کیرالہ کی این آر آئی خاتون نے منگلورو ایئرپورٹ اسٹاف پر لگایا ،جان بوجھ کر پاسپورٹ پھاڑنے کا الزام؛ ائرپورٹ ڈائرکٹر نے الزام کو کیا خارج

Source: S.O. News Service | By I.G. Bhatkali | Published on 14th February 2019, 11:30 PM | ساحلی خبریں | خلیجی خبریں |

بھٹکل 14؍فروری (ایس او نیوز)  پڑوسی ریاست کیرالہ کے کاسرکوڈ کے  ایک این آر آئی نے   الزام لگایا ہے کہ منگلورو انٹرنیشنل ایئر پورٹ پر سیکیوریٹی اسٹاف نے جان بوجھ کر اس کی بیوی کا پاسپورٹ اُس وقت   پھاڑ دیا جب وہ اپنے دو چھوٹے بچوں کے ساتھ دبئی روانہ ہونے کے لئے پہنچی تھی۔پاسپورٹ پھاڑنے کے بعد  ائرپورٹ پر  خاتون اور دو بچوں کو بلاوجہ ہراساں بھی کیا گیا۔خبر پھیلتے ہی  مینگلور ائرپورٹ سے بالخصوص گلف کا سفر کرنے والوں میں تشویش کی لہر دوڑ گئی، اس تعلق سے ساحل آن لائن نے جب مینگلور ائرپورٹ ڈائرکٹر سے رابطہ کیا تو انہوں نے الزام کو سرے سے ہی مسترد کردیا اور کہا کہ ان باتوں میں کوئی سچائی نہیں ہے اور مینگلور ائرپورٹ کو خواہ مخواہ بدنام کیا جارہا ہے۔

مُبینہ پاسپورٹ پھاڑنے کی خبر اُس وقت منظر عام پر آئی جب دبئی میں رہنے والے  کیرالہ کے ایک این آر آئی نے ابوظبی میں انڈین ایمباسی سے مینگلور ائرپورٹ کے سیکوریٹی آفسر پر  ان کی اہلیہ کا پاسپورٹ پھاڑنے کی شکایت درج کی جس کے فوری بعد دبئی کے  معروف انگریزی اخبار گلف نیوز نے اس خبر کو شائع کیا۔

رپورٹ کے تعلق سے جانکاری حاصل کرنے کے لئے  ساحل آن لائن نے  متعلقہ شخص  محمد ہاشم (۳۳سال) سے فون پر رابطہ کیا تو انہوں نے بتایا کہ  ان کی اہلیہ  روبینہ ہاشم (۲۸سال) اپنے دوبچوں فاطمہ (۴سال) اور نورا (۸ ماہ) کے ساتھ دبئی  جانے کے لئے کاسرگوڈ سے مورخہ 3/فروری کو منگلورو انٹرنیشنل ایئر پورٹ پہنچی تھی۔ ایئر پورٹ کے داخلہ گیٹ پرسیکوریٹی اہلکار کو   پاسپورٹ اور ٹکٹ چیک کروایا، جس کے بعد  وہ چیک اِن کاؤنٹر پر پہنچی تو اسے بتایا گیا کہ اس کا پاسپورٹ پھٹا ہوا ہے اور وہ جہاز پر سفر نہیں کرسکتی۔

چیک اِن کاونٹر پر پاسپورٹ پھٹے ہونے کے انکشاف پر روبینہ  سخت حیران ہوگئی کہ گھر سے نکلتے وقت اس کا پاسپورٹ ٹھیک  تھا اور گیٹ پر سیکیوریٹی چیک سے گزر کر وہ اندر آئی ہے تو اچانک پاسپورٹ کیسے پھٹ گیا۔

ہاشم کے بیان کے مطابق جب گیٹ پر سیکیوریٹی گارڈ کو پاسپورٹ اور ٹکٹ دئے گئے تو سیکوریٹی کے اہلکار نے روبینہ کو    بچوں کے لئے گاڑی لینے کو کہا۔ جب وہ بچوں کے لئے گاڑی لے کر واپس پہنچی تو سیکیوریٹی آفیسر نے اسے ٹکٹ اور پاسپورٹ لوٹا دیا۔ہاشم کا کہنا ہے کہ جب اس کی اہلیہ بچوں کے لئے گاڑی لینے گئی تھی، اسی وقت اس کی اہلیہ کا دھیان ہٹا کر  پاسپورٹ کو نقصان پہنچایا گیا ہے۔چیک اِن کاؤنٹر پر جب گراونڈ اسٹاف نے پھٹے ہوئے پاسپورٹ کے ساتھ سفر کے لئے بورڈنگ پاس دینے سے انکار کیا تو روبینہ کا استدلال یہ تھا کہ اس کا پاسپورٹ صحیح سالم تھا۔ اگر وہ پھٹا ہوا ہوتا تو پھر گیٹ پر سیکیوریٹی اسٹاف نے اسے اندر جانے کی اجازت کیسے دی۔

ہاشم کا کہنا ہے کہ روبینہ کی طرف سے کافی منت و سماجت کے بعد ایئر پورٹ اسٹاف نے اس شرط پر اسے بورڈنگ پاس دینے کی بات کہی کہ وہ ایک تحریر ی وعدہ دے کہ اگر دبئی ایئر پورٹ پر کسی قسم کی دقت ہوتی ہے تو پھر منگلورو انٹرنیشنل ایئر پورٹ والے اس کے لئے ذمہ دار نہیں ہونگے۔جب روبینہ نے کاغذ پر لکھ کر دیا تب بھی ایئر پورٹ اسٹاف نے اڑنگا پید اکیا کہ تحریر صحیح اور واضح ڈھنگ سے ڈرافٹ نہیں کی گئی۔ پھر ایک دوسرے مسافر نے مداخلت کرتے ہوئے تحریر میں ردو بدل کرکے دیا تو روبینہ کو طیارے میں سفر کرنے کی اجازت دی گئی۔

جب روبینہ منگلورو ایئر پورٹ پرغیر انسانی سلوک اور ہراسانی سے گزرکر مزید خدشات کے ساتھ دبئی ایئر پورٹ پہنچی تو وہاں پر اس کے ساتھ نہایت ہمدردانہ سلوک کیاگیا اور صرف اتنا کہا کہ جتنی جلد ممکن ہواپنا پاسپورٹ تبدیل کروالیں۔

روبینہ اور محمد ہاشم نے ابوظہبی میں واقع ہندوستانی سفارت خانے میں تحریری شکایت درج کروائی  اور سفارت خانے کی طرف سے یہ شکایت منگلورو انٹرنیشنل ایئر پورٹ کے اعلیٰ افسران کو بھیج دی گئی ۔ محمد ہاشم کاکہنا ہے کہ ہمارے اپنے ملک میں ایک خاتون کے ساتھ انسانی ہمدردی کا رویہ اپنانا چاہیے تھا جبکہ وہ خاتون دوچھوٹے چھوٹے بچوں کے ساتھ تنہا سفر کررہی تھی۔ ہاشم نے بتایا کہ اب کم ازکم ایئرپورٹ افسران کو میری بیوی کے ساتھ کیے گئے سلوک کے بارے میں ضرور وضاحت دینی چاہیے۔

دوسری طرف ابو ظہبی میں ہندوستانی سفارت خانے کے ذمہ داران کا کہنا ہے کہ اس قسم کا یہ پہلا معاملہ سامنے آیا ہے۔ اس سے قبل ایسی کوئی شکایت سفارت خانے کو کبھی موصول نہیں ہوئی ہے۔یہ شکایت متعلقہ افسران کو بھیج دی گئی ہے۔ اور شکایت کنندگان سے بھی رابطہ رکھا گیا ہے۔

ساحل آن لائن نے جب مینگلور انٹرنیشنل ائرپورٹ کے ڈائرکٹر مسٹر وی وی راو سے فون پر رابطہ کیا تو انہوں نے الزام کو سرے سے خارج کردیا، وی وی راو کے مطابق  متعلقہ واقعے پر سی سی ٹی وی فوٹیج سے پتہ چلا ہے کہ ائرپورٹ کے داخلی گیٹ پر  سیکوریٹی اہلکار نے خاتون کا پاسپورٹ  دیکھنے کے بعد اُسے  ایک منٹ میں  ہی   واپس دیا ہے اور اُس کا رویہ بھی متعلقہ خاتون کے ساتھ بے حد  شریفانہ رہا ہے۔ جب وی وی راو سے پوچھا گیا کہ جب اندر جانے کے دوران پاسپورٹ صحیح سالم تھا تو کیا ائرپورٹ کے اندر پہنچنے کےبعد اُس کا پاسپورٹ پھٹا ہے تو انہوں نے بتایا کہ سیکوریٹی اہلکار کا کام صرف پاسپورٹ ہاتھ میں لے کر ٹکٹ اور  پاسپورٹ کی شناخت کی جانچ کرنا ہوتا ہے،  اُس وقت اس کا پاسپورٹ پھٹا تھا یا نہیں تھا، یہ دیکھنا اُس کا کام نہیں ہے۔ اس لئے یہ نہیں کہا جاسکتا کہ جب پاسپورٹ اُس کے ہاتھ میں دیا گیا تو اُس وقت پاسپورٹ صحیح تھا  یا نہیں۔

مینگلور ائرپورٹ سے شام ہونے تک پریس ریلیز بھی جاری کی گئی جس میں بتایا گیا ہے کہ  انڈین ایمباسی ابوظبی سے  پاسپورٹ پھاڑنے کی شکایت موصول ہوتے ہی جانچ کے احکامات دئے گئے تھے، جس کے بعد ائرپورٹ سیکوریٹی، ڈپٹی کمشنر اور ائیرلائن کی جانب سے رپورٹ ملی ہے اور سی سی ٹی وی کی بنیاد پر پایا گیا ہے  کہ خاتون  جب سیکوریٹی آٖفسر کو پاسپورٹ دکھا رہی تھی تو پاسپورٹ اور ٹکٹ دیکھ کر  اُسے اُسی وقت لوٹا دیا گیا تھا۔ سی سی ٹی وی میں دیکھا گیا ہے کہ اس دوران خاتون ٹرالی لانے کے لئے بھی کہیں نہیں گئی ہے اس لئے خاتون کا یہ کہنا کہ اُس دوران وہ ٹرالی لانے کے لئے گئی یہ بات غلط ہے۔ ریلیز کے مطابق  خاتون سیکوریٹی آفسر کے سامنے ہی تھی اور اُس کا دھیان ہٹانے کا سوال ہی پیدا نہٰیں ہوتا۔

ایک نظر اس پر بھی

بھٹکل اور ہوناور میں جماعت اسلامی ہند کے زیراہتمام ’سوہاردا افطار کوٹا‘کاانعقاد: برادران وطن نے کیا مسجد اور نماز کا بھی  نظارہ

جب ہم آپس میں ایک دوسرے سے ملتےہیں ، بس میں سفر کرتےہیں تو دنیا بھر کی باتیں کرتے ہیں، سیاست، معیشت، تجارت، بازار وغیرہ پر بہت ساری باتیں کرتےہیں جب کبھی مذہب کے متعلق بات کریں تو فوراً ٹوک دیتے ہیں کہ نہیں صاحب ہم سب آپس میں اچھے ہیں یہ مذہب کی باتیں کیوں؟ ۔ جب کہ سچائی یہ ہے کہ ...

انکولہ میں ڈاکٹر انجلی نے بی جے پی پر کیا طنز : مجھے بیرون ضلع کی کہنے والوں کو میرے حلقے میں آنا ہی ہوگا 

انکولہ کے ناڈ ور ہال میں منعقدہ انتخابی تیاریوں کے جائزاتی اجلاس سے خطاب کرتے ہوئے اتر کنڑا حلقے کی امیدوار ڈاکٹر انجلی نمبالکر نے بی جے پی کو آڑے ہاتھوں لیتے ہوئے کہا مجھے اتر کنڑا ضلع سے باہر کی امیدوار بتانے والی بے جے پی کو بھی میرے حلقے میں آنا ہی ہوگا ۔ انہیں شائد پتہ نہیں ...

کمٹہ میں ڈی کے شیوکمار نے کہا : دھرم کسی کی جائداد نہیں ہے ۔ بھگوان کو سیاست میں استعمال کرنا ناقابل معافی ہے

پارلیمانی انتخاب کی تیاریوں کے سلسلے میں کمٹہ میں منعقدہ  جائزاتی اجلاس سے خطاب کرتے ہوئے کے پی سی سی صدر اور نائب وزیر اعلیٰ ڈی کے شیوا کمار نے کہا کہ ہمارا یقین یہ ہے کہ دھرم چاہے جو بھی اس کا نظریہ ایک ہی ہے ، نام چاہے سیکڑوں ہوں ، مگر بھگوان ایک ہی ہے اور پوجا جیسی بھی ہو، ...

بھٹکل شمس الدین سرکل کے قریب بس اور آٹو رکشہ کی ٹکر؛ آٹو ڈرائیور شدید زخمی

  قلب شہر شمس الدین سرکل کے قریب  پرائیویٹ بس اور آٹو کی ٹکر میں آٹو ڈرائیور شدید زخمی ہوگیا جسے   بھٹکل سرکاری اسپتال میں ضروری طبی امداد فراہم کرنے کے بعد زائد علاج کے لئے کنداپور  لے جایا گیا ہے۔ زخمی ڈرائیور کی شناخت جامعہ آباد روڈ، ماسٹر کالونی کے رہائشی  محمد سُہیل ...

تہوار کے موسم میں گلف - منگلورو ہوائی کرایہ آسمان چھو گیا - دبئی سے منگلورو ایک طرفہ کرایہ ہوگیا 70 ہزار روپے !

موسم گرما کی چھٹیاں ، ایسٹر، یوگادی اور عید کے تہواروں کا موسم قریب آتے ہی دبئ سے منگلورو تک کا ہوائی کرایہ آسمان کو چھونے لگا ہے جس کی وجہ سے  جو ایک طرفہ کرایہ زیادہ سے زیادہ 30 ہزارو روپے تک چل رہا تھا اب بڑھ کر 70 ہزار روپوں کے نشان تک پہنچ گیا ہے ۔    

سعودی عربیہ میں المناک سڑک حادثہ؛ منگلورکے ایک ہی خاندان کے چار لوگوں کی موت

ریاض کے مضافاتی علاقہ زُلفیٰ میں پیش آئے ایک المناک کار حادثے میں مینگلورو کے ایک ہی خاندان کے 4 افراد جاں بحق ہوگئے، جن میں 3 ماہ کا بچہ بھی شامل ہے۔ حادثہ بدھ کی شب کو اُس وقت پیش آیا جب یہ لوگ عمرہ  کے لیے قطر سے مدینہ منورہ (سعودی عرب) جا رہے تھے۔ 

بھٹکل مسلم جماعت دبئی کے لیے نئے عہدیداران کا انتخاب: شہریار خطیب صدر اور جیلانی محتشم بنے جنرل سکریٹری

جماعت کے سرگرم رکن جناب شہریار خطیب گلف کی بھٹکلی جماعتوں میں سب سے زیادہ مضبوط اور سرگرم سمجھی جانے والی بھٹکل مسلم جماعت کے صدرمنتخب ہوگئے ، جبکہ جناب جیلانی محتشم جنرل سکریٹری کے عہدہ پر فائز ہوگئے ہیں۔ نائب صدر کے عہدہ پر عمران خطیب، سکریٹری اول کے طور پرعبدالوسیع خلیفہ، ...

سعودی عربیہ میں چاند نظر آگیا؛ سعودی سمیت عرب امارات، بحرین اور دیگر گلف ممالک میں رمضان کا اعلان؛ عمان میں ایک دن بعد یعنی منگل کو ہوگا پہلا روزہ

سعودی عربیہ میں آج اتوار شام کو چاند نظر آنے کے بعد سعودی عربیہ سمیت  متحدہ عرب امارات، قطر، بحرین اور کویت  میں    رمضان کا اعلان کیا گیا ہے۔البتہ مسقط میں رویت ہلال ثابت نہیں ہوا، اس لئے وہاں رمضان کا اعلان نہیں ہوا ہے۔

دبئی سمیت عمان میں بھی گرج چمک کے ساتھ طوفانی بارش

  دبئی سمیت متحدہ عرب امارات کی مختلف شہروں  میں موسلا دھار بارش  ہونے سے کئی علاقوں میں سڑکوں پر پانی جمع ہوگیا ہے۔ عرب میڈیا کے مطابق  ہفتہ کی صبح  دبئی ،ابو ظبی، فجیرا اور دیگر علاقوں میں گرج چمک کے ساتھ موسلا دھار بارش ہوئی جبکہ دبئی کے مختلف علاقوں میں طوفانی بارش کے ...

سعودی عرب کے ریاض میں دنیا کا بلند ترین ٹاور تعمیر ہوگا

الریاض میں دنیا کا بلند ترین ٹاور تعمیر ہوگا جس کی اونچائی دو کلو میٹر ہو گی۔سبق ویب سائٹ کے مطابق ’architects journal‘ نے کہا ہے کہ برطانوی کمپنی ریاض میں تعمیر ہونے والے بلند ترین ٹاور کا ڈیزائن تیار کر رہی ہے۔توقع کی جارہی ہے کہ ریاض میں تعمیر ہونے والا ٹاور برج خلیفہ سے بلند ہوگا ...