شراب خانہ میں موجود لڑکیوں پر حملہ کرنا کوئی غلط بات نہیں ۔مینگلور کے وی ایچ پی لیڈر شرن پمپ ویل کا بیان

Source: S.O. News Service | By I.G. Bhatkali | Published on 11th May 2018, 1:05 AM | ساحلی خبریں |

منگلورو 10؍مئی (ایس او نیوز) وشواہندو پریشد منگلورو کے سکریٹری شرن پمپ ویل نے کہا ہے کہ پَب یعنی شراب خانہ میں رقص کرنے ، شراب نوشی وغیرہ میں ملوث نوجوان لڑکیوں پر اگر کوئی حملہ کرتا ہے تو و ہ ایک اچھا کام ہے۔وہ   ایک  نیوز پورٹل کے نمائندے کو انٹرویو دیتے ہوئےاپنے  خیالات کا اظہار کررہے تھے۔

مذکورہ ویب سائٹ کی رپورٹ کے مطابق ماضی میں بجرنگ دل کے لیڈر کے طورپہنچان رکھنے والاشرن پمپ ویل فی الحال اسمبلی انتخابات کے پس منظر میں ساحلی علاقے میں بی جے پی کی تشہیری مہم میں مصروف ہے۔

منگلورو اور اس کے اطراف میں غیراخلاقی پولیس گیری کے تعلق سے شرن پمپ ویل نے اپنی حمایت ظاہر کرتے ہوئے کہا ہے کہ :’’ اگر کوئی سماج میں بیداری لانا چاہتا ہے اور اس ضمن میں مار پیٹ بھی کی جاتی ہے تو اس میں کوئی برائی نہیں ہے۔ ایک نوجوان لڑکی اگر پب میں جاتی ہے تو وہ وہاں پرڈرگس اور شراب استعمال کرتی ہے، رقص کرتی ہے۔ ایسے شراب خانوں  میں سیکس مافیا بھی موجودہے۔یہ سب دیکھنے کے بعد کیا ہمیں خاموش بیٹھنا چاہیے؟

منگلورو ایک اچھے کلچر والا شہر ہے۔ اس طرح کی حرکتوں پر روک لگانے کے لئے نوجوان سرگرم رہتے ہیں۔‘‘شرن پمپ ویل نے اپنی غیر اخلاقی پولیس گیری کے لئے استدلا ل پیش کرتے ہوئے کہا کہ شراب نوشی سے باز رکھنے کے لئے ٹی وی پر اشتہارات آتے ہیں۔اسی کو عملی شکل دینے کے لئے یہ کام(غیراخلاقی پولیس گیری) انجام دیاجاتا ہے۔ شرن پمپ ویل کے مطابق ساحلی کرناٹکا میں صرف ہندتووا کے حامی اور گؤ رکھشا کرنے والے ہندو امیدواروں کو انتخابات میں کامیابی دلانے کی نیت سے وی ایچ پی کی طرف سے بی جے پی کی حمایت میں مہم چلائی جارہی ہے ۔

ایک نظر اس پر بھی

اڈپی: بھاسکر شیٹی مرڈر کیس کے ملزم نرنجن بھٹ کوسپریم کورٹ سے بھی نہیں ملی ضمانت

مشہور تاجر بھاسکر شیٹی کے سنسنی خیز قتل کے اہم ملزم نرنجن بھٹ کی ضمانت کی عرضی سپریم کورٹ نے بھی مسترد کردی ہے۔واضح رہے کہ نرنجن بھٹ پیشے سے ایک نجومی ہے اور الزام ہے کہ 28جولائی 2016کوبھاسکر شیٹی کی بیوی اور بیٹے کے ساتھ مل کر قتل کی سازش رچنے اور لاش کے ٹکڑے کرکے ’ہوما‘ کی آگ میں ...

اُڈپی : رافیل گھپلے کے خلاف ضلع کانگریس کا احتجاج : احتجاجی ریلی میں لاٹھیوں کی نمائش

نریندر مودی کی قیادت والی مرکزی بی جے پی کی  حکومت 41ہزار کروڑ روپیوں کے رافیل جنگی جہاز گھپلے کے متعلق شفاف جانچ کا مطالبہ کرتے ہوئے اُڈپی ضلع کانگریس کی قیادت میں منگل کو اُڈپی ڈپٹی کمشنر دفتر کے روبرو احتجاج کیا گیا۔

بھٹکل کی رکشاموگیر اٹیا پٹیا کھیل کی ریاستی ٹیم کے لئے منتخب

شرالی کے سینٹ تھامس کوٹے باگیلو اسکول کی طالبہ کماری رکشا جنّا موگیر  اٹیا پٹیا نامی کھیل کی ریاست کرناٹکا کی ٹیم کے لئے منتخب ہونےکی جانکاری بھٹکل تعلقہ اٹیا پٹیا فیڈریشن کے اعزازی سکریٹری نے پریس ریلیز کے ذریعے دی ہے۔

بھٹکل کے نیمدی کیندرا کو مناسب عمارت میں منتقل کرنے کا مطالبہ؛ سماجی کارکن فیاض ملا نے  ڈی سی کو سونپا میمورنڈم

شہر کا اٹل جی جن سنہی مرکز  مقامی انتظامیہ کے ایک تنگ کمرے میں کام انجام دینے کی وجہ سے ضروریات کے لئے پہنچنے والے عوام کو کافی دقت ہورہی ہے۔ بھٹکل بلدیہ کے نامزد ممبر اور سماجی کارکن فیاض ملا نے اترکنڑا ڈپٹی کمشنر سے کاروار میں ملاقات کرتے ہوئے مرکز کو  کسی دوسری مناسب جگہ ...

ہوناور میں ہوئے سڑک حادثہ میں مرنے والوں کی تعداد بڑھ کر ہوگئی چھ؛ منی پال اسپتال میں ایک خاتون کی ہوئی موت

تین روز قبل ہوناور تعلقہ کے کرکی نیشنل ہائی وے پر ہوئے سڑک حادثے میں پانچ لوگوں کی موت واقع ہوگئی تھی اور آٹھ لوگوں کو شدید زخمی حالت میں اُڈپی، منی پال اور مینگلور اسپتالوں میں داخل کیا گیا تھا،  اس تعلق سے منی پال سے خبر ملی ہے کہ اسپتال میں ایڈمٹ ایک خاتون  زخموں کی تاب نہ ...