کرناٹکا میں اسمبلی انتخابات کے لئے آج ہوگی نوٹی فکیشن جاری، نامزدگیوں کے داخلوں کا سلسلہ شروع

Source: S.O. News Service | By Shahid Mukhtesar | Published on 17th April 2018, 12:52 AM | ریاستی خبریں | ان خبروں کو پڑھنا مت بھولئے |

بنگلورو، 16؍اپریل(ایس او نیوز) ریاستی اسمبلی انتخابات کے لئے منگل سے نوٹی فکیشن جاری ہونے کے ساتھ ہی انتخابی سرگرمیاں غیر معمولی شدت اختیار کرجائیں گی جس کے ساتھ ہی  امیدواروں کی طرف سے نامزدگیوں کے داخلوں کا سلسلہ چل پڑے گا۔ ریاستی اسمبلی کی 224 سیٹوں کے لئے ہونے والے انتخابات کے لئے تمام اضلاع میں ریٹرننگ افسران نوٹی فکیشن جاری کرنے کے بعد نامزدگیاں منظور کرنا شروع کردیں گے۔

نامزدگیوں کے اندراج کے ساتھ ہی ریاست کی اہم سیاسی جماعتیں انتخابات کے لئے صف آراء ہوجائیں گی۔ تاکہ اگلے پانچ سال تک ریاست کا اقتدار انہیں مل سکے۔ حالانکہ بعض میڈیا گھرانوں کے سروے میں حکمران کانگریس کے دوبارہ اقتدار پر آنے کا واضح اشارہ دیا گیا ہے تو ایک آدھ سروے میں معلق اسمبلی کی پیشین گوئی کی گئی ہے۔ ان تمام قیاس آرائیوں کے برعکس تینوں سیاسی جماعتوں کی کوشش یہی ہے کہ وہی ریاست میں اکثریت حاصل کریں۔

وزیراعظم نریندر مودی، صدر کانگریس راہل گاندھی ،بی جے پی قومی صدر امت شاہ ، سابق وزیر اعظم ایچ ڈی دیوے گوڈا ، سابق وزیراعلیٰ ایچ ڈی کمارسوامی اور دیگر سرکردہ لیڈران ریاست بھر میں پہلے سے ہی زور دار انتخابی مہم شروع کرچکے ہیں، ٹکٹ سے محروم امیدواروں نے کانگریس اور بی جے پی میں بغاوت شروع کردی ہے۔اس کی وجہ سے دونوں سیاسی جماعتیں کافی پریشان ہیں۔ ٹکٹ سے محروم لیڈروں نے باغی امیدوار کے طور پر میدان میں اترنے کا بھی واضح اشارہ دیا ہے۔تاہم کانگریس پارٹی اس بات کے لئے کوشاں ہے کہ باغیوں کو مناکر انہیں میدان سے ہٹالیا جائے۔

منگل سے نوٹی فکیشن جاری ہونے کے بعد سے نامزدگیوں کا داخلہ 24 اپریل تک جاری رہے گا، اور نامزدگیوں کی جانچ 25 ؍ اپریل کو کی جائے گی۔ جبکہ نامزدگی واپس لینے کی آخری تاریخ 27؍ اپریل ہوگی۔

 پولنگ 12؍ مئی کو ہوگی ۔ ریاست میں تقریباً 58ہزار پولنگ بوتھوں میں اپنے 224نمائندوں کا انتخاب کریں گے۔ منصفانہ انتخابات کرانے کے لئے الیکشن کمیشن کی طرف سے تمام انتظامات مکمل کرلئے گئے ہیں۔

ایک نظر اس پر بھی

دہشت گردانہ حملے ہندو مسلم اتحاد کو نہیں توڑ سکتے پلوامہ شہید جوانوں کو خراج عقیدت کے دوران شرکاء کا اظہار خیال

بنگلور وپیس آرگنائزیشن کے محمد رفیع دھارواڑکر، ترنگ میوزک اکیڈمی کی نکہت سلطانہ، نوا کرناٹک آٹو ڈرائیور یونین کے نوید خان کے مشترکہ اہتمام سے چہارشنبہ 20؍فروری کوٹاؤن ہال بنگلورکے سامنے پلوامہ میں ہوئے شہید فوجی جوانوں کو موم بتیاں جلا کر ان کے حق میں عقیدت پیش کی گئی ۔

ہاسن کے قریب ہوئے سڑک حادثہ میں گنگولی کے ایک ہی خاندان کے چار لوگ زندہ جل کر ہلاک

گنگولی کے گُجّاڈی کے رہنے والے ایک ہی خاندان کے چار افراد  ہاسن کے قریب چنّا رائے پٹن نامی مقام پر سڑک حادثہ میں زندہ جل کر ہلاک ہوگئے جن کی شناخت وویویک نائیک (38)، ان کی اہلیہ ریشما نائیک (34)، نو سالہ بچی وننتی اور پانچ سالہ بچہ ویگنیش کی حیثیت سے کی گئی ہے۔

ہوناور: ہیسکام کے افسران راستہ بھٹک گئے۔ پوری رات جنگل میں گزارنے پر ہوئے مجبور

گیر سوپّا ڈیم کے علاقے میں گھنے جنگل سے گزرنے والی 33کے وی بجلی لائن کا معائنہ کرنے کے لئے نکلی ہوئی ہیسکام افسران اور عملے پر مشتمل ایک ٹیم میں شامل دوافسران جنگل میں راستہ بھٹک گئے جس کی وجہ سے انہیں پوری رات جنگل ہی میں گزارنی پڑی ۔

بھٹکل مجلس احیاء المدارس کے زیراہتمام انوکھی نوعیت کا  ’اجتماعی قرأت مقابلے ‘کا خوبصورت انعقاد : قرآن فیصلہ کن ، ممتاز ،مسلسل پڑھی جانی والی واحد کتاب ہے

مجلس احیاء المدارس بھٹکل کے زیر اہتمام مخدوم کالونی میں واقع مدرسہ دارالتعلیم و التربیہ میں 19فروری 2018بروز منگل کی رات منعقدہ اپنی نوعیت کے پہلے ’’اجتماعی قرأت مقابلہ ‘‘میں جامعہ اسلامیہ چوک بازار بھٹکل اول، جامعہ اسلامیہ بھٹکل کے شعبہ ثانویہ دوم اور جامعہ اسلامیہ کارگدے ...

بھٹکل انجمن انجینئرنگ کالج کے فارغین کی دبئی میں نشست؛قائد قوم نے کہا؛ فارغین کا ساتھ ملا تو انجمن کی کامیابی یقینی

گذشتہ دنوں دبئی میں قائد قوم ڈاکٹر ایس ایم سید خلیل الرحمن صاحب کی رہائش گاہ پر بھٹکل انجمن انجنیرنگ کالج کے فارغین کی ایک خصوصی نشست منعقد ہوئی جس میں انجمن انجنیرنگ کالج کے اولین بیچBatch کے فارغین نے بھی شرکت کی ۔

ہاسن کے قریب ہوئے سڑک حادثہ میں گنگولی کے ایک ہی خاندان کے چار لوگ زندہ جل کر ہلاک

گنگولی کے گُجّاڈی کے رہنے والے ایک ہی خاندان کے چار افراد  ہاسن کے قریب چنّا رائے پٹن نامی مقام پر سڑک حادثہ میں زندہ جل کر ہلاک ہوگئے جن کی شناخت وویویک نائیک (38)، ان کی اہلیہ ریشما نائیک (34)، نو سالہ بچی وننتی اور پانچ سالہ بچہ ویگنیش کی حیثیت سے کی گئی ہے۔

ڈاکٹر کے ہریش کماراب اُترکنڑا کے نئے ڈپٹی کمشنر؛ ایس ایس نکول کا بنگلور تبادلہ

ضلع اُترکنڑا کے ڈپٹی کمشنر ایس ایس نکول کا بنگلور تبادلہ کرنے کے ساتھ ہی ڈاکٹر کے ہریش کمار کو ضلع کا نیا ڈپٹی کمشنر مقرر کیا گیاہے۔ بتایا گیا ہے کہ ریاست کے گورنر کے حکم پر ان دونوں کے تبادلے ہوئے ہیں۔