ٹرمپ کی بیجنگ آمد، تجارت اور شمالی کوریا ایجنڈا پر سرفہرست

Source: S.O. News Service | By Shahid Mukhtesar | Published on 11th November 2017, 11:25 AM | عالمی خبریں |

واشنگٹن9نومبر (ایس او نیوز؍آئی این ایس انڈیا)ڈونالڈ ٹرمپ بدھ کے روز بیجنگ پہنچے، جو امریکی صدر کے طور پر یہ اْن کا پہلا دورہ ہے۔ یہ کوشش کرتے ہوئے کہ امریکہ میں روزگار کے زیادہ سے زیادہ مواقع یقینی بنائے جائیں، وہ چین کے بارے میں اکثر منفی باتیں کہتے رہے ہیں۔اْن کے دورے میں، تجارت ایجنڈا کا اہم موضوع ہے، لیکن شمالی کوریا کا معاملہ بھی اتنا ہی اہم ہے۔وائٹ ہاؤس کے اہل کاروں کا کہنا ہے کہ صدر اس بات کے خواہاں ہیں کہ چین پر زور ڈالیں کہ وہ اپنے قریبی اتحادی اور چوٹی کے تجارتی ساتھی، شمالی کوریا پر اپنا اثر و رسوخ استعمال کرے تاکہ وہ اپنا جوہری پروگرام ترک کر دے۔ بیجنگ آمد سے کچھ ہی گھنٹے قبل سیؤل میں تقریر کرتے ہوئے، شمالی کوریا کا معاملہ ہی اْن کا موضوع رہا۔صدر ٹرمپ نے جنوبی کوریا کی قومی اسمبلی سے خطاب کرتے ہوئے شمالی کوریا کو سخت پیغام بھیجا، جس کے لیڈر کم جونگ اْن پر زور دیا گیا کہ ’’بہتر راستے‘‘ پر گامزن کے لیے پہلا قدم یہ ہوگا کہ وہ اپنے جوہری ہتھیار تلف کر دیں۔ٹرمپ نے شمالی کوریا کو متنبہ کیا کہ ’’ہمارے بارے میں غلط اندازہ نہ لگاؤ، ہمیں آزمائش میں نہ ڈالو۔ ہم اپنی مشترکہ سکیورٹی، اپنی مشترکہ خوش حالی اور اپنی مقدس آزادی کا دفاع کریں گے‘‘۔صدر کے الفاظ کی حمایت میں امریکہ کے تین لڑاکا طیارہ بردار بحری جہاز اور جوہری آبدوزیں تعینات ہیں، جن کے لیے صدر نے کہا ہے کہ یہ جزیرہ نما کوریا کے قریب ’’حکمت عملی کے حامل مقامات پر موجود ہیں‘‘۔امریکی صدر نے شمالی کوریا کو ’’مکمل طور پر ناکام‘‘ قرار دیا۔ اور، کہا کہ بگاڑ کی شکار حکومت کی حکمرانی ایک غلط سوچ رکھنے والا مطلق العنان کر رہا ہے، جس نے اپنے ہی عوام کو غلام بنا رکھا ہے۔یہ بات یقینی ہے کہ سخت الفاظ کا استعمال شمالی کوریا کو اشتعال میں لاسکتا ہے، جس کی جانب سے سخت بیان بازی کا امکان ہے۔
 

ایک نظر اس پر بھی

بھارت۔ تائیوان ایس ایم ای ترقیاتی فورم تائیپی میں شروع 

vایم ایس ایم ای کے سکریٹری ڈاکٹر ارون کمار پانڈا 13 سے 17 نومبر 2018 تک چلنے والے بھارت 150 تائیوان ایس ایم ای ترقیاتی فورم کے اجلاس میں بھارتی وفد کی قیادت کررہے ہیں۔ فورم میں کل اپنے افتتاحی کلمات میں ڈاکٹر پانڈا نے کہا کہ بھارت میں ایم ایس ایم ای کی پوزیشن کلیدی اہمیت کی حامل ہے

شمالی کوریا کا میزائل پروگرام جاری ہے، رپورٹ

ایک امریکی ریسرچ آرگنائزیشن نے کہا ہے کہ اس نے شمالی کوریا کے میزائلوں سے متعلق ایسے 13 مقامات کا پتا لگایا ہے جن کا اعلان نہیں کیا گیا ہے۔ یہ اس بات کی تازہ ترین علامت ہے کہ شمالی کوریا کو اس کے جوہری ہتھیاروں سے دستبردار کرانے کی امریکی کوشش تعطل کا شکار ہو گئی ہے۔

غیر ملکی طلبہ کی امریکہ میں دلچسپی کیوں گھٹ رہی ہے؟

غیر ملکی طالب علموں کی آمد سے امریکی معیشت کو ہر سال42 ارب ڈالر کا فائدہ ہوتا ہے اور روزگار کی منڈی میں ساڑھے چار لاکھ ملازمتیں پیدا ہوتی ہیں۔ غیر ملکی طالب علم امریکی معیشت کے لئے بے بڑی اہمیت رکھتے ہیں۔

ہندوستان ڈیجیٹل فروغ اورترقی کے دورسے گذررہاہے ، سنگاپورمیں جاری فنٹیک فیسٹول میں وزیراعظم کاخطاب

وزیراعظم نے سنگاپورمیں جاری فنٹیک فیسٹول میں خطاب کرتے ہوئے کہاہے کہ یہ ہندوستان پر چھاجانے والے مالیاتی انقلاب اور ہندوستان کے 1.3 ارب عوام کی زندگی میں بہتر تبدیلیوں کا اعتراف ہے۔ہندوستان اور سنگاپور ہندوستانی اور آسیان ملکوں کے چھوٹے اور اوسط درجے کے کاروباری اداروں کوایک ...

سنگاپور کے وزیراعظم لی سین لونگ سے وزیراعظم نریندر مودی کی ملاقات

وزیر اعظم نریندر مودی نے بدھ کو سنگاپور کے وزیراعظم لی سین لونگ سے ملاقات کی۔ دونوں رہنماؤں نے مالیاتی ٹیکنالوجی میں تال میل اور علاقائی اقتصادی اتحاد سمیت کئی مسائل پر بات چیت کی۔ مودی نے فنٹیس فیسٹیول سے خطاب کر کے بدھ کو دو روزہ سنگاپوردورہ کا آغاز کیا ۔یہ فیسٹیول مالیاتی ...