ: کنڈلی اجتماعی عصمت دری معاملہ کو لے کر کانگریس ممبر اسمبلی نے دیا استعفیٰ

Source: S.O. News Service | By Shahid Mukhtesar | Published on 6th November 2018, 9:15 PM | ملکی خبریں | ان خبروں کو پڑھنا مت بھولئے |

بھونیشور،06؍ نومبر (ایس او نیوز؍آئی این ایس انڈیا) کانگریس رکن اسمبلی کرشن چندر ساگریا نے کوراپٹ ضلع کی ایک اجتماعی عصمت دری متاثرہ کے ساتھ ہوئے ناانصافی کے خلاف منگل کو اڑیسہ اسمبلی کی رکنیت سے استعفی دے دیا۔متاثرہ نے اس سال کے شروع میں خودکشی کر لی تھی۔کوراپٹ ضلع کے کنڈلی علاقے کی 14 سالہ ایک لڑکی نے الزام لگایا تھا کہ گزشتہ سال چار لوگوں نے اس کے ساتھ عصمت دری کی تھی۔ پولیس نے میڈیکل رپورٹ کا حوالہ دیتے ہوئے عصمت دری سے انکار کیا تھا۔22 جنوری کو لڑکی نے پھانسی لگا کر خودکشی کر لی جس کے بعد سخت رد عمل سامنے آیا۔ساگریانے کہا کہ انہوں نے منگل کی صبح اسمبلی کے صدر پی کے امات سے ملاقات کی اور انہیں اپنا استعفی سونپ دیا۔وہ کوراپٹ سیٹ سے ممبر اسمبلی تھے۔کانگریس لیڈر نے کہاکہ میں نے اڑیسہ اسمبلی کی رکنیت سے استعفی دے دیا ہے کیونکہ مجھے لگتا ہے کہ کنڈلی اجتماعی عصمت دری اور خودکشی کے واقعہ میں انصاف دلانے کی ناکامی کے بعد ایک رکن اسمبلی کے عہدے پر قائم رہنا مجھے کوئی اخلاقی حق نہیں ہے۔ساگریا نے یہ بھی کہا کہ اسمبلی کے صدر نے اب تک ان کے اس قدم پر کوئی رد عمل نہیں دیا ہے۔امات سے فوری طور پر رابطہ نہیں ہو سکا ہے۔حالانکہ دلت لیڈر ساگریا نے واضح کیا کہ وہ کانگریس کے لئے کام کرتے رہیں گے۔

ایک نظر اس پر بھی

اعظم خان کے سامنے بی جے پی کا کوئی بھی ہتھکنڈہ کارگر نہیں ہوگا: مایاوتی

اترپردیش کے رامپور پارلیمانی سیٹ سے سماجوادی کے قدآور لیڈر و پارٹی امیدوار اعظم خان کی حمایت میں ووٹروں سے ووٹ کرنے کی اپیل کرتی ہوئیں بی ایس پی سپریمو مایاوتی نے کہا کہ مرکز میں برسراقتدار پارٹی لاکھ ہتھکنڈے اپنائے لیکن رامپور سے اتحاد کے امیدوار اعظم خان کی جیت یقینی ہے۔

مودی چنندہ صنعت کاروں کے چوکیدار، عوام دوسرا موقع نہیں دے گی: راہل گاندھی

کانگریس صدر راہل گاندھی نے آج کہاکہ ملک کی چوکیداری کرنے کا دعویٰ کرنے والے وزیراعظم نریندر مودی حقیقت میں انیل امبانی سمیت کچھ چنندہ صنعت کاروں کے چوکیدار ہیں اس لئے عوام نے انہیں ڈیوٹی سے ہٹانے کا من بنا لیا ہے۔

فلم کے بعد پی ایم مودی پربنی ویب سیریز کے نشریات پربھی الیکشن کمیشن نے لگائی روک

وزیر اعظم نریندر مودی کے ساتھ منسلک ایک ویب سیریز کو الیکشن کمیشن کی جانب سے جھٹکا لگا ہے۔دراصل الیکشن کمیشن نے اس ویب سیریز کو ریلیز کر رہے پلیٹ فارمس ارس ناؤ کو نوٹس جاری کر اسے فوری اثر سے ہٹانے کا حکم دیا ہے۔

لوک سبھا انتخابات: اُترکنڑا ڈپٹی کمشنر نے کمٹہ اوربھٹکل میں پارلیمانی انتخابات کی تیاریوں کا لیا جائزہ

ڈپٹی کمشنر ڈاکٹر ہریش کمار نے ضلع شمالی کینرا کے حلقے میں واقع کمٹہ اور بھٹکل شہروں میں پارلیمانی الیکشن کے لئے انتظامیہ کی طرف سے کی گئی حتمی تیاریوں کا معائنہ کیا۔

دو مراحل میں ایس پی۔بی ایس پی اور کانگریس ’ صفر‘: یوگی

اتر پردیش کے وزیر یوگی آدتیہ ناتھ نے جمعہ کو کہا کہ لوک سبھا انتخابات کے لئے ووٹنگ کے اختتام پذیر ہو چکے دو مراحل میں ایس پی، بی ایس پی اور کانگریس ’ صفر‘ رہی ہیں۔ یوگی نے سنبھل میں ایک جلسہ عام میں کہا کہ ووٹنگ کے دو مرحلے ہو چکے ہیں۔ بی جے پی کو سب سے زیادہ ووٹ ملے ہیں۔ انہوں نے ...

لوک سبھا انتخابات: کیا اُترکنڑا میں انکم ٹیکس کے مزید چھاپے پڑنے والے ہیں؟

پارلیمانی الیکشن کے پس منظر میں محکمہ انکم ٹیکس اور انتخابی نگراں اسکواڈ کی طرف سے مختلف ٹھکانوں پر جو چھاپے مارے جارہے ہیں، اس تعلق سے خبر ملی ہے کہ ضلع شمالی کینرا میں مزیدکئی سیاسی لیڈروں اورتاجروں کے ٹھکانوں پر چھاپے پڑنے والے ہیں۔