سدیرمن کپ میں بہترین کارکردگی کی ضرورت ہے: سری کانت

Source: S.O. News Service | By Sheikh Zabih | Published on 16th May 2017, 12:53 PM | اسپورٹس |

نئی دہلی،15مئی(ایس او نیوز/آئی این ایس انڈیا)سنگاپور اوپن فائنل میں پہنچے کدامبی سری کانت کا خیال ہے کہ سدیرمن کپ میں ہندوستان کو مشکل ڈرا ملا ہے اور اسے مکسڈ ٹیم بیڈمنٹن چیمپئن شپ میں تمغہ جیتنے کے لیے بہترین کارکردگی کرنی ہوگی۔سری کانت نے کہا کہ مجھے لگتا ہے کہ ہمیں مشکل ڈرا ملا ہے چونکہ ہمارا سامنا انڈونیشیا اور ڈنمارک سے ہے، یہ مضبوط ٹیمیں ہیں لہذا مقابلہ آسان نہیں ہوگا لیکن اپنا دن ہونے پر ہم جیت سکتے ہیں۔ انہوں نے کہاکہ ہندوستان ٹاپ8 ٹیموں میں سے ایک ہے اور تمام ٹیمیں کافی مضبوط ہیں لیکن میرا خیال ہے کہ ہمیں اس سطح پر کھیلنے کے لیے تیار رہنا چاہیے، ہم میچوں اور ڈرا کے بارے میں ہی سوچتے نہیں رہ سکتے، ہمیں اپنی بہترین کارکردگی کا مظاہرہ کرنا ہوگا۔ سنگاپور اوپن فائنل میں پہنچ کر انہوں نے ورلڈ چمپئن شپ کوٹہ حاصل کیا۔ سری کانت نے کہا کہ انہیں گلاسگو میں تمغہ جیتنے کے لیے مسلسل اچھی کارکردگی کا مظاہرہ کرنا ہوگا۔انہوں نے کہا کہ چوٹ کے بعد واپسی کرکے میں خوش ہوں، خوش قسمتی رہی کہ میں نے ورلڈ چیمپئن شپ کے لیے کوالیفائی کیا لہذا مجھے اس کا انتظار ہے۔

ایک نظر اس پر بھی

ہندوستان نے مسلسل نویں سیریز جیتی، عالمی ریکارڈ کی برابری کی

سری لنکا نے دھننجے ڈيسلوا (119 ریٹائرڈ ہرٹ) کی ذمہ دارانہ اننگز کی بدولت ہندوستان کے خلاف دوسرا اور آخری کرکٹ ٹسٹ بدھ کو یہاں ڈرا کرا لیا جبکہ دنیا کی نمبر ایک ٹیم ہندوستان نے مسلسل نویں ٹسٹ سیریز جیتنے کے ساتھ عالمی ریکارڈ کی برابری کر لی۔

ایڈیلیڈ میں آسٹریلیا 120رنز سے فاتح، ایشز سیریز میں دو صفر کی برتری

دوسری اننگز میں جیت کے لیے انگلینڈ کو 354رنز کا ہدف درکار تھا تاہم جو روٹ کی ٹیم صرف 233رنز بنا کر آؤٹ ہوگئی۔ آسٹریلیا کی جانب سے مچل اسٹارک نے پانچ، ہیزل وڈ اور لیون نے دو دو جبکہ پال کمنگز نے ایک وکٹ حاصل کی۔

ہندوستان نے دوسرے ٹیسٹ میں سری لنکا کو ایک اننگ اور 239 رنوں سے شکست دی

اسپنروں اور تیز گیندبازوں کے شاندار کھیل کی بدولت ہندستان نے سری لنکا کی ٹیم کو دوسرے کرکٹ ٹیسٹ میچ کے چوتھے دن ہی لنچ سے تھوڑی دیر بعد 166 رن کے معمولی اسکور پر آؤٹ کرکے میچ ایک باری اور 239 رنوں سے جیت لیا

ہندوستان اور سری لنکا کے درمیان پہلا ٹیسٹ میچ ڈرا

ہندوستان اور سری لنکا کے درمیان تین ٹیسٹ میچوں کی سیریز کا پہلا ٹیسٹ بغیر کسی نتیجے کے اختتام پذیر ہوگیا، آخری روز سری لنکا کی ٹیم 231 رنز کے تعاقب میں سات وکٹوں کے نقصان پر 75 رنز بنا سکی اور کم روشنی کی وجہ سے میچ مقررہ وقت سے پہلے ختم کر دیا گیا جس کی بدولت سری لنکا یقینی شکست سے ...